Sjómannadagsblað Snæfellsbæjar - 01.06.1998, Side 4

2
Sjómannadagsblað Snæfellsbæjar 1998
Sr Friðrik}. Hjartar
Á HVERN VAR KALLAÐ ÞEGAR ALLT ÞRAUT?
Ef þú, ágæti lesandi, afræður að
ganga til kirkju á sjómannadag-
inn, þá er harla sennilegt að yfir
þér verði haft guðspjallsfrásagan
úr Matteusi 8:23-27, en þar segir
frá því er Jesús svaf í bátnum á
leið yfir vatnið, en er vindaði og
vatnið ýfðist urðu lærisveinarnir
hræddir og vöktu Jesú sem hastaði
á vindinn og vatnið.
Guðspjallstexti þessi er oft sagð-
ur endurspegla líf kirkjunnar á
göngu sinni með Jesú Kristi. Sú
ganga hefur ekki ætíð verið áfalla-
laus. Það er langur vegur frá því
að öllum takist að fara að leið-
beiningarorðum þess góða sálms
úr Sálmabókinni sem segir: „haf
Guðs orð fyrir leiðarstein
í stafni og stýrðu síðan
beint í Jesú nafni“ (Sb.
182). En í hvert sinn sem
kirkjan hefur snúið sér til
Jesú, þá hefur hann lægt
öldurnar, leiðrétt stefnuna
og leitt fleyið heilt í höfn,
enda er það undirtónn
allrar boðunar hennar að
betra sé að hafa Jesú Krist
innanborðs.
Þegar Jesús valdi sér
samstarfsmenn urðu sjó-
menn fyrir valinu, því að í þeim
fann hann efnivið sem hann gat
reitt sig á. - Símon hlaut hjá hon-
um nafnið Pétur, sem þýðir klett-
ur. Á þessum ldetti er kirkjan
byggð, enda stendur hún óbifuð,
grundvölluð á bjargi og veitir þá
festu sem lífið lcrefst. Samstarfs-
menn Jesú eru trúlega fyrstu fiski-
mennirnir sem svo rækilega eru
nafngreindir frá upphafi að þeir
munu aldrei falla í gleymsku.
Ekld þarf að fjölyrða um mikil-
vægi fiskveiðanna fyrir þjóðarbúið
íslenska og störf sjómannsins eru
betur þekkt en svo að gera þurfi
grein fyrir þeim hér. En meðan
róið er og einhver bátur er á sjó,
þá mæna mörg augu út á hafið.
Augu bæði vina og vandalausra -
fólks sem veit að stundum gerir
mikil veður á hafinu og þar eru
ótal hættur að varast. Augu sem
vona og þrá, augu sem fyllast
myndu ótta og skelfingu ef ekki
væri fyrir að fara trausti og trú á
Jesú Krist, því að í hans hendur er
líf sjómannsins lagt í bæninni.
Frábærri tækni dagsins í dag er
það að þakka að mörgum áhyggj-
um er létt bæði af sjómönnunum
sjálfum og þeim sem í landi sitja.
Varla flýtur sú trilla að þar sé ekki
að finna staðsetningartæki tengd
gervitunglum. Þetta og fleira léttir
störfin og eykur öryggi sjómann-
anna, og er það vel.
Ekki er samt nóg að sjómaður-
inn geti staðsett sig rétt á hafflet-
inum. Lífsháskinn er viðvarandi á
sjónum og duttlungar náttúruafl-
anna eru með þeim hætti að
einnig þarf að vera hægt að stað-
setja skip og báta úr landi. Þess
vegna er það skýlaus krafa allra
sem í landi sitja, fjölskyldna og
ástvina sjómannanna, að tilkynn-
ingasltyldunni sé sinnt eins og
vera ber.
I guðspjallinu sem ég nefndi eru
vindurinn og vatnið tákn vantrúar
og eyðingarafla þeirra sem finnast
í lífinu. Við erum ætíð að fást við
þessi öfl í einhverri mynd, í öllu
sem við tökum okkur fyrir hendur
og gengur mis vel. Jesús, aftur á
móti, þarf aðeins að hasta og
rétta út hönd sína til að koma á
reglu, þeirri reglu sem gerir alla
örugga í návist hans.
Himininn minnir oklcur á að
við erum hluti sköpunarverksins.
Og þegar betur er að gáð, þá er sú
ábyrgð á okkur mennina lögð að
vera kallaðir „kóróna sköpunar-
verksins“ - ráðsmenn Guðs á jörð-
inni. I þessu hlutverki hjálpar
tæknin olckur ekkert, heldur kem-
ur það þá fyrst í ljós þegar grannt
er skoðað hvernig við stöndum
undir þeirri ábyrgð. I því sam-
hengi sést að maðurinn er stað-
settur undir náð Guðs hvar sem
hann fer og hver sem hann er.
Hann á það undir náð Guðs að
frelsast, en náðin verður aðeins
þegin að gjöf, óháð verðleikum,
óháð verkum.
Guðspjall sjómannadagsins lýs-
ir því vel hver það er sem lægir
öldurnar og stillir vindinn. Það er
sá sem lærisveinarnir kölluðu á
þegar þeir urðu hræddir. - Jesús
sjálfur. Hönd hans er ætíð út rétt
okkur til bjargar.
Ég óska sjómönnum öllum og
fjölskyldum þeirra blessunar Guðs
og samfylgdar um framtíð alla.
Kirkjan á Brimilsvöllum, hán verður 75 ára í haust. P.S.J.
Útgefendur :
Sj ó m a n n ad ®s r aðin
Olafsvík og Hellissandi
Ritstjórn og auglýsirtgar:
Pétur S. Jóhannsson
Ábyrgðarmenn:
Pétur S. Jóhannsson
Pétur Tngi Vigfússon
Forsíðumynd:
Elísabet Jensdóttir
Ritnefnd:
Björn E. Jónasson
Jónas Gunnarssom
Péturi). Jóhannsson
Páll Stefánsson
Pétur Ingi Vigfússon.
léxtaviryisla og próförk:
..t S'anhvít Sigurðardóttir
Aðstoð:
Kjartai
Eggertsson
»
1 BÉ
Umbrot, prentun, bókbat
Steinprent e'