Gátt - 2004, Qupperneq 9

9
Símenntunarmiðstöðvar innan KVASIS eru á lokastigi og
í undirbúningi eru fleiri samningar við fræðsluaðila.
Markmiðið með þessum samningum er að gera náms-
leiðir viðkomandi samstarfsaðila fyrir markhóp FA
aðgengilegar og gagnsæjar með það fyrir augum að
hægt sé að fá þær metnar til eininga, tryggja framkvæmd
samstarfsaðilans á eigin svæði en leitast jafnframt við að
auðvelda framkvæmd sem víðast á landinu. Einnig er
markmiðið að búa til nýjar námsleiðir fyrir hópa sem ekki
hafa notið fræðslu áður. Í því skyni býður Fræðslu-
miðstöðin fræðsluaðilum og öðrum samstarfsaðilum upp á
samstarf um þarfagreiningar og í framhaldi af því lýsingu í
námsskrá og mat til eininga á framhaldsskólastigi.
Eftirfarandi verkefni hafa verið unnin:
- Lokið er vinnu við lýsingu á fimm námsleiðum á vegum
Mímis-símenntunar. Þær eru Grunnmenntaskólinn,
Jarðlagnatækni, Landnemaskólinn, MFA-skólinn og
„Aftur í nám“. Námsskrárnar hafa verið gefnar út og
þær má einnig finna á vef FA, www.fraedslumidstod.is/.
- Stærsta verkefnið sem FA hefur unnið að á sl. ári er
fagnám fyrir verslunarfólk, að frumkvæði Samtaka
verslunar og þjónustu og í samstarfi við Verzlunar
mannafélag Reykjavíkur, Starfsmenntasjóð verslunar-
og skrifstofufólks, Verzlunarskólann og verslunarfyrir-
tækin Hagkaup, Kaupás, Húsasmiðjuna, Esso og Sam-
kaup. Verzlunarskólinn mun sjá um framkvæmd á
tilraunaverkefni og hefst það í byrjun næsta árs.
Guðmunda Kristinsdóttir lýsir verkefninu í grein sinni.
- Unnið er að nýrri námsleið, „Fiskur og ferðaþjónusta“,
í samstarfi við Mími-símenntun, Verkalýðsfélag
Húsavíkur, Starfsgreinasamband Íslands og mörg
fyrirtæki innan þessara starfsgreina á Húsavík og í
nágrenni. Þarfagreining hefur verið unnin af Fræðslu-
miðstöð Þingeyinga og námsskrárvinna er að hefjast
hjá FA.
Mikilvægt er að framkvæmd námsleiðanna sé eins góð
og kostur er. Fræðslumiðstöð atvinnulífsins mun ekki sjá
um framkvæmd námsleiðanna. Hlutverk Fræðslumið-
stöðvarinnar er að tryggja að gæði fræðslunnar séu sem
allra mest. Í þessu skyni er gerð krafa til samstarfsaðila
FA um að þeir framfylgi almennum samningsskilmálum
FA m.a. um gæði í framkvæmd og kennslu. Til að sinna
þessu hefur verið unnið að eftirfarandi verkefnum:
- Undirbúningur er hafinn undir lýsingu á gæðakröfum
FA. Fulltrúi FA tekur einnig þátt í undirbúningshópi í
ALL-verkefninu sem er erlent samstarfsverkefni á
vegum Menntar. Í verkefninu mun verða lýst kerfi um
vottun fræðsluaðila og er þetta verkefni því nátengt
hlutverki FA.
- FA býður samstarfsaðilum sínum upp á námskeið um
kennslufræði fullorðinna og hafa verið haldin tvö
námskeið fyrir Mími-símenntun og eitt námskeið fyrir
Verzlunarskólann. Fleiri námskeið eru í undirbúningi.
- Byggt hefur verið upp gagnasafn um fullorðinsfræðslu
og starfsmenntun í húsakynnum FA.
Starfsmenn á Grensásvegi 16a, hjá Fræðslumiðstöð atvinnulífsins, Landsmennt, Mennt, Mími-Símenntun og Sjómennt. Talið frá vinstri: Kristín
Njálsdóttir, Aðalheiður Jónsdóttir, Haukur Harðarson, Sigrún Jóhannesdóttir, Ásmundur Hilmarsson, Rósa S. Jónsdóttir, Mirasol Asayas, Helga Björk
Pálsdóttir, Ingibjörg Elsa Guðmundsdóttir, Fjóla María Lárusdóttir, Sigríður Einarsdóttir, Arndís B. Jóhannsdóttir, Sigrún Kristín Magnúsdóttir, Gunnlaug
Hartmannsdóttir, Guðmunda Kristinsdóttir, Arnbjörn Ólafsson og Hulda Ólafsdóttir.
F R Æ Ð S L U M I Ð S T Ö Ð A T V I N N U L Í F S I N S