Gátt - 2004, Qupperneq 40

40
F R Æ Ð S L U M I Ð S T Ö Ð A T V I N N U L Í F S I N S
Raunfærnimatsverkefnið var framtak norsku ríkisstjórnar-
innar til þess að hrinda í framkvæmd samþykktum
Stórþingsins um að „koma á laggirnar kerfi sem veitir
fullorðnum rétt til þess að skrá raunfærni sína án þess að
þurfa að fara eftir krókaleiðum hefðbundins prófa-
fyrirkomulags“.
Vægi verkefnisins og kraftur mótaðist af umboði þess.
Greinileg áhersla var á inntöku í nám og styttingu þess.
Forgangsröðuð þróunarsvið voru:
- Skráning raunfærni í atvinnulífinu
- Skráning raunfærni í sjálfboðaliðastarfi
- Mat á raunfærni til náms á framhaldsskólastigi
- Aðferðir við mat á raunfærni, þar með talið færniprófun
starfa
- Aðlögun og ef til vill breytingar á lögum, reglugerðum
og samningum á grunni reynslunnar af verkefninu
- Inntaka nemenda í háskóla og tækniháskóla byggð á
raunfærnimati
Bakgrunnur
Raunfærnimatsverkefnið og vinnan við að fylgja því eftir
er hluti af umfangsmiklu umbótaverkefni (Kompetansere-
formen), svokallaðri færnibyltingu. Verkefnið er niðurstaða
fjölda rannsókna sem leiddu í ljós mikla þörf fyrir aukna
áherslu á símenntun í Noregi. Færnibyltingunni var hrint
af stað árið 1999 af norsku ríkisstjórninni, verkefnið tók til
umbóta bæði í atvinnulífinu og menntakerfinu. Markmið
þess var að gera ráðstafanir til þess að mæta þörfum ein-
staklinga, atvinnulífsins og samfélagsins fyrir aukna
færni.
Rannsóknir benda til þess að vinnustaðurinn sé afar
mikilvægur vettvangur til þess að tileinka sér færni og í
samanburði við önnur lönd í Evrópu fari meiri símenntun
fram í norsku atvinnulífi en annars staðar. Nýir launþegar
hafi allt aðrar væntingar til vinnustaðarins en við höfum
átt að venjast fram til þessa.
Hvert er okkar hlutverk?
Vox er miðstöð s ímenntunar
atvinnul ífs ins ,
www.vox.no
Við vinnum að skráningu raunfærni og skipu-
leggjum sí- og endurmenntun eftir þörfum
atvinnulífsins.
Við vinnum að því að auka grunnfærni og
bæta möguleika einstaklinga á að komast í
vinnu og til þess að styrkja aðlögunarhæfni á
vinnumarkaði.
Við þróum og prófum eftir kenningum
kennslufræðinnar aðferðir, verkfæri og líkön
sem henta þörfum fullorðinna.
Við komum saman aðilum atvinnulífsins og úr
menntakerfinu og þróum staðbundin net.
Við sjáum um Raunfærnimatsverkefnið sem
veitir styrki til símenntunar á vinnustaðnum.
Við kortleggjum, greinum og breiðum út
þekkingu á þörfum og aðstæðum fullorðinna
við símenntun.
Við tökum þátt í alþjóðlegum netum og ES-
verkefnum um fullorðinsfræðslu.
Við gerum einkafyrirtæki og opinberar stofn-
anir hæfari til þess að finna, tjá og uppfylla
færnikröfur sínar.
Vox er í eigu ráðuneytis menntamála og
rannsókna.
Því verður að nota vinnustaðina sem námsvettvang.
Gagnkvæm virðing og góð samskipti eru forsendur þess.
Þess vegna var færnibyltingin unnin í samvinnu aðila
atvinnulífsins og margra ráðuneyta. Árið 1998 voru átta