Gátt - 2014, Blaðsíða 42

42
F R Æ Ð S L U M I Ð S T Ö Ð A T V I N N U L Í F S I N S
g á t t – á r s r i t – 2 0 1 4
• kennslan og undirbúningur séu skilvirkari,
• kennarar viti til hvers sé ætlast af þeim,
• einfaldara sé að taka á móti þátttakendum sem jafn-
vel koma frá öðrum fræðsluaðilum þar sem námsferl-
arnir eiga að vera samræmdir,
• en … kennurum fannst kennslan sjálf ekki endilega
hafa breyst.
Aukinn skýrleiki og betra skipulag
Gæðavottunin virðist hafa haft þau áhrif á þá kennara og
verkefnastjóra sem við ræddum við, að þeir upplifi meiri
skýrleika og öryggi í starfi. Greinilegt er að kennararnir eru
í nánu samstarfi við verkefnisstjóra og að þeir veiti þeim
öryggi og aðhald. Skráning verkferla í gæðahandbókina og
önnur vinna við sjálfsmatið valda því að hugmyndir þeirra
um verkefni þeirra eru mun skýrari. Skráðir ferlar og aðhald
samstarfsfólks hjálpa þeim að halda sér við efnið:
0 … við fylgjum þessum stöðlum mjög vel og erum þá
með manneskju í því sem sparkar í mig ef ég er ekki að
sinna þessu nógu vel og ég sé að skila þessu af mér rétt.
0 Við vorum náttúrulega með ferla án þess að vita það
skilurðu en núna er þetta bara niðri á blaði. Það er búið
að setja allt niður þannig að ef einhver veikist eða eitt-
hvað þá fer maður bara í ferilinn. Þetta er bara miklu
miklu skilvirkara. Skipulagið er miklu betra, við eyðum
minni tíma í að leita að hlutum. Skjalavarsla og allt er
orðið miklu markvissari. Það er rosa flott.
0 Við höfum rætt hvað utanumhald skiptir miklu máli fyrir
hópana okkar og þessi tengsl sem verkefnastjóri þarf að
hafa. … það koma alltaf upp einhverjir hlutir sem við
erum ekki viss hvernig á að díla við en ef verkefnastjór-
inn heldur vel á spöðunum og er vakandi þá hef ég trú á
að það skili sér í námið.
0 … það er auðvitað gott fyrir okkur að vita að við séum
að fara eftir einhverjum ákveðnum stöðlum, það styrkir
okkur í því að við séum að gera rétt … þetta er ákveðið
öryggi.
Bæði kennarar og verkefnastjórar nefna að skýrir ferlar og
gott utanumhald skapi öryggi hjá þátttakendum sem síðar
leiði til betra náms. Svipaðar hugmyndir komu fram í kafl-
anum hér að ofan þar sem þeim þótti það merki um gæði að
þjónusta tæki mið af því að þátttakendur séu fullorðnir og
að góð tengsl við kennara beri vitni um gæði í fræðslustarfi.
Hér bætist við sú vídd að annað starfsfólk – eins og verk-
efnastjórar – skapi kennurum og þátttakendum öryggi með
góðu utanumhaldi um hagnýta þætti námsins og skýrum
skilaboðum til þátttakenda.
Skilvirkara utanumhald, skýrari ferlar
Viðmælendur okkar upplifa breytingu í kjölfar vinnunnar við
gæðahandbókina, breytingu til hins betra. Það birtist meðal
annars í því að allir eru orðnir meðvitaðri um sitt hlutverk.
Helsta ástæða þess er að verkferlar urðu sýnilegri. Það varð
ljóst hvert hlutverk verkefnastjórans var og utanumhaldið
varð í fastari skorðum sem síðar skilaði sér í meiri skilvirkni.
Gæðavinnan virðist hafa fest í sessi það hlutverk verkefna-
stjórans að hafa umsjón með kennurum, halda utan um
ákveðna hagnýta hluti, styðja við nemendahópinn og hafa
yfirsýn yfir allt ferli námsins hjá hverjum nemendahópi fyrir
sig. Þetta utanumhald virðist skila sér í auknu öryggi kenn-
ara. En það vekur furðu okkar að nokkrir þeirra segja að
gæðastjórnunin hafi ekki bein áhrif á kennsluna sem slíka
þótt þeir séu meðvitaðri um það sem ætlast er til af þeim.
Frá okkar sjónarhóli hlýtur einmitt margt sem þeir lýsa að
hafa áhrif á samskipti þeirra við nemendur og annað sem
þeir gera með nemendum í kennslustofunni, það hlýtur að
flokkast undir kennslu:
0 … ég held að listarnir og mappan hjálpi við að hafa
yfirsýn yfir það sem þarf að framkvæma og halda utan
um og þannig hefur þetta áhrif á starfið, já.
0 Það sem ég finn með það er það að við erum orðnar
meðvitaðri um bæði kennarana, að þeir séu að gera það