Goðasteinn - 01.03.1970, Síða 74

Dró þar drýgst mógrjót úr gömlu Hrútafellströðunum. Að innan
voru veggir hlaðnir eingöngu úr grjóti en að utan var annað lag-
ið úr grjóti en hitt úr sniddu. Kampar voru eingöngu hlaðnir úr
grjóti. Með sama hætti voru gerðir veggir gömlu skemmunnar.
Vindauga var gert í gaflað skcmmunnar. Faðir minn, Tómas
Þórðarson, sem fæddur er 1886 og ólst upp í Varmahlíð, mundi
gjörla eftir, að þann veg hafði verið háttað gaflaði gömlu skemm-
unnar, cn síðar var það vindauga aftekið.
Grind skemmunnar, stafir, sillur og sperrur, var uppsett á sama
hátt og áður var. Þurfti þar engu í að bæta. Stafir eru nokkuð
mislangir og hvíla á stoðasteinum yfir gólfi. Spcrrurnar cru allar
úr flettum viði. Þær eru höggsperrur mcð grópum fyrir langbönd.
Á einni þeirra má sjá hið forna rckamark Holtskirkju undir Eyja-
fjöllum. Þilsperra var gjörfúin og þurfti því að endurnýjast. Öll
er grindin trénegld, spcrrutoppar, spcrrutær niður í sillur og sillur
niður í stafi. Langbönd eru flest án efa yngri en elzta bygging
skemmunnar. Raftur liggur frá innstu sperru norður á gafiað og
hallar niður á gaflaðið.
Skemman er öll undir hellu, sem sótt mun hafa verið inn í
Lakabrík í Yztaskálaheiði. Stærstu hellurnar héldu áfram að vera
ufsahellur, liggja frá veggbrún upp á neðsta langband. Smáspýtur
voru hafðar til að skorða hellur af á stöku stað og heita enn scm
fyrr hellumatur. Svo vel var til verks gengið við að leggja hell-
una, að hvergi gætti þakleka í skcmmunni í eindæma vondu rign-
ingasumri, sem var á næsta leiti.
Þakið var mcð þykkum grasþökum utan yfir hellu og myldað
undir þær, þar sem þörf krafði. Þökur, sniddu og mold til að
mvlda með veggi og þak gaf völlurinn milli safnhússins og skemm-
unnar, sem þoldi nokkra lækkun sökum halla. Myndaðist því við
það þrep milli húsanna.
Gamla skemmuþilið mátti heita uppsprekað og gjörfúið. Var
sá cinn kostur fyrir hcndi að cndurnýja það. Toppfjalir þrjár yfir
dyrum eru cinar frá hinu gamla þili. Bárður í Steinum hljóp hér
vcl undir bagga og gaf safninu fjalvið úr gömlu baðstofuhúsi,
hæfilega breiðan til að þilja með skemmustafn sömu gerðar og
hinn gamli var. Á honum var aðeins ein gluggasmuga, vfir dyr-
72
Goðasteinn