Gátt - 2014, Blaðsíða 55

55
F r Æ Ð s L U M i Ð s t Ö Ð A t V i N N U L Í F s i N s
g á t t – á r s r i t – 2 0 1 4
vitaðir um ávinning starfsþróunar og hvetja starfsfólk enn
frekar til að sækja sér sí- og endurmenntun. Tækifæri er til
að gera betur og hvetja allt starfsfólk til náms.
T Í M A S K o R T U R H e L S T A Á S T Æ Ð A N
Flestir svarendur (86%) höfðu nýtt sér þjónustu Starfs-
menntar, s.s. sótt almennt starfstengt nám, sérsniðið stofn-
ananám eða stutta fræðslufyrirlestra. Fleiri konur höfðu nýtt
sér þjónustuna en karlar. Auk þess höfðu eldri svarendur og
þeir með grunn- eða framhaldsskólapróf frekar nýtt sér þjón-
ustuna en þeir yngri og svarendur með háskólapróf, þrátt
fyrir minni hvatningu á vinnustað til að sækja starfstengt
nám. Þeir sem þekktu ekki til starfsemi Starfsmenntar höfðu
mikinn áhuga á að nýta sér þjónustuna ef þess gæfist kostur.
Fólk sagði tímaskort helstu ástæðu þess að það hefði ekki
sótt starfstengd námskeið, auk þess töldu sumir námskeiðin
ekki henta sínu starfi og aðrir höfðu einfaldlega hvorki kynnt
sér námsúrvalið né aðra þjónustu. Á mynd 3 má sjá helstu
ástæður þess að fólk hafði ekki sótt starfstengt nám hjá
Starfsmennt.
H V e R e R Á V I N N I N G U R I N N ?
Svarendur voru almennt mjög ánægðir með þjónustu Starfs-
menntar og flestir (82%) töldu hana hafa nýst vel í starfi.
Konur töldu þjónustuna almennt hafa nýst betur en karlar og
hún nýttist síður háskólamenntuðum en fólki með grunn- eða
framhaldsskólapróf. Ávinningur af þjónustu Starfsmenntar
var margvíslegur að mati svarenda (sjá mynd 4).
A Ð H V e R j U þ A R F A Ð H U G A ?
Starfsfólk og stjórnendur kalla í auknum mæli eftir skilvirkari
fræðslu og starfstengdu námi. Vinnustaðir þurfa að setja
skýra stefnu um hvernig þeir vilji að mannauður þróist og
taka ákvörðun um hvaða tæki og aðferðir henti best í þeim
efnum. Til að fræðsla og þjálfun skili tilætluðum árangri og
fólk sjái sér hag í að fjárfesta í starfstengdu námi er mikil-
vægt að það sé hagnýtt og svari þörfum markhópa. Fólk á
vinnumarkaði gerir kröfu um að starfstengd þjálfun nýtist
strax, s.s. í bættum vinnubrögðum og auknu sjálfsöryggi, og
hefur litla þolinmæði gagnvart ómarkvissri stefnu hvað það
varðar. Hvetja þarf allt starfsfólk, óháð aldri og menntun, til
að sækja sér aukna þekkingu og færni í formi hvers konar
símenntunar. Fræðsluaðilar þurfa því að bjóða upp á fjöl-
breyttar og hagnýtar námsaðferðir, kennsluefni og námsleiðir
sem henta þeim breiða hópi fólks sem er á vinnumarkaði.
Til að ná settum árangri er mikilvægt að fræðsluaðilar
þekki markhóp sinn og þarfir hans og meti reglulega gæði og
ávinning þjónustu sinnar, bæði í stóru og smáu. Hefðbundið
námskeiðsmat gefur góðar upplýsingar um einstaka nám-
skeið en vel framkvæmt þjónustumat gefur yfirgripsmeiri
sýn, s.s. um hvort og að hvaða leyti þjónusta hafi nýst fólki
í lífi og starfi. Nauðsynlegt er að hlusta á raddir notenda og
annarra hagsmunaaðila og nýta dýrmætar tillögur þeirra og
ábendingar til úrbóta.
Mynd 2 – „Starfsfólk á mínum vinnustað er hvatt til að
sækja starfstengd námskeið.“
31%
28%
14%
12% 15%
Mjög sammála
Frekar sammála
Hvorki né
Frekar ósammála
Mjög ósammála
Mjög mikill
38%
43%
14%
3% 2%
Mjög mikill
Frekar mikill
Hvorki né
Frekar lítill
Mjög lítill
Mynd 1 – Áhugi svarenda á að sækja starfstengt nám og
fræðslu.