Føroya kunngerðasavn A og B - 29.12.1980, Síða 236

252
Hammershaimb, tjóðskaparrørsluna (1876-1899), óbundnan skaldskap, ið tekur seg upp(1900-
1929), fyrstu skaldsøgutíðina (1930-1952), yngri skaldskap (1953- ). í metingini verður
størri dentur lagdur á tekstviðgerðina. Eitt próvtal verður givið.
8. stk. Urslitið verður mett eftir, hvussu næmingurin dugir at skilja ímillum týdningarmikið
og tað, sum hevur minni týdning í tekstinum, og hvussu hann dugir at bera saman við dømi úr tí,
sum viðgjørt hevur verið í árinum. Mett verður eisini eftir, hvussu greitt næmingurin dugir at
málbera seg.
§ 21. Danskt.
Royndin er skrivlig og munnlig.
2. stk. Tann skrivliga royndin fevnir um eina uppgávu i rættskriving og eina uppgávu í stíli.
3. stk. Til uppgávuna í rættskriving fáa næmingarnir 1 tíma. Til fyrisøgnina verða nýttir 40
minuttir, og næmingarnir fáa 20 minuttir til gjøgnumgongd av fyrisøgnini. Loyvt er at nýta
orðabøkur. Leiðarin á skúlanum ger av, hvør ið skal lesa upp. Vanliga eigur tað at vera tann
lærarin, sum hevur flokkin í donskum. Eitt próvtal verður givið.
4. stk. Til uppgávuna í stíli fáa næmingarnir 4 tímar. Uppgávan verður svarað við støði í
einum lisnum, hoyrdum ella sæddum tekstevni ella eini samansetingav hesum sum grundarlagi.
Givin eiga at verða fleiri evni, sum næmingarnir kunnu velja ímillum. Loyvt er at nýta
orðabøkur. Eitt próvtal verður givið fyri evnisviðgerð og málburð og eitt próvtal fyri røkjuskap.
5. stk. Kravt verður, at næmingarnir duga at skipaevniðogat málberaseg, tá ið teirgreiða frá
sjálvstøðugum hugsanum ella vitan. Svariðskal verða skrivað á einum máli.sum ergreitt og lætt
at skilja.
6. stk. Til munnligu royndina verða uppgivnar i bundnum og óbundnum máli 60 normalsíður
av fjølbroyttum tekstúrvali úr føgrum bókmentum og yrkisbókmentum. Harafturat verða
uppgivin eitt ella tvey høvuðsverk, ið kunnu vera ymisk innan sama flokk ella bólk.
Meginparturin av tí uppgivna tekstinum eigur at vera danskur ella norðurlendskur tekstur í
danskari týðing frá ymskum tíðarskeiðum. Tað ber til í einstøkum føri at nýta tekst, sum ikki er
prentaður.
7. stk. Royndin hevur sítt støði í einum teksti, sum er ókendur fyri næminginum.
Fyrireikingartíðin er 30-40 minuttir. Til fyrireikingina er loyvt at nýta egnu upprit, somuleiðis er
loyvt at hava pappír, blýant, fremmanda orðabók, føroyska-danska og danska-føroyska
orðabók. Eitt próvtal verður givið.
8. stk. Kravt verður, at næmingarnir skilja tekstinnihaldið, duga at viðgera tekstin, gera
tekstmetingar grundaðar á bæði uppgivnan og ókendan tekst og duga at málbera seg á
donskum.
§ 22. Rokning/støddfrøði.
Royndin er skrivlig.
2. stk. Royndin fevnir um hesi umráði: talviðgerð, samfelagsrokning, geometri, alisfrøðilig
evni, algebra og hagfrøði. Royndin er býtt sundur í tvær partroyndir, ið ikki mega vera sama
dag, nevnliga fimisrokning (FR) og greiðslurokning (GR).
3. stk. Royndin í fimisrokning er sett til 1 tíma, og loyvt er at brúka hesi hjálparamboð:
passara, linjuál, teknitríkant og kladdupappír. Útrokningar og úrslit skulu vera tilskilað á
uppgávuarkinum. Eitt próvtal verður givið.
4. stk. Royndin í greiðslurokning er sett til 4 tímar, og loyvt er at brúka hesi hjálparamboð:
passara, linjuál, vinkulmátara, teknitríkant, elektroniskan stuttmintan lummaroknara (»volatile
memory«), tabellsavn og formlasavn og teknmyndarlista, sum Landsskúlafyrisitingin hevur
góðkent. Eitt próvtal verður givið fyri svarið og eitt fyri røkjuskap.
5. stk. Umframt sjálvt svarið verður dentur lagdur á, at næmingurin greidliga orðar hugsan
sína um uppgávuloysnina.
§ 23. Enskt.
Royndin er munnlig.