Gátt - 2004, Side 25

25
F R Æ Ð S L U M I Ð S T Ö Ð A T V I N N U L Í F S I N S
sögðu rannsókninni enn meira gildi. Ekki er unnt að veita
óyggjandi niðurstöður enn sem komið er en hér á eftir er
getið um niðurstöður úr örfáum þáttum sem snerta
lestrarvenjur og ritun. Einhverjar vísbendingar má að
sjálfsögðu lesa úr þessum bráðabirgðaniðurstöðum. Það
kom nokkuð á óvart að erfiðara reyndist að fá karlmenn til
að taka þátt í rannsókninni en konur. Af 321 þátttakanda
voru 139 karlar og 182 konur.
Örfáar niðurstöður
Svo sem að framan segir er fátt að segja frá niðurstöðum
enn sem komið er. Hér skal þó getið nokkurra atriða sem
einkum tengjast lestrarvenjum fólks og tilgangi lestrar,
svo sem lestri vegna vinnu og tómstunda. Þá verður vikið
að lesefni og rafrænum textum, lestri á neti og samskipt-
um, svo sem tölvupósti, rauntímaspjalli og SMS-skila-
boðum. Athygli vekur að töluvert bil er á milli kynjanna í
mörgum þáttum sem tengjast lestrarvenjum.
Lestur og starf
Í þessari rannsókn kemur fram að rúm 52% telja sig þurfa
að lesa meira eða minna í viku hverri vinnu sinnar vegna,
þ.e. efni tengt vinnu. Tæp 40% þurfa sjaldan á því að
halda og einungis um 8% telja sig aldrei þurfa að grípa til
lestrarkunnáttu í vinnu. Niðurstöður eru mjög svipaðar
hjá körlum og konum. Lestrarfærni virðist því vera mikil-
vægur þáttur í starfshæfni en líklega ekki títtnefnd þegar
auglýst er eftir starfsfólki. Í rannsókninni var þessi lestur
ekki greindur frekar en áhugavert væri að kanna hann
betur og hvers kyns efni starfsmenn þurfa að lesa.
Lestur í tómstundum
Þátttakendur voru spurðir nokkurra spurninga um tóm-
stundalestur og hve oft þeir gripu lesefni og læsu
eingögu sér til ánægju. Þá er ekki átt við stutta texta eins
og fréttir í dagblöðum heldur bækur eða lengri greinar.
Þessari niðurstöðu svipar til þeirra sem menn hafa fengið í
rannsóknum á unglingum. Þar er tómstundalestur drengja
mun minni en stúlkna.
Spurt var hvort þátttakendur sæki sér efni á bókasöfn.
Þar kemur fram mikill munur milli kynja og tengist
vafalaust því að konur virðast duglegri við lestur í tóm-
stundum.