Gátt - 2004, Qupperneq 52

52
F R Æ Ð S L U M I Ð S T Ö Ð A T V I N N U L Í F S I N S
„Skapar tækifæri t i l starfsþróunar“
Guðjón Sigurðsson er verkefnisstjóri og kennari hjá
Símanum. Hann er í stýrihópi verkefnisins. Samkvæmt
Guðjóni er markmið Símans í fræðslumálum að efla
þekkingu og fagleg vinnubrögð meðal starfsmanna
fyrirtækisins og stuðla að bættum hag þess og íslensks
samfélags. Einnig vill Síminn skapa tækifæri fyrir starfs-
menn til starfsþróunar og ánægju í starfi með því að efla
þekkingarbrunn þeirra. Þátttaka Símans í þessu verkefni
miðast því við að mæta þessum markmiðum og um leið
að tryggja að sú þekking og reynsla, sem starfsmenn
hafa aflað sér í gegnum tíðina, komi þeim til góða varð-
andi frekara nám. Raunfærnimatið mun því nýtast þeim
starfsmönnum vel sem áhuga hafa á námi enda verði öll
þekking og reynsla þeirra metin gagnvart því námi
sérstaklega.
„Hvetur mann t i l að l júka námi sem
fyrst“
Árni Jökull Þorsteinsson er í hópi þeirra sem kusu mat á
færni til styttingar á námi. Hann segir það mjög gott fyrir
þá sem hafa áhuga á að vinna áfram á því sviði sem um
ræðir. Hann telur það virka hvetjandi á starfsmenn þegar
fyrirtækið sýnir menntun þeirra áhuga. Menntun eykur
möguleika starfsmanna innan fyrirtækisins. Þá eykst einnig
starfsánægja. Jákvætt viðhorf starfsmanna gagnvart fyrir-
tækinu hefur þau áhrif að fólk vill starfa áfram innan þess.
Almennur áhugi á námi eykst. Starfsmenn sjá möguleika
á að þróa færni á því sviði sem þeir starfa við og jafnvel
þróa sig yfir í önnur verkefni innan fyrirtækisins í kjölfarið.
Með raunfærnimati og styttingu á námstíma opnast nýjar
dyr, segir Árni Jökull. Það hvetur mann til að ljúka námi
sem fyrst. Mat á raunfærni kemur í veg fyrir að starfs-
menn þurfi að sitja námskeið í þáttum sem þeir kunna og
hafa mikla reynslu af. Í heildina má segja að þessi athygli
frá fyrirtækinu hafi haft jákvæð áhrif á starfsmenn.
Jákvætt viðhorf gagnvart fyrirtækinu smitar vafalaust út
frá sér í þá þjónustu sem veitt er. Ánægðir viðskiptavinir
koma aftur og meiri líkur á því að þeir beri fyrirtækinu gott
orð.
Gildi þess að meta færni
Þátttaka í mati á raunfærni er hagur allra þeirra aðila sem
taka þátt í ferlinu. Fyrirtækið fær haldgóða yfirsýn yfir
færniþætti starfsmanna sinna og það gerir því kleift að
velja fræðslu við hæfi og stuðla þannig að auknum
gæðum í framleiðslu og þjónustu. Fjárfesting í mann-
auðnum skilar sér í trygglyndara starfsfólki og þar af
leiðandi minni starfsmannaveltu. Vænta má að sú stytting
á námi, sem mögulega næst með verkefni sem þessu,
spari einstaklingunum bæði tíma og peninga því að það
er oft ærið verk fyrir fullorðinn einstakling að þurfa að
byrja á upphafsreit í skólakerfinu. Einnig má færa rök fyrir
því að með því að líta á vinnustaði sem námsumhverfi og
meta þá færni sem fólk öðlast þar megi virkja marga til
náms og símenntunar.
Fjóla María Lárusdóttir,
náms- og starfsráðgjafi hjá Fræðslumiðstöð atvinnulífsins.