Læknaneminn - 01.10.2002, Blaðsíða 13
vinnustundir á kandídatsári eru fleiri hér en þar. Þá
hefur því verið haldið á lofti að með lengingu
kandídatsárs aukist möguleikar á vali af hálfu aðstoð-
arlækna á því tímabili. Læknanentar og unglæknar
hafa bent á að tilgangur þessa tímabils er fyrst og
fremst að þjálfa unglækna verklega eftir sex ára nám
sem að mestum hluta er bóklegt en ekki að kynna
starfsemi einstakra sérgreina. Unglæknar eiga nú í
kjaradeilu við hið opinbera og í tengslum við umræð-
ur um lengingu kandídatsárs á liðnu ári var bent á að
lenging myndi fresta veitingu lækningaleyfis og væri
því bein kjaraskerðing. Þessu var svarað af stjórnend-
urn á Landspítala háskólasjúkrahúsi á þann veg að
ekki væri urn raunverulegt vandamál að ræða þar sem
einungis þyrfti að aðlaga kjarasamninga að breyting-
unni. Rétt er að benda á að nýverið var gerður kjara-
samningur við sjúkrahúslækna þar sem tilfærsla úr
launaflokki aðstoðarlækna í launaflokk deildarlækna
miðast enn við veitingu lækningaleyfis en ekki starfs-
aldur. Flutningsmenn tillögu um lengingu
kandídatsárs á liðnu ári töldu ekki ólíklegt að breyt-
ingin myndi kalla á styttingu náms við Læknadeild í
kjölfarið. Skoðun læknanema og unglækna virðist
liins vegar sú að eðlilegt sé að þessar breytingar verði
með þeim hætti að þeir fyrstu sem ganga í gegnum
styttra læknanám verði jafnframt þeir fyrstu sem
gangist undir lengra kandídatsár. Á það hefur verið
bent að með síðustu breytingu á kandídatsárinu hafi
dvalartími aðstoðarlækna á sjúkrahúsum verið styttur
og því sé erfiðara cn áður að skipuleggja fræðslu fyr-
ir þá, þannig sé nauðsynlegt að lengja þennan tíma svo
unnt sé að bæta fræðsluna. Félag ungra lækna fjallaði
um fræðslu unglækna á fundi seint á liðnu ári og sendi
í kjölfar þess frá sér ályktun þar sem harmað var hve
illa hafði verið staðið að fræðslunni. Það liggur í hlut-
arins eðli að rétt er að bæta úr þessu áður en þetta
tímabil er lengt. Að lokum er rétt að undirstrika að
enn hefur ekkert nýtt komið fram í þessu máli sem
rökstyður umrædda breytingu og þangað til svo verð-
ur er öll umræða um rnálið tímaeyðsla. Þeim tíma
væri vafalítið betur varið í að undirbúa þær breytingar
sem nauðsynlegar eru til þess að titillinn Cand. Med.
geti talist eftirsóknarverður.
Stutt tilkynning frá Rannsóknarráði læknanema.
Kæru læknanemar! Rannsóknarráð læknanema samanstendur af hópi læknanema
sem hittist reglulega í þeim tilgangi að auðga þekkingu sína á heimi læknavísindanna
með lestri vísindagreina og umræðum um innihald þeirra. Læknanemar af öllum árum
eru velkomnir og er meiningin í vetur að tengja efni fundanna námsefni hvers árs.
Þannig gætu t.d. annars árs nemar tileinkað sér lífeðlis- og lífefnafræði sem tengist um-
ræðuefninu og 3. árs nemar tækju meinafræðihlutann. Sú reynsla sem hlýst af því að
mæta á fundina okkar og taka þátt í starfinu er fyrst og fremst gagnleg við nám og störf
í framtíðinni, svo ekki sé minnst á hvað þetta er skemmtilegt. Ýmsar áhugaverðar upp-
ákomur verða í vetur og verður hápunkturinn vafalaust þriðja ráðstefna Rannsóknar-
ráðs læknanema, fyrstu helgina í nóvember, sem að þessu sinni verður jafnframt út-
gáfupartý vegna útkomu Læknanemans. Allir sem taka þátt í starfinu hljóta góða þjálf-
un í því að lesa vísindagreinar, kynna efni þeirra og öðlast betri skilning á tengslum
klínískrar læknisfræði og rannsókna. Við vonumst til að sjá sem flesta í vetur.
Emil Árni Vilbergsson, formaður.
Jón Torfi Gylfason, ritari.
11