Skógræktarritið - 15.12.1998, Page 97

Urlystigarði Húsavíkur.
árum. Segja má með sanni, að
hann sé næstum óþekkjanlegur.
Við komum f nær nýjan, gjör-
breyttan og einkar fallegan bæ.
Utsýn til fjalla, flóa og eyja var
að vísu jafn fögur og fyrr og verð-
ur vafalaust alltaf. En íbúatalan
hefur stóraukist og þar af leiðandi
miklar, fallegar og skipulegar
fbúðarbyggingar risið upp, glæsi-
leg íbúðahverfi, bæði fyrir sunnan
Búðará og úti á Höfða og víðar.
Nokkrar glæsilegar stórbyggingar
hafa einnig risið á þessum árum.
Nefni ég hér aðeins byggingar
skólanna, - Borgarhóisskólans,
Framhaldsskólans, bankabygging-
arnar, póst og sfma, og loks
safnahúsið fagra, sem öll vekja
mikla athygli og aðdáun gesta
sem hingað koma.
Ef til vill mun þó safnahúsið
nýja og glæsilega með fjölbreyttu
lista-, skjala-, byggða- og dýra-
safni, og einnig bókasafni undir
sama þaki, kennt við hinn kunna
gáfu- og fræðimann, Benedikt á
Auðnum, draga að sér flesta sem
þangað koma, enda þegar þjóð-
kunnugt og mikill sómi bæjar og
sýslu.
Þá er gjörbreyting á öllu gatna-
kerfinu. í stað holóttra malar- og
moldargatna eru nú komnar
fallegar malbikaðar götur og
gangstéttir um allan bæ. Og við
höfnina hafa verið gerðar miklar
breytingar til bóta og einnig á
vinnuaðstöðu þar.
í ferðinni um norðurbæinn
stönsuðum við um stund í Safna-
húsinu og fengum frábærar mót-
tökur. Þar afhenti ég bókaskrá
mína og varð hrifinn og stoltur af
því, hve bókaverðir hafa gengið
frábærlega vel frá safni mínu í
sérstakri stofu, sem þeir kenna
við mig.
Því næst héldum við enn ferð-
inni um bæinn langa stund.
Að lokinni skoðunarferðinni var
það raunar aðeins eitt, sem vakti
mesta athygli mína og gladdi mig
mest sem gamlan ræktunarmann
og einn af þeim fáu, sem beittu
sér fyrir stofnun skógræktarfélags
á Húsavíkvorið 1943. Eins og
nærri má geta var ástæðan sú,
hve Húsavík var nú orðin glæsi-
legur trjáræktarbær. Það var
hrein unun að sjá, hvílík gjör-
breyting var orðin á bænum á
þessu sviði; yndislega fallegir
trjá- og blómagarðar við flest
hús, einstök, hávaxin tré víða, og
frábær, fallega hirtur lystigarður
meðfram Búðará að sunnan.
|á, þvflík breyting.
Lfklega hefur þessi yndislegi og
mikli gróður snortið mig meira
en annað sem ég sá í þessum
nýja, fallega bæ því að ég þekkti
SKÓGRÆKTARRITIÐ 1998
95