Arkitektúr og skipulag - 01.08.1992, Blaðsíða 98

Framleiðendur veggeininga ættu að
hafa þetta í huga. Æskileg hæð
slíkra veggja er á bilinu 45-55 cm.
Hærri veggir, 60-100 cm, eru þægi-
legir til að halla sér upp að og eru
ákj ósanlegri áningarstaður fyrir fólk
sem hefur takmarkað afl.
Plöntur hafa róandi og endur-
nærandi áhrif á fólk. Þær gefa frá
sér súrefni, hreinsa loft, segja til um
árstíðirnar sem endurspeglast í
brumi, blómgun og fölva. Að njóta
þess að vera innan um þéttan gróður
þar sem litir og angan spila saman
er einstök tilfinning. Fyrir aldraða
og fatlaða er áþreifanlegt umhverfi
mikilvægt og ætti að huga að því
við plöntuval á útivistarsvæðum og
ígörðum. Þannigværihægtaðgefa
tækifæri til að tína ber, reyta illgresi
og annarrar almennrar umhirðu sem
ýtir undir útivist og holla hreyfingu.
Garðyrkja í blómskrýddum lundi í
nágrenni við stofnanir fyrir aldraða
og sjúka er gott dæmi um slíka
hreyfingu. Auðvelda mætti aðgang
að plöntubeðum á ákveðnum
stöðum til ræktunar eða berj atínslu
með því að hækka þau upp.
í UPPHAFISKYLDIENDINN SKOÐA
Strax við vinnslu deiliskipulags þarf
að gefa öllum þessum atriðum gaum.
Hæðarmismun þarf að athuga
vandlega þar sem hann er ekki
aðeins ráðandi í útliti og stíganda
umhverfisins, heldur einnig á úti-
vistarsvæðum. Einnig þarf flæði
fótgangandi að vera í eðlilegu sam-
hengi við nærliggjandi svæði. Til
þess þarf margþætt og aðgengilegt
stígakerfi. A síðari skipulagsstigum
þarf að huga að samræmi milli
bílastæða, rampa, hellulagðra
svæða, dvalarsvæða, bekkja, lýs-
ingar, skilta og aðkomu í opinberar
byggingar.
Með fyrrnefndar forsendur að
leiðarljósi má ryðja mörgum hindr-
unum úr vegi fólks sem af
einhverjumástæðum á íerfiðleikum
með að komast leiðar sinnar. Það er
mikilvægt að gleyma ekki að greið-
fært umhverfi eykur ánægju allra af
útivist og hreyfingu um leið og það
bætir heildarsvip og áferð úti-
vistarsvæða og garða. ■