Gátt - 2004, Side 45

Þegar færniþættirnir liggja fyrir ákveða stjórnendur og
starfsmenn í sameiningu hvaða þættir eiga við hvert starf
og hver þekkingin eigi að vera. Stjórnendur eiga þar
síðasta orðið. Tökum sem dæmi starf aðstoðarmanns í
aflstöð. Samkvæmt starfslýsingu á hann að vinna við
daglegan rekstur, eftirlit og viðhald í stöðinni og öðrum
veitumannvirkjum sem tilheyra henni. Hvað þýðir það í
raun? Hvaða færni þarf hann að hafa til að geta sinnt því
sem skyldi? Eftir að hafa greint það með starfsmönnum,
sem gegna viðkomandi störfum, og stjórnendum þeirra
lítur myndin svona út:
Eins og sést á myndinni þarf aðstoðarmaður að þekkja
KKS sem er ákveðið skráningarkerfi orkuvera sem notað
er hjá Landsvirkjun (Kraftwerk Kennzeichnensystem).
KKS-handbók er aðgengileg á vefnum sem og útprentuð.
Þar eru skilgreindar þær aðferðir sem notaðar eru við
skráningu vél- og rafbúnaðar og byggingamannvirkja við
hönnun, gæslu og viðhald hjá Landsvirkjun (LV). Þegar
45
F R Æ Ð S L U M I Ð S T Ö Ð A T V I N N U L Í F S I N S