Gátt - 2014, Blaðsíða 88

88
F R Æ Ð S L U M I Ð S T Ö Ð A T V I N N U L Í F S I N S
g á t t – á r s r i t – 2 0 1 4
Guðrúnu Fjólu gekk námið vel og hún var þakklát fyrir
hvatninguna sem hún fékk frá starfsfólki Fræðslunetsins. Þar
vildu allir fylgjast með hvernig gengi og voru boðin og búin
til að aðstoða ef með þurfti. Starfsfólkið á mikinn þátt í því
að Guðrún hefur náð svo langt í námi.
útskrifuð og ráðin í vinnu
Í desember 2012 útskrifaðist Guðrún Fjóla sem sjúkraliði.
Hún starfar við heimahjúkrun við heilsugæsluna á Selfossi og
líkar starfið vel. „Ef ég hefði ekki stigið þetta skref, að fara
aftur í skóla, er ég ansi hrædd um að ég sæti enn heima inni-
lokuð og einangruð og þekkti ekki allt þetta góða fólk sem
ég hef kynnst í gegnum námið og vinnuna.“ Guðrún telur að
kynna þyrfti Grunnmenntaskólann og Nám og þjálfun betur
fyrir fólki sem hefur einhverra hluta vegna ekki haldið áfram
námi að loknum grunnskóla. Það undirbúi fólk vel undir að
takast á við nám í framhaldsskóla. „Ef þetta tækifæri hefði
ekki verið til staðar þá væri ég ekki komin á þann stað sem
ég er á núna. Fyrst ég gat þetta þá getið þið það líka. Ég lít
framtíðina björtum augum.“
Haraldur jóhann Ingólfsson
KeNNARINN SAGÐI AÐ HANN
VÆRI HeIMSKUR oG LATUR
Haraldur Jóhann Ingólfsson er fæddur 1967 á Sauðárkróki.
Hann gekk í barna- og gagnfræðaskóla á Sauðárkróki sem
lauk með samræmdum prófum en fékk nánast
núll á þeim prófum. Þegar hann var aðeins níu
eða tíu ára gamall var hann hættur að halda í
við samnemendur sína. Það leiddi til þess að
Haraldur var sendur til augnlæknis á Akureyri
sem staðfesti að það væri ekkert að sjón hans
heldur ætti hann að etja við það sem kallaðist
lesblinda. Þegar Haraldur kom til baka í skólann var hann tek-
inn upp að töflu til að lesa upphátt fyrir bekkinn eins og tíðk-
aðist í skólanum og gekk það illa eins og vanalega. Kennarinn
spurði hvað væri eiginlega að honum, Haraldur sagði kennar-
anum eins og var að hann gæti ekki lesið þetta almennilega
vegna þess að hann væri lesblindur. Þá sagði kennarinn hátt
og snjallt við Harald og yfir allan bekkinn: „Sjáið þið þennan
aumingja sem þykist vera lesblindur sem er einhver tíska núna.
Hann er bara vitlaus, heimskur og latur og getur ekki og nennir
ekki að læra.“ Þessu trúði Haraldur í nær þrjá áratugi.
Hætti að nenna að læra og sneri náminu upp
í fíflaskap
Upp úr þessu hætti Haraldur að nenna að læra. Veran í skól-
anum fór í fíflaskap, hann þurfti samt alltaf að mæta, bæði
í tímana og próf. Og þar sem hann var alltaf óundirbúinn þá
gekk honum illa í prófunum. Orðið próf veldur Haraldi kvíða
og stressi enn þann dag í dag. Með einni undantekningu
þó. „Eitt fag lærði ég. Það var í níunda bekk og ég mátti
sækja valnámskeið í sjóvinnu. Þar veitti lokaprófið, svokallað
pungapróf, réttindi til að stjórna 30 rúmlesta smáskipum.
Skrítið, því prófi lauk ég með stæl. Því að ég hafði áhuga á
þessu og þarna var góður kennari sem hafði skilning á svona
strákum eins og mér.“ Haraldur hætti í skóla eftir gagn-
fræðaskóla. Hann fór á sjóinn, reri með föður sínum á trillu
sem þeir áttu saman.
Námið olli kaflaskiptum
„Við höfðum oft rætt lesblinduna, ég og konan mín, þar sem
hún þurfti að lesa flestallt fyrir mig. Líka skrifa því ég er líka
skrifblindur. Ég þarf að vanda mig til þess að geta skrifað
nafnið mitt rétt.“ Veturinn 2006–2007 vann Haraldur sem
verkamaður á Vélaverkstæði KS á Sauðárkróki. Þangað kom
fulltrúi frá Farskólanum miðstöð símenntunar á Norðurlandi
vestra með kynningu í viku símenntunar. Þar var fjallað um
lesblindunám fyrir fullorðna, námsleiðina Aftur í nám með
Ron Davis-leiðréttingu. „Ég skráði mig í námið hjá Far-
skólanum. Það er óhætt að segja að við það urðu kaflaskipti
í lífi mínu.“ Haraldur hélt áfram skráði sig næst í Skref til
sjálfshjálpar í lestri og ritun. Haraldur þakkar starfsfólki Far-
skólans og Lamba og Sturlu sem komu frá Akureyri vegna
þess að eftir kynni við þá komst hann að því að kennarinn
hafði fyrir þrátíu árum haft rangt fyrir sér fyrir sér. „Ég gat
vel lært og ég var ekkert mjög vitlaus.“ Það jók sjálfstraust
Haraldar mikið.
Sagði krökkunum í Fjölbrautaskólanum að
þegja
Haustið 2007 skráði Haraldur sig í nám við Fjölbrautaskóla
Norðurlands vestra til þess að taka A-réttindi í vélstjórn
og hefja nám í vélvirkjun. Í viku símenntunar haustið 2009
var Haraldur enn við störf á Vélaverkstæðinu. Þangað kom
fulltrúi frá Farskólanum og kynnti meðal annars raunfærni-
mat. Haraldur benti þá á að raunfærnimat gagnaðist einstak-
lingum eins og honum ekki því hann kæmist ekki í gegnum