Heilbrigt líf - 01.12.1949, Page 116
fá á sig fastmótaðan svip, beri tiltölulega lítið á því. Verst
eru settir í þessu efni bæir á gelgjuskeiði, í örum vexti.
Það er tiltölulega fljótlegt að skapa sér gljáfægt ytra borð,
en það tekur lengri tíma að öðlast innri menningu og
þann félags anda, sem stórborgarlífið krefst, ef vel á að
fara.
Eitt augljósasta einkennið um lágt menningarstig er
skeytingarleysi eða jafnvel andúð á störfum lögreglunnar
og yfirhylming með lögbrjótum, þótt smáir séu eða af-
brotin smávægileg.
Þjóðir, sem lengi hafa búið við mikið þéttbýli, hafa
mikla reynslu í meðferð þessara mála.
Ég ætla því hér að gera stutta grein fyrir því, hvernig
tekið er á þessum málum í höfuðborg Englands — bregða
upp mynd af störfum unglingadómstólsins.
Við, nokkrir læknar frá heilbrigðisfræðideild Háskólans
í London, erum staddir í dómsal bæjarhlutans West Ham
í austurhluta Lundúna. Auk okkar eru á áheyrendabekkj -
unum tveir blaðamenn. Óviðkomandi menn fá ekki aðgang
að réttarsalnum.
f dómarasæti er aldraður, virðulegur og góðlegur barna-
kennari, en honum til aðstoðar er ungur lögfræðingur og
skrifari.
Þarna er og sækjandi og verjandi.
Rétturinn er settur.
1. mál.
Tveir myndarlegir 16 ára piltar eru leiddir inn í rétt-
arsalinn. Þeir voru báðir nemendur í sjómannaskóla verz!-
unarflotans.
Piltarnir höfðu kvöldið áður kastað steini í kött, sem
sat uppi á steingarði. Kötturinn fékk blæðandi sár á höf-
uðið og féll ofan af garðinum. Þegar piltarnir sáu, að kött-
urinn var illa særður, reyndu þeir að gera alveg út af við
114
Heilbrigt líf