Bókasafnið - 01.01.2002, Blaðsíða 53

Þegar spurt var í hvaða námsgreinum nemendur
notuðu-bókasafnið helst kom í ljós að flestir töldu sig
nota safnið mest í íslensku, félagsfræði og sögu. Alls
voru 40 námsgreinar taldar upp. Þar sem svo mis-
munandi kennslugreinar eru kenndar í skólunum
þremur verða svörin helst marktæk og áhugaverð í
hverjum skóla fyrir sig og samanburður milli skóla
hefur lítið almennt gildi.
Fram kom, eins sjá má á mynd 6, að um 37% nem-
enda úr öllum skólunum afla sér oftast heimilda upp
á eigin spýtur en nær 40% nemenda töldu sig þurfa
aðstoð við heimildaleit.
Þegar spurt var hvort nemendur hefðu fengið bók
eða annað efni lánað heim af safninu kváðust 47% úr
FÁ, 63% úr Kvennaskólanum og 80% úr MS hafa nýtt
sér þá þjónustu.
Aðspurð kváðust um 60% nemenda geta nýtt sér
heimildir á ensku við verkefnavinnu og ritgerðarsmíð
og um 31% sögðust geta nýtt sér heimildir á dönsku.
Þess skal getið að þessir nemendur hafa allir lært
dönsku í skóla að minnsta kosti jafnlengi og ensku.
Mynd 6
(11. sp. - heimildaöflun á bókasafns- og upplýsingamiðstöð skólans)
50%
Já, oftast Já, en Nei, veit Nei, Nei, of Nei, Svara
upp á þarf ekki veit mikið aldrei ekki
eigin aöstoð hvað mig ekki til erfitt
spýtur við það vantar hvar á að velja
að leita
1 FÁ | Kvennask. ■ MS
Til samanburðar má nefna að í viðhorfskönnun,
sem gerð var meðal nemenda MS vorið 1987, kom
fram að 47,7% töldu að enska nýttist þeim við heim-
ildaritgerðir en 30,4% nefndu dönsku. Þannig virðist
mun hærra hlutfall telja sig hafa ensku á valdi sínu
en áður en hlutfall dönsku helst svipað. Rétt er að
hafa í huga að nemendur hafa mun fleiri tækifæri til
að kynnast ensku í umhverfinu heldur en dönsku.
Spurt var hvort nemendur hefðu leitað upplýs-
Mynd 7
(12. sp. - heimlán gagna)
100%
80%
60%
40%
20%
0%
FÁ Kvennask. MS
□ Já ■ Nei ■ Svara ekki
inga í úrklippusafni. Meirihluti svarenda úr MS og
Kvennaskólanum, um 80%, svaraði því neitandi og
um 70% úr FÁ.
Ekki er ljóst hvað veldur því að svo lágt hlutfall
segist hafa leitað heimilda í úrklippusafni bókasafns-
ins í skólunum þremur. Getur þar skipt máli stað-
setning úrklippusafnsins, viðhald, aðgengi eða hvort
nemendum er sérstaklega bent á að nýta sér úrklipp-
ur við lausn verkefna.
Um öflun upplýsinga úr tímaritum safnanna
sögðust um 50% í Kvennaskólanum, 33% í FÁ og 20%
í MS hafa leitað upplýsinga þar.
Oft eru heimildir, sem nota á við lausn tiltekinna
verkefna, teknar frá og hafðar á ákveðnum sérmerktum
stað. Það getur einnig skýrt hve hátt hlutfall nemenda
telur sig ekki hafa leitað heimilda á tilteknu formi.
Mynd 8
(14. sp. - upplýsingaöflun í úrklippusafni)
100%
80%
60%
40%
20%
0%
FÁ Kvennask. MS
□ Já ■ Nei ■ Svara ekki
Um leit að upplýsingum á margmiðlunardiskum
sögðust 84% aðspurðra ekki hafa leitað upplýsinga
þar. Nokkuð kemur á óvart hversu fáir nemendur
hafa notað margmiðlunardiska safnanna. Skýrist það
líklega meðal annars af því hversu slæm aðstaða var
til þessarar leitar inni á söfnunum sjálfum en þegar
könnunin var gerð var mest ein tölva til slíkrar leitar
inni á hverju safni. Nemendur þurftu því að nota
tölvur annars staðar í skólanum þar sem ef til vill litla
aðstoð var að fá.Töluvert mikið er til af margmiðlun-
ardiskum með mismunandi efni í FÁ og MS. Efni á
margmiðlunardiskum, hversu gott sem það er, virðist
ekki nýtast sem skyldi. Þetta útgáfuform sýnist ekki
BÓKASAFNIÐ 26. ÁRG. 2002
51