Gátt - 2014, Blaðsíða 44

44
F R Æ Ð S L U M I Ð S T Ö Ð A T V I N N U L Í F S I N S
g á t t – á r s r i t – 2 0 1 4
Aukið sjálfstraust
Meira sjálfstraust og skilvirkari starfsferlar er það sem gæða-
vottunin hefur skilað fræðsluaðilum að mati viðmælenda.
Það að vera kominn með gæðastimpil veitir þeim aðhald
og gefur starfsmönnum og kennurum hvatningu til þess að
halda vel á spöðunum. Gæðahandbókin hefur auðveldað
vinnu með þátttakendum til muna þar sem ferlarnir eru
mjög skýrir. Þá er auðveldara að taka á móti nýju starfs-
fólki þar sem ljóst er hvers er að vænta á báða bóga. Eftir að
umræddir fræðsluaðilar fengu gæðavottun hefur starfsemin
orðið sýnilegri. Það skiptir máli að nærsamfélagið viti að
þangað er hægt að leita, hvort sem um formlegt nám er að
ræða eða óformleg námskeið.
0 Mesta breytingin sem ég finn þó fyrir er hvatning, stuðn-
ingur og framför sem verkefnastjórinn minn hefur lagt
sig fram við að innleiða. Ég er mjög sáttur með stöðu
mína og aðhald við mína vinnu þó svo að þetta sé að
mestu farið að gera sig sjálft milli okkar [nafn verkefna-
stjóra] enda hefur samstarfið alltaf verið gott.
0 Ég held að þetta er svona ákveðinn gæðastimpill á
námið. Þetta er það er óneitanlega út á við þá skiptir
þetta máli. Og þeir sem starfa í þessum geira þeir vita
alveg að ef fyrirtæki fara í gegnum svona þá vita þeir
alveg að þeir setja metnað sinn í að vera með góða
kennara, að kennslan fari vel fram.
0 Já, þetta er orðið svona mun markvissara nú þannig að
hérna að það kom hellingur í ljós að ég var að vasast í
allt of miklu. Og svona nú fór maður að geta sagt það,
ég á ekkert að sjá um þetta.
0 Það er skýrara fyrir þá sem koma nýir inn hvað þarf að
gera, gátlistarnir hjálpa þannig og það er orðið form-
legra hvernig við höldum utan um hlutina, skrár og upp-
lýsingar um námið og svoleiðis.
0 Niðurstaðan: Betra starf!
Viðhorf og reynsla átta starfsmanna fræðslustofnana, sem
við ræddum við, voru nokkuð svipuð. Það að viðmælendur
voru fáir þýðir að ekki er hægt að alhæfa um alla íslenska
fræðsluaðila sem hafa fengið gæðavottun EQM en vonandi
gefa viðhorf og reynsla þeirra lesendum efnivið í áhugaverð
samtöl um gæði á sínum vinnustað.
Spurningin „hvað eru gæði hjá okkur“ getur laðað fram
ólík svör frá ólíkum fræðsluaðilum sömuleiðis í tengslum við
rekstur ólíkra námstilboða. Það sem teljast gæði í einu nám-
skeiði þurfa ekki endilega að vera gæði í öðru. Engu að síður
gefa svör viðmælenda okkar til kynna að einhvern kjarna
megi finna þegar leitað er að birtingarmynd gæða í námi full-
orðinna. Hjá viðmælendum okkar stendur ánægja nemenda
með námið framarlega, sömuleiðis að nemendum sé mætt
sem fullorðnu fólki og þess vegna skapað rými fyrir virka
þátttöku þeirra og sjálfsábyrgð. Þennan þátt nefna margir
en reynslan sýnir að hér kreppir gjarnan skórinn, einkum
þegar kennarar eru vanir að stjórna öllu í kennslustofunni
og það sem hinir fullorðnu nemendur þekkja úr skóla er að
kennarinn ræður og stjórnar svo til öllu. Engu að síður heyrir
það til gamalla hefða fullorðinsfræðslunnar að skipuleggja
námskeið þannig að rödd þátttakenda fái að heyrast og að
þeir séu hvattir til ábyrgðar og virkni í námsferlinu öllu.
Af viðtölum okkar við kennara og verkefnastjóra
fræðslumiðstöðva er ljóst að þeim þykir gæðahandbók
og gæðavottun hafa leitt til áþreifanlegra umbóta í starfi
fræðslustofnananna sem þeir vinna við. Þeir segja starfs-
menn leggjast á eitt um að skapa þannig andrúmsloft að
þátttakendur finni sig velkomna og örugga á námsstað.
Skýrir ferlar leiði til öryggis allra sem skili sér í betra námi.
Það vakti athygli okkar að kennurum þótti gæðahand-
bókin ekki hafa áhrif á kennslu þeirra þótt þeir væru nýbúnir
að lýsa verulegum áhrifum hennar á tilfinningar sínar og á
marga hagnýta þætti sem hafa áhrif á nám og kennslu. Þetta
rímar við niðurstöðu ytra mats tveggja framhaldsskóla þar
sem gæðastjórnunin þótti ekki hafa bein áhrif á kennslu. Ef
til vill er skýringa að leita í því viðhorfi að það sem gerist það
sem gerist í kennslustofunni sé einkamál nemenda og kenn-
ara þeirra. Hver svo sem skýringin er þá lýstu bæði kennarar
og verkefnastjórar margvíslegum áhrifum gæðahandbókar á
margt sem snýr að og styður við kennsluna sjálfa. En í ljósi
þess að nám og gæði í námi má sjá sem samvinnu nemanda,
kennara og fræðsluaðila er full ástæða til að skoða hvernig
fræðslustofnun getur stutt kennara sína í viðleitni þeirra við
að skapa rými til að styðja við ábyrgð og virkni þátttakenda
í námi sínu.