Sjómannadagsblað Snæfellsbæjar - 01.06.1998, Side 64

62
Sjómannadagsblað Snæfellsbæjar 1998
athygli mína voru portúgölsku
skúturnar. Þetta voru stórar
skútur með fullt dekkið af doríum
um borð. A hverjum morgni
sáum við þeim slakað út og haldið
frá móðurskipinu og var einn
maður í hverri doríu með færi og
línustubb. Maður var eiginlega
alveg hissa að sjá þetta, vegna
þess að maður hélt að þessi veiði-
skapur heyrði sögunni til.
Stundum gerði svarta þoku í
kringum skúturnar og
þá byrjuðu þeir að
hringja skipsklukkun-
um til að karlarnir á
doríunum rötuðu til
baka. Þarna varð að
lokum mikill fjöldi
skipa, Portúgalar,
Spánverjar, Færeying-
ar, Norðmenn og Is-
lendingar.
Veiðin hafði smá-
glæðst og það var nóg að gera.
Menn kepptust við að koma afl-
anum fyrir. Eftir rúma viku á
veiðum varð slys um borð, einn
hásetinn, Árni Helgason festist
með vettlinginn í splæsi og hífðist
uppí afturgálgann. Trollið var
umsvifalaust tekið inn og sett á
fulla ferð inn til Færeyingahafnar
og farið með manninn til læknis
en hann missti þumalfingur í
þessu slysi. Hann kom svo aftur
um borð þegar búið var að gera
að þessu og eftir það var hann í
kokkeríinu. Þegar við komum inn
í Færeyingahöfn var þar færeyskur
togari sem var verið að landa úr.
Þeir voru búnir að ljúka túr Fær-
eyingarnir og lönduðu öllum fisk-
inum þarna. Þeir héldu til þarna
allt súmarið og fóru ekki heim
fyrr en um haustið. Við tókum
þarna salt og kost og síðan var
haldið á miðin á nýjan leik.
Alltaf þegar tækifæri gafst var
verið að umstafla fiskinum í lest-
inni, bæði til að ná saltinu og til
að nýta plássið. Veiðarnar
gengu vel og um miðjan túrinn
lentum við í mokfiski. Dekkið
fyiltist og nú var legið í aðgerð.
Það þurfti fljótlega að fara aftur í
land til að ná í meira salt. Mig
minnir að við höfum farið fjórum
sinnum inn til Færeyingahafnar.
I síðasta skiptið tókum við olíu á
stað sem kallaður var Norð-
mannahöfn. Þá var farið að
minnka plássið í lestinni og allt að
verða fullt. Þá var liðinn mánuð-
ur frá því við fórum að heiman
og mönnum fundust síðustu dag-
arnir líða ansi hægt. En
allt hafðist þetta á endan-
um og heim komum við í
fyrstu viku júlí með 350
tonn af saltfiski. Ætli það
hafi ekki verið nálægt
1000 tonnum upp úr sjó.
Næstu tveir túrar sem
við fórum voru sögulegir
að því leyti að þá fylltum
við skipið af karfa á rúm-
um sólarhring. Þetta var í
upphafi Nýfundnalandsveiðanna.
Ég man alltaf hvað karlinn sagði
þegar við tókum trollið inn;
„þetta er fyrsti karfatúrinn sem ég
geri og hífi inn trollið með heila
vængi“.
'OIL
Alairey AK 77 í Færeyingahöfn á Grænlandi.
NÝSMÍÐI í SNÆFELLSBÆ
Það er ekki mikið um að smíð-
aðir séu bátar hér í Snæfellsbæ þó
við séum mildir sjósóknarar. Það
gerðist þó í vetur en þá tók Hilm-
ar Pálsson sig til og smíðaði sér
bát sem er 1,5 tonn að stærð.
Hilmar sem er orðin 73 ára gam-
all var sjómaður en hann fluttist
hingað til Ólafsvíkur frá Vopna-
firði 1985. Hann er búinn að eiga
um ævina alls 6 báta og var sá
stærsti 15 lestir að stærð. Mest
var róið á línu og handfæri.
'Einnig stundaði Hilmar ásamt fé-
lögum sínum hákarlaveiðar á
sumrin og náðu þeir að veiða 28
stykki á úthaldinu og var sá stærsti
10 m. Hilmar verkaði allan sinn
hákarl sjálfur. Vafalaust höfum
við borðað þetta hnossgæti frá
honum og líkað vel því hann
verkaði úrvalsvöru. Vopnfirðingar
hafa ávallt fengið á sig gott orð
fyrir að verka góðan hákarl.
Hilmar stundaði sjó alls í um
40 ár, þar af nokkur ár hér frá
Ólafsvík, svo að hann veit vel
hvað sjómennska er. Hilmar var
sæmdur heiðursorðu Sjómanna-
dagsins í Ólafsvík 1994.
I stuttu samtali sagði Hilmar að
hann hafi smíðað bátinn inni í
Tröð hjá Karli Magnússyni. Þetta
er flatbytta úr krossviði með lítinn
kjöl, -báturinn er grunnur og rist-
ir því ekki djúpt. Hann notar 10
ha. utanborðsmótor en einnig
smíðaði hann sér árar sem hann
getur gripið til ef með þarf.
Hilmar ætlar bara að leika sér á
honum og fiska í soðið eins og
gömlum sjómönnum er nú aðeins
heimilt samkvæmt fiskveiðistjórn-
unarlögum. í fyrsta róðri fékk
hann aðeins meira af þeim gula en
fyrir sjálfan sig svo hann ætlar að
passa sig næst sagði þessi gamla
kempa að lokum. Sjómannadags-
blaðið óskar Hilmari til hamingju
með bátinn og óskar honum alls
hins besta.
PSJ