Gátt - 2014, Blaðsíða 20

20
F R Æ Ð S L U M I Ð S T Ö Ð A T V I N N U L Í F S I N S
g á t t – á r s r i t – 2 0 1 4
innflytjenda, til dæmis með því að gera kröfu um að fólk tæki
þátt í ákveðinni fræðslu og fengi ókeypis íslenskunámskeið.
brotthvarfshópur
Ákveðið var að vinna sérstaklega með brotthvarfsnemendur
á aldrinum 18–25 ára sem stundað hafa á einhverjum tíma
nám við Fjölbrautarskólann í Breiðholti. Greiningarvinna
Berglindar Höllu Jónsdóttur, áfangastjóra í FB, leiddi í ljós
að 316 Breiðhyltingar á aldrinum 18–25 ára (fædd 1988–
1996) hafa hafið nám í FB en ekki lokið því, 193 karlar og
123 konur. Umræddir nemendur hafa lokið 0–174 einingum
á framhaldsskólastigi en stúdentspróf er 140 einingar. Þegar
litið er til fjölda eininga, sem nemendur hafa lokið, þá kemur
í ljós að flestir hafa staldrað stutt við eða lokið 0–18 ein-
ingum en einnig er stór hópur sem ætti að eiga tiltölulega
stutt eftir til að ljúka starfsnámi eða stúdentsprófi, þ.e. hefur
lokið 84–174 einingum, sjá töflu 4. Nemendurnir voru flestir
á almennum bóknámsbrautum eða 195 en 121 á starfs-/
verknámsbrautum.
Frá þátttakendum í rýnihópi
• „hef prófað að vera í fjarnámi … alltof erfitt … „ Betra ef fyrirlestrar
væru á netinu og tími í skóla myndi nýtast í aðstoð“
• „Mér fannst ekki neitt spennandi í boði enginn áfangastaður í kerfinu“
• „þú ert á tvöföldum hraða á kvöldin …“
• „ Slæmt?“ „ef þú ert ekki búinn að vera lengi í skóla“
• „er ekki hægt að taka alls konar verkefni … í staðinn fyrir að láta alla
hópana fara í gegnum það sama … Ég held að það sé ekki hægt að
finna eina lausn fyrir alla“
• „… ég hef ekki sama stuðningsnet og flestir… ef ég missi framfærsl-
una þá bý ég bókstaflega á götunni …“
Á R A N G U R A F V e R K e F N I N U
Árangur af verkefninu verður ekki síst metinn með því að
mæla árangur þátttakenda meðan á verkefninu stendur
þar sem ólíklegt er að árangur sjáist í opinberum gögnum,
a.m.k. ekki á þeim tveimur árum sem verkefnið nær til þar
sem aðeins lítill hluti þátttakenda mun geta lokið formlegu
námi á þeim tíma. Í samningi við ráðuneytið voru eftirfarandi
árangursviðmið: (Mennta- og menningarmálaráðuneytið,
2014):
• 1.220 einstaklingar fari í ráðgjafaviðtöl,
• 180 einstaklingar fari á íslenskunámskeið,
• 720 einstaklingar taki þátt í fræðslukvöldum og
opnum námskeiðum,
• 230 einstaklingar taki þátt í lengri námskeiðum fram-
haldsfræðslunnar,
• 90 brotthvarfsnemendur hefji nám að nýju,
• 30 nemendur taki þátt í námskeiðinu Námskrafti,
• 60 einstaklingar fari í raunfærnimat,
• 600 einstaklingar fái mat/viðurkenningu á sínu fyrra
námi.
Meginþunginn í starfseminni um vorið fólst í undirbúningi
fyrir næsta haust varðandi námsframboð, almenna fræðslu,
ráðgjafaþjónustu og kynningarstarf.
Íslenskuþorpið
Gerður var samningur við verkefnið „Íslenskuþorpið“ sem
fór af stað í tengslum við íslenskukennslu fyrir erlenda
stúdenta í Háskóla Íslands. Nemendur eru þjálfaðir í að eiga
í samskiptum við stofnanir og fyrirtæki á íslensku og tóku
10 fyrirtæki og stofnanir í Breiðholti þátt í Íslenskuþorpinu.
Íslenskunemarnir undirbúa sig í kennslustofu áður en þeir
fara í Íslenskuþorpið til að sinna erindum sínum. Starfsfólkið
í fyrirtækjunum tekur þeim fagnandi og tryggir að íslenska
verði töluð við afgreiðsluna. Íslenskuþorpið myndar þannig
styðjandi umgjörð á leið til virkrar þátttöku í samfélaginu, sjá
nánar www.islenskuthorpid.is.
Aðferðir og nálgun Íslenskuþorpsins hefur verið mark-
visst beitt á fjórum íslenskunámskeiðum á vegum verkefnis-
ins auk þess sem allir kennarar og nemendur hafa getað nýtt
sér þjálfun og reynslu fyrirtækja í hverfinu af verkefninu.
Þann 16. október síðastliðinn var kynning fyrir íslenskukenn-
ara hjá Mími-símenntun og Jafnréttishúss á Íslenskuþorpinu
Tafla 4 – einingum lokið.
Nemendur Einingum lokið
119 0–18 einingar
80 19–37 einingar
48 38–58 einingar
39 59–83 einingar
30 84–174 einingar