Gátt - 2004, Side 86

86
F R Æ Ð S L U M I Ð S T Ö Ð A T V I N N U L Í F S I N S
Mikilvægt er að fylgjast með stefnum og straumum í
öðrum löndum og læra af því sem vel tekst til.
Starf náms- og starfsráðgjafa er af eigindlegum toga og
oft erfitt að benda á þann árangur sem slík þjónusta skilar
af sér. Leggja þarf áherslu á finna leiðir til að meta árang-
ur ráðgjafar á megindlegan hátt þannig að þeir sem koma
að stefnumótun og fjárveitingum úrræða sjái hverju verið
er að áorka. Þannig má efla samstilltan skilning og fram-
tíðarsýn fyrir náms- og starfsráðgjöf fyrir fólk á vinnu-
markaði með skamma skólagöngu.
Fjóla María Lárusdóttir,
náms- og starfsráðgjafi hjá Fræðslumiðstöð atvinnulífsins.
Hvað segir fólk um náms- og starfsráðgjöf?
Til að færa náms- og starfsráðgjöf nær fólki á vinnumarkaði þarf að skilgreina vel þarfir þess. Spyrja þarf
spurninga eins og: Hvar er best að bjóða upp á ráðgjöfina? Hvaða áherslur þurfa að vera í ráðgjöfinni? Á
hvers vegum eiga ráðgjafarnir að vera? Hvernig er mögulegt að gera ráðgjöfina að varanlegum þætti tengdum
umhverfi fólks á vinnumarkaði?
Í gegnum verkefnið „Námsráðgjöf á vinnustað“ hefur verið unnið með rýnihópa á meðal þátttakenda í lengri
námstilboðum Mímis – símenntunar. Þar hefur spurningum af þessu tagi verið varpað fram. Samtals þrjátíu
einstaklingar í fimm námstilboðum, sem allir höfðu fengið náms- og starfsráðgjöf í námi sínu, gáfu sterklega
til kynna að náms- og starfsráðgjöf þyrfti að vera til staðar fyrir fólk á vinnumarkaði. Allir hóparnir töldu brýnt
að upplýsingar um möguleika varðandi nám og störf væru aðgengilegar og stuðningur við náms- og starfs-
tengd markmið einstaklinga væri þarfaþing. Hér á eftir fara dæmi um ummæli einstaklinga úr rýnihópunum
varðandi náms- og starfsráðgjöf:
„Hefði líklega gert allt aðra hluti ef ég hefði haft aðgang að ráðgjöf á yngri árum.“
„Dýrmætur stuðningur.“
„Maður vissi ekki áður hvað þetta gengur út á – fyrir tveim árum hefði maður haldið að ráðgjafinn segði
manni bara fyrir verkum og þar af leiðandi ekki áhugavert.“
„Maður sér hvað maður getur.“
„Ég er búin að læra hvernig á að orða hlutina, lýsa því sem ég kann.“
„Gott að hafa tengilið varðandi nám.“
Einnig kom fram að flestir töldu að ráðgjöfin þyrfti að vera óháð og ódýr eða ókeypis. Jafnframt að staðsetn-
ingin þyrfti að vera hlutlaus og í alfaraleið.
Viðtölin voru tekin af ráðgjafa og stóðu yfir í um klukkustund. Í hópnum voru 23 konur og 7 karlar. Á meðal
þátttakenda voru 24 í starfi og 6 án atvinnu. Landnemar voru 7 talsins. Viðtölin fóru öll fram vorið 2004, nema
við einn hóp sem spurður var vorið 2002.