Gátt - 2014, Blaðsíða 12

12
F R Æ Ð S L U M I Ð S T Ö Ð A T V I N N U L Í F S I N S
g á t t – á r s r i t – 2 0 1 4
menntuninni. Námið þarf að vera hnitmiðað og markvisst, og
þarf helst að fara fram á vinnustað og að hluta til á vinnutíma.
Ekki síður er skýrt að svigrúm til þess að fara burt frá heima-
byggð til að sækja námskeið eða nám er afar takmarkað og
mjög kostnaðarsamt. Dreifnám fær góðan hljómgrunn, þ.e.
fjarnám með staðbundnum lotum eða fjarfundum.
Í hópi starfsfólks sem rætt var við kemur fram mikill
áhugi á að bæta við sig fjölbreyttu námi. Flestir stefna á
iðnnám og á nám tengt opinberri þjónustu, viðskiptum og
bókhaldi.
Stuðningur og hvatning yfirmanna skiptir miklu máli fyrir
starfsfólk. Mikill meirihluti viðmælenda sagðist fá hvatningu
frá vinnuveitanda sínum. Hvatningin fer meðal annars fram
með þeim hætti að boðið er upp á sveigjanlegan vinnutíma
þegar fólk sækir nám, hluti af námskostnaði er greiddur
og starfstengd námskeið eru haldin á vinnutíma. Hluti við-
mælenda segist ekki fá hvatningu frá vinnuveitendum til að
sækja nám eða námskeið og hjá öðrum hefur ekki reynt á
það hvort stuðningur sé fyrir hendi.
Í viðtölum við stjórnendur kom fram eindreginn vilji til
að auðvelda starfsfólki að afla sér aukinnar menntunar með
ýmsum hætti. Flestir stjórnendur telja engar hindranir í vegi
þess að starfsfólk geti eflt menntun sína nema þá helst af
fjárhagslegum toga af hálfu fyrirtækjanna eða tímaskortur.
Áhugaleysi starfsfólks, takmarkað námsframboð og miklar
fjarlægðir frá fræðsluaðila geta að mati stjórnenda dregið
úr möguleikum starfsfólks til að mennta sig frekar. Helstu
ástæður þess að fleira starfsfólk leggur ekki stund á nám en
raun ber vitni eru fyrst og fremst fjárhagslegar hindranir, fjöl-
skylduaðstæður og tímaskortur.
Tvær spurningakannanir voru jafnframt framkvæmdar.
Annars vegar var gerð tölvupóstkönnun meðal forsvars-
manna fyrirtækja og stofnana og bárust svör frá 425 þátt-
takendum, sem er 29% svarhlutfall. Hins vegar var gerð
símakönnun meðal íbúa í kjördæminu á aldrinum 23 – 67
ára. Hringt var eftir úrtaki úr þjóðskrá og svöruðu alls 411
einstaklingar, sem er 28% svarhlutfall. Samandregnar niður-
stöður kannananna má lesa á fyrri blaðsíðu.
T I L V I T N A N I R Í V I Ð T Ö L V I Ð
S T j ó R N e N d U R o G S T A R F S F ó L K
0 Það vantar iðnmenntun og skóla sem tekur á öllum
þáttum sjávarútvegs, veiðum, vinnslu og eldi, fyrir ófag-
lært fólk og yfirmenn líka. (60 ára Vestfirðingur)
0 Svo er þetta svo þægilegt eins og þetta er orðið ég
get tekið húsasmíðina í helgarnámi og öll almenn fög
í kvöldskóla í gegnum fjarkennslubúnaðinn. Þannig að
þetta gerir manni mjög auðvelt að læra þótt að maður sé
í vinnu. Mér líst rosalega vel á þetta eins og þetta er. (26
ára íbúi á Norðurlandi vestra)
0 Það vantar almenna menntun fyrir verkafólk, það eru
ekki gerðar miklar kröfur um menntun hjá fyrirtækinu en
menn eru hvattir til að fara á námskeið. Það er alltaf
verið að bæta við fleiri tölvum í starfið mitt. (34 ára
Vestfirðingur)
0 Námstyrkur væri hvatning fyrir mig af því ég á svo lítið
eftir. Stærsta hindrunin hjá mér er að það er ekki létt
að rífa sig upp með 5 manna fjölskyldu. Ef námið væri
í boði í heimabyggð væri ég löngu búinn með það. (45
ára Vestfirðingur)
0 Fjarnám er góður kostur og nám með vinnu er eini mögu-
leikinn.(32 ára Vestfirðingur)
0 Margir detta út úr námi vegna þess að þeir hafa ekki
efni á því að vera í skóla án þess að vinna. (20 ára á
Vesturlandi)
0 Sé alltaf eftir að hafa ekki tekið stúdentspróf á sínum
tíma. (61 árs Vestfirðingur)
0 Þú getur ekki klárað neitt nema flytja til Reykjavíkur,
þess vegna hef ég ekki farið í neitt nám. (35 ára á Vest-
fjörðum)
0 Það fer að myndast gap, þegar við, mín kynslóð er
gengin og unga fólkið kann ekkert verklag. Þekkingin
hreint út gloprast niður. (57 ára Vestlendingur)
0 Við erum svo fáliðuð að það þyrfti helst að vera utan
vinnutíma, nema við fengjum afleysingu. (55 ára stjórn-
andi á Norðurlandi vestra)
0 Námið þarf að vera nálægt fólki.(62 ára stjórnandi
Vesturlandi)
0 Blanda af fjarnámi og staðnámi, innan sem utan vinnu-
tíma hentar best. (45 ára stjórnandi á Vestfjörðum)
0 Það sem mætti bæta eru tölvutengingar, þær eru ekki
alls staðar góðar.“ (48 ára einyrki á Vesturlandi)