Þingtíðindi Alþýðuflokksins - 29.11.1952, Síða 39

málið mjög ítarlega, og lagði formaður fram svohljóð-
andi tillögu:
„Þingflokkur Alþýðuflokksins hefur gaumgæfilega
athugað frumvarp að samningi um varnir Islands,
sem gerður hefir verið af utanríkisráðherra Islands
annarsvegar og sendiherra Bandaríkjanna f. h.
Atlantshafsbandalagsins hinsvegar. Trúnaðarmaður
þingflokksins hefir nákvæmlega fylgzt með þessari
samningsgerð og þingflokkurinn rætt málið á fundi
sínum 12. þ. m., og gert nokkrar athugasemdir, sem í
verulegum atriðum hafa verið teknar til greina.
Vegna hins alvarlega og hættulega ástands í alþjóða-
málum, og með hliðsjón af þeim upplýsingum, er
þingflokkurinn hefir fengið í því sambandi, og einnig'
vegna þess að ísland er aðili að Atlantshafsbanda-
laginu, hefir öðlazt rétt til varna af hálfu' bandalags-
ins og tekið þar á sig skyldur, ályktar þingflokkur-
inn að rétt sé að gera samning þann, sem hér um
ræðir, og samþykkir hann fyrir sitt leyti.“
Atkvæðagreiðsla fór fram með nafnakalli, og var
tillagan samþykkt með samhljóða atkvæðum allra
viðstaddra 10 fundarmanna.
Að lokum var á fundinum samþykkt með öllum
greiddum akvæðum gegn einu (F. J.), að þing-
flckkurinn gerði fyrir sitt leyti ekki kröfu til þess,
að Alþingi yrði kvatt saman til afgreiðslu málsins.“
Þannig var bókun þingflokks og endanleg afstaða
hans til málsins. En vegna leyndar þeirrar, er rétt þótti
að hafa um mál þeta, var það ekki þá borið undir
flokksstjórnina, en hinsvegar höfðu allir fulltrúar
flokksins í framkvæmdastjórn hans, fjallað um málið
og verið því samþykkir.
37