Goðasteinn - 01.03.1970, Page 13

ert mátti lesa um kvöldið nema í sálmabókum og Biblíunni, en
heimilið var vel búið að þeim bókum, sr. Jón átti meira að segja
Guðbrandsbiblíu í mikið góðu skinnbandi.
Á aðfangadagskvöld og gamlárskvöld fór Sigurður Þorbergsson
vinnumaður vestur í Háfskirkju klukkan sex til að hringja kirkju-
klukkunum, en því hafði hann vanizt, þegar hann var vinnu-
maður á Staðnum hjá sr. Skúla Gíslasyni.
Sigurður kom til okkar frá Þorvaldi á Þorvaldseyri. Hann var
hjá okkur í 17 ár, lengi fjósamaður og mokaði út hesthúsin með
okkur kvenfólkinu, þegar vertíð byrjaði. Hann varð síðast treystu-
laus og hjartveikur, enda búinn að bera marga vatnsfötuna.
Á gamlárskvöld var alltaf brenna vestur á hólnum, sameigin-
leg fyrir alla bæina í Háfshverfinu.
SUMARANNIR
Um 70-80 ær voru venjulega í kvíum, og í fjósi voru 8-10
mjólkandi kýr, en alls 14 nautkindur í fjósi. Eftir fráfærur var
aðcins setið í nokkra daga yfir ánum. Yfir fráfærulömbunum
var setið í um viku, saman frá bæjum í Háfshverfi, inni við
Kringlutjörn, fyrir innan sauðahúsin.
Ærnar voru mjólkaðar í færigrindum fyrir framan tún. Seinni
part sumars voru grindurnar bornar heim á tún. Framan af sumri,
mcðan mjaltaðar voru tvær mjaltir í mál, voru þrjár mjaltakonur
í kvíum. Mjaltafötin voru kastpils úr striga, strigasvunta og svart-
ar úlpur úr vaðmáli, ófóðraðar, nefndar víðúlpur. I þeim var líka
verið í engjaferðum og við rakstur á teig og við gegningar á
vetrum. Eftir fyrri mjölt voru ærnar pentaðar með froðu upp á
hrygginn. Kvíafötur, scm mjólkað var í, voru litlar en hellt í
stærri fötur. Kvíærnar voru í haga ýmist fram í Nesi og austur í
Nesi, við Ósana og inn í Bót, inn af bænum.
Farið var að hleypa skyr seinni part vetrar, þegar kýrnar fóru
að bera. Oft voru tvær til þrjár kýr bornar fyrir jól. Á sumrin
var skyri safnað í tunnur. Það var látið síast mjög vel og tólg
brædd yfir það, þcgar það var búið að brjóta sig. Venjulega var
súrskyrshræra til matar á morgnana, þegar kom fram á vetur.
Godasteinn
11