Heilbrigt líf - 01.12.1949, Side 45

stjóra, til þess að stofna Ungliðadeildir RKÍ í barnaskól-
um landsins, og þá fyrst og fremst í Reykjavík. Þessar
ungliðadeildir tíðkast víða erlendis.
Stofndagur ungliðadeilda RKÍ er 30. október 1939. Fyrsti
formaður þeirra var Sigurður Thorlacius, skólastjóri.
XI. ÚTGÁFUSTARFSEMI RAUÐA KROSS ÍSLANDS.
Vnga ísland.
Árið 1932 keypti RKÍ blaðið „Unga lsland“ og tók að
gefa það út. Ritstjóri var ráðinn Steingrímur Arason,
kennari. I ársbyrjun 1933 var blaðið stækkað og Arngrími
Kristjánssyni, skólastjóra, bætt í ritstjórnina. Hann ann-
aðist líka afgreiðslu þess. Síðar starfaði Kristín Thorodd-
sen við það sem aðstoðarritstjóri og fleiri.
Blaðið var einkum ætlað unglingum, og skyldi birtur í
því fróðleikur og skemmtilegar sögur við unglinga hæfi.
Jafnframt var ætlazt til þess, að það flytti fræðslu um
heilbrigðismál, einkum til verndar heilsunni. „Unga Is-
land“ gaf út „Almanak skólabarna“, sem hafði m. a. inni
að halda ýmsar ágætar heilsufarslegar leiðbeiningar handa
skólabörnum. Blaðið kom út fram á eða út árið 1939.
Heilbrigt lif.
Árið 1940 réðst RKÍ í að gefa út tímarit um heilsuvernd
og heilbrigðismál. Tímarit þetta var nefnt Heilbrigt líf.
Það hefur komið út síðan tvisvar á ári í tveimur, tvöföld-
um heftum. Það hlaut brátt miklar vinsældir og náði mik-
illi útbreiðslu. Ritstjóri frá stofnun þess var dr. med. Gunn-
laugur Claessen, og gegndi hann því starfi þar til hann
féll frá, 23. júlí 1948.
Afgreiðslu tímaritsins annaðist fyrstu árin Ólafur
Thorlacius, fyrrv. héraðslæknir. Nú sér skrifstofa RKÍ
um afgreiðslu þess.
Heilbrigt líf_
43