Sjómannadagsblað Snæfellsbæjar - 01.06.1998, Side 72

70
Sjómannadagsblað Snæfellsbæjar 1998
milljónir. Núna í dag er ég búinn
að leigja til mín nokkur tonn þar
sem svo góður afli hefur verið á
Breiðafirði í vetur að ég hef ekki
séð annað eins.
Ut af þessum kvótamálum
finnst mér að hann þurfi að virka
þannig að þegar toppurinn er eins
og núna, þurfi að ákveða að bæta
við veiðarnar strax 20 til 40 þús-
und tonnum. Ekki að fara að bæta
við kvótann eftir kannski hálft eða
eitt ár. Skilyrðin í sjónum geta
t.d. verið allt önnur en eru núna
og þá er fiskurinn á öðrum slóð-
um. Fiskifræðingarnir eru alltaf
langt á eftir.
Mér finnst svo margt vafasamt í
þessum mælingum þeirra á stofn-
stærð þorsksins. Það er t.d. tals-
vert af fiski hent og afla landað
framhjá. Þetta kemur ekki inn í
stofnstærð. Mér finnst að það ætti
að taka til helminga mark á fiski-
fræðingum og svo á sjómönnum.
Þeir fara ekkert eftir okkur sem
stundum veiðarnar. Mér finnst
þessi vísindi svo stutt á veg kom-
in.
Fimmhundruð kr. kílóið
Það er ekki gott að segja til um
hver framtíðin er í þessum smá-
bátaveiðum. Það er þannig núna,
í þeim flokki sem ég er að þetta
var gefið frjálst með framsal,
nokkurn veginn með fiskinn í
sjónum. Þetta var mönnum bara
rétt í haust. Eftir það rauk kvóta-
verðið upp úr skýjunum. Þetta er
svo mikið rugl í gangi að það er
kannski verið að selja tonnið
óslægt á 500 krónur kílóið í eign-
arkvóta. Það er eins og með bát-
inn minn að verðið gæti verið 50
til 60 milljónir. Ég skil ekki samt
hvernig á að vera hægt að reka
hann á því verði . Hverjir eru að
kaupa,þessa báta spyr maður sig?
Svo fara þeir, sem selja, í fylu því
nokkrum dögum seinna segja þeir
að þeir hafi tapað svo miklu því
að kvótinn hafi hækkað. Svo eru
þessir dagabátar.Þeir eru í háu
verði núna en fáir skilja af hverju.
Þeir fá að veiða í 36 til 40 daga á
þessu ári en ef að fiskast mikið þá
fá þeir kannski, í versta falli, að
veiða aðeins einn dag á næsta ári.
Þá kemur upp sama staða og áður
að einhver hópur manna heimtar
að þetta verði lagað og allt fer af
stað aftur því að það er aldrei tek-
ið á þessu í eitt skipti fyrir öll.
Mér sýnist að menn sem eru
einyrkjar í þessu og geti lifað,
þurfi að vera með um 50 til 70
tonna kvóta eftir hvað menn
skulda mikið. Eg held að þetta
rugl fari nú samt að hægja á sér ef
þeir sem eiga bát í dag ætla sér að
lifa af þessu.
Mestu mistökin sem gerð hafa
verið í þessu kvótakerfi voru þegar
línutvöföldunin var tekin af. Tvö-
földunin skapaði svo mikla vinnu
í þessum sjávarbæjum eins og hjá
okkur og hún var bara tekin af
fyrir þrýsting nokkurra útgerðar-
manna stórra línuskipa hvað sem
menn segja. Þeir fóru strax að
selja kvóta frá sér.
Heilsan fyrir öllu
Eg ætla að halda áfram að gera
út meðan ég get. Eg fékk í bakið
s.I. sumar og manni bregður þegar
eitthvað svona kemur upp. Heils-
an er að sjálfsögðu fyrir öllu.
Svona í lokin langar mig til að
koma að hafnarmálum okkar
trillukarla sem eru ekki nógu góð
að mínu mati. Það þarf fleiri
legupláss fyrir trillur. Það þarf að
setja út ekki styttri en 40 m flot-
bryggju eins og er hérna í höfn-
inni og setja á hana „fmgur“ þá
koma fleiri pláss og það á að leigja
þau heimamönnum. Þó þurfi að
greiða meira fyrir þá aðstöðu þá
vilja menn það miklu frekar. Þá
þarf nauðsynlega að fá annan
krana á nýja stálþilið. Það tekur á
taugarnar þegar þarf að bíða upp í
tvo tíma eftir löndun. Þá þarf að
vera meira samstarf á milli hafnar-
varða og sjómanna. Þeir sjást bara
ekki nið á bryggju og því þarf að
breyta þessu skipulagi ef eitthvað
skipulag er til. Þetta er oft algjört
kaos í höfninni segir Guðmundur
að lokum.
PSJ
Sendum sjómönnum og fjölskyldum
þeirra árnaðaróskir í tilefni
Sj ómannadagsins!
APÓTEK ÓLAFSVÍKUR
Ólafsbraut 24, Ólafsvík • sími: 436 1261 • fax: 436 1631