Skógræktarritið - 15.05.2012, Qupperneq 68

SKÓGRÆKTARRITIÐ 201266
hærri stöðum enda sjálfsagt erfiðara að afla fræja
vegna strjálla fræ-ára. Ólafur Sturla Njálsson hefur
þó frá 2007 safnað sýnishornum af hærri svæðum
bæði í Sviss og Frakklandi3 og við vorum í raun að
kíkja svolítið á hans „veiðilendur“.
Sembrafuran (Pinus cembra) í Alpafjöllum og Kar-
patafjöllum er nú orðið talin til sérstakrar tegundar
en var áður flokkuð með lindifuru (Pinus sibirica)
frá Síberíu. Það er einkum sú síberíska sem notuð
hefur verið í skógrækt á Íslandi með góðum árangri.
Mörgum hefur þótt álitlegt að prófa kvæmi frá
mið-Evrópu, en þar ríkir þrátt fyrir allt ekki sama
meginlandsloftslagið og austur í Síberíu og um-
hleypingar algengari en þar.
Í heimsókn okkar til Sviss gerðum við út frá sum-
arhúsi Thomas nokkurs Seiz í Hasliberg (Hesli-
fjall) skammt austan Brienzer-vatns við Interlaken.
Thomas og fjölskylda hans hafa stutt dyggilega við
skógrækt á Íslandi í á annan áratug. Bústaðurinn
stendur í 1.100 m hæð í brattri hlíð yfir Hesli-dal
og bæinn Meiringen. Við höfðum ákveðið að verja
takmörkuðum tíma okkar í Sviss nánast eingöngu
til að skoða trjágróður í hæstu akfæru fjallaskörð-
um landsins og því var lítill gaumur gefinn að lauf-
skógum og öðrum forvitnilegum svæðum. Kvöld og
nætur voru svo notuð til að verka fræsýni sem tókst
að afla í ströngum fjallgöngum um land sem víða
var hreint „ótræði“ eins og Sigurður Blöndal hefði
kallað það.
Fyrsti fjallahringur: Sustenpass – Furkapass -
Grimselpass.
Fyrsta fjallaskarðið sem við skoðuðum er Susten-
pass milli kantónanna Bern og Uri. Vegurinn yfir
liggur í um 2.200 m hæð en trjágróður nær upp í
um 2.000 m hæð. Á leiðinni upp stoppuðum við í
lundi lauftrjáa og efnuðum okkur í stafkrók til að
krækja í greinar hærri trjáa ef köngla væri að sjá.
Þetta skarð reyndist ekki bjóða upp á neina sembra-
furu né álitlegt lerki með fræjum en rauðgreni (Picea
Dalbotninn í Gletch milli Furkapass og Grimselpass er upptök stórfljótsins Rón. Þarna er skógurinn að nema lönd sem
til skamms tíma voru undir skriðjökli. Mynd: Sighvatur Jón Þórarinsson.