Morgunblaðið - 08.12.2000, Blaðsíða 22

22 FÖSTUDAGUR 8. DESEMBER 2000
VIÐSKIPTI
MORGUNBLAÐIÐ
97,5% hlutafjár í AX-hugbúnaðarhúsi selt til Danmerkur
Opnar nýja mögu-
leika á dreifileiðum
UNDIRRITAÐUR hefur verið
samningur um sölu á um 97,5%
hlutafjár í AX hugbúnaðarhúsi hf.
til danska hugbúnaðarfyrirtækisins
Columbus IT Partner AS. Hluthaf-
ar í AX fá greitt með nýjum hluta-
bréfum í Columbus og nemur eign-
arhlutur íslensku hluthafanna eftir
þá hlutafjáraukningu 10,5%. Sam-
hliða sölu á AX til Columbus hafa
Opin kerfi hf. og Talenta-Hátækni
hf. ákveðið að auka hluti sinn í
Columbus um sem nemur 250 mil-
Ijónum króna.
Stærstu hluthafar í AX eru Skýrr
hf. með 38,69% eignarhlut, Talenta-
Hátækni hf. 13,55% og Opin kerfi
hf. 11,38%. í tilkynningu frá fyrir-
tækjunum þremur segir að Columb-
us IT Partner AS sé stærsti einstaki
sölu- og þjónustuaðili á Damgaard
XAL/Axapta viðskiptalausnum í
heiminum. Columbus sé með starf-
semi í 24 löndum víðs vegar um
heiminn og hafi velta fyrirtækisins
numið um 582 milljónum danskra
króna á síðasta ári. Þá segir að með
því að AX gerist hluti af Columbus
opni það nýja möguleika á dreifileið-
um innan Columbus fyrir ýmsar
sérlausnir AX. Um 110 manns
starfa hjá AX hugbúnaðarhúsi.
Gott viðskiptatækifæri
Frosti Bergsson, stjórnarformað-
ur AX hugbúnaðarhúss, segir að AX
hafi verið með skrifstofu í Dan-
mörku frá árinu 1999 og selt þar
hugbúnaðarlausn fyrir verslana-
keðjur. Columbus hafi sýnt áhuga á
að kaupa fyrirtækið og vilji jafn-
framt leggja sérstaka áherslu á sölu
á vörum þess. „Við álitum þetta
skynsamlegan valkost þar sem það
kostar mikla fjármuni að standa að
kynningu á hugbúnaði sem þessum
á mörkuðum erlendis. í öðru lagi
hefur Columbus þróað ýmsar lausn-
ir sem við teljum að eigi erindi á ís-
lenska markaðinn. í þriðja lagi má
nefna að hlutabréfamarkaðurinn
fyrir hugbúnaðarfyrirtæki hefur
hrunið á árinu. Við litum þannig á að
með því að renna AX hugbúnaðar-
húsi inn í Columbus, kaupa viðbót-
arhlutafé fyrir 250 milljónir í félag-
inu og vinna með stofnanda
félagsins væri gott viðskiptatæki-
færi.“
Frosti segir að AX hugbúnaðar-
hús fái einn stjórnarmann í fjögurra
manna stjórn Columbus.
Michael Gaardboe, aðaleigandi og
framkvæmdastjóri Columbus, segir
að af þeim sem fyrirtækið væri í
samkeppni við væri AX hugbúnað-
arhús tæknilega best. Um leið og
kaupin á AX styrki stöðu Columbus
verji þau einnig hagsmuni fyrirtæk-
isins.
Columbus var stofnað fyrir ellefu
árum og hefur vaxið hratt. Undan-
farið hálft annað ár hefur þó reynst
því erfitt segir Gaardboe, en tap
hefur verið á rekstrinum. Kveðst
hann þess fullviss að með kaupunum
á Ax muni takast að snúa því við.
AX hefur þróað og selt viðskipta-
hugbúnaðinn Retail Suite, m.a. til
Skeljungs á íslandi og DK Benzin,
Ide Mpbler, Matas og Hattings í
Danmörku. Hyggst Columbus nú
markaðssetja forritið í þeim lönd-
um, þar sem dótturfyrirtæki þess
eru staðsett. Um 860 starfsmenn og
er gert ráð fyrir að við kaupin á AX
verði starfsmenn um 1.000 talsins í
árslok. Columbus er skráð á hluta-
bréfamarkaðnum í Kaupmanna-
höfn.
Selja í Sjóvá-Almennum hf.
TILKYNNT var á Verðbréfaþingi
íslands að Benedikt Sveinsson,
stjórnarformaður Sjóvár-Almennra
trygginga hf., hefði í gær selt eina
milljón króna að nafnverði hlutafjár
í Sjóvá-AJmennum á verðinu kr.
31,00. Eignarhlutur Benedikts eftir
söluna er 22.300.767 krónur að
nafnverði. Þá var einnig tilkynnt að
Einar Sveinsson, framkvæmdastjóri
Sjóvár-Almennra og bróðir Bene-
dikts, hefði í gær selt 70.000 krónur
að nafnverði hlutafjár í Sjóvá-AI-
mennum á verðinu kr. 31,00 og er
eignarhlutur Einars eftir söluna
20.691.113 krónur að nafnverði.
Benedikt Sveinsson sagði í sam-
tali við Morgunblaðið að hann hefði
seít hlutaféð í gegnum verðbréfa-
sala og því vissi hann ekki hver
kaupandinn væri og þessi sala væri
ekki innan fjölskyldunnar.
„Það stendur misjafnlega á hjá
mönnum, stundum þarf að selja og
stundum kaupa menn. Hjá mér er
það þannig að ég sel núna lítinn
hluta af því sem ég á, en það þýðir
ekki að ég hafi ekki fulla trú á félag-
inu. Ég hef mikla trú á því,“ sagði
Benedikt.
INNKÖLLUN VEGNA RAFRÆNNAR
SKRÁNINGAR HLUTABRÉFA
í ÞRÓUNARFÉLAGI ÍSLANDS HF
Mánudaginn 8. janúar árið 2001 verða hlutabréf í Þróunarfélagi íslands hf. tekin til
rafrænnar skráningar hjá Verðbréfaskráningu íslands hf í samræmi við ákvörðun stjórnar
Þróunarfélagi íslands hf þar að lútandi. Þar af leiðandi verða engin viðskipti með hlutabréf
félagsins þann dag. Frá þeim tíma ógildast hin áþreifanlegu hlutabréf í fyrirtækinu í samræmi
við ákvæði laga og reglugerðar um rafræna eignarskráningu verðbréfa. Nánar tilgreint verða
öll hlutabréfa í Þróunarfélagi íslands hf. tekin til rafrænnar skráningar en þau eru í tveimur
flokkum, auðkennd með J1-J433 og 1-2710 og gefm út á nafn hluthafa. Útgáfúdags er getið
á hverju bréfi.
Hér með er skorað á alla eigendur ofangreindra hlutabréfa sem telja nokkurn vafa leika á að
eignarhald þeirra sé réttilega fært í hlutaskrá Þróunarfélags íslands hf að staðreyna
skráninguna með fyrirspurn til hlutaskrár Þróunarfélags íslands hf, Suðurlandsbraut 22, 108
Reykjavík eða í síma 568-8266. Komi í ljós við slíka könnun að eigendaskipti hafi ekki verið
skráð ber eigendum að færa sönnur á þau gagnvart félaginu fyrir nefndan dag.
Enn fremur er skorað á alla þá sem eiga takmörkuð réttindi til ofangreindra hlutabréfa, s.s.
veðréttindi, að koma þeim á framfæri við fúllgilda reikningsstofnun, þ.e. banka,
verðbréfafyritæki eða sparisjóð sem gert hefúr aðildarsamning við Verðbréfaskráningu íslands
hf, fyrir skráningardag.
Athygli hluthafa er vakin á að hin áþreifanlegu hlutabréf félagsins verða ógild sjálfkrafa og
því er ekki þörf á að skila þeim til félagsins. Jafnframt er vakin athygli á að ferli rafrænnar
skráningar hefur engin áhrif á möguleika hluthafa til að eiga viðskipti með hluti sína í
félaginu.
Að lokinni rafrænni skráningu þurfa hluthafar að fela reikningsstofnun umsjón með
eignarhlut sínum í félaginu til að geta framselt hluti sína svo sem vegna sölu eða skipta.
Hluthafar munu fá sendar tilkynningar og reikningsyfirlit I samræmi við ákvæði reglugerðar
nr. 397/2000. Hluthöfúm félagsins verður nánar kynnt þetta bréfleiðis.
Stjórn Króunarfélags íslands hf. •> Þróunarfélag Íslands hf
Samningar undirritaðir í Hirtshals. Talið frá vinstri: Hjörleifur Jakobsson,
forstjóri Hampiðjunnar, Georg Jensen, framkvæmdastjóri og eigandi
Cosmos, og Bragi Hannesson, stjórnarformaður Hampiðjunnar.
Hampiðjan kaupir
í Cosmos Trawl
HAMPIÐJAN og eigendur Cosmos
Trawl í Danmörku hafa gengið frá
samkomulagi um kaup Hampiðjunn-
ar á 60% hlutafjár í Cosmos Trawl,
sem um áratuga skeið hefur staðið í
fremstu röð veiðarfæraframleiðenda
í heiminum. Fyrirtækið er einkum
þekkt fyrir rækjutroll en flottrolls-
staða þess er einnig sterk.
Velta fyrirtækisins á síðustu 12
mánuðum var um 550 milljónir ís-
lenskra króna og hagnaður af reglu-
legri starfsemi fyrir skatta var um 15
milljónir íslenskra króna. Hagnaður
hefur verið af rekstrinum undanfar-
in 5 ár. Cosmos Trawl er með höfuð-
stöðvar í Hirtshals í Danmörku þar
sem botntrollsframleiðslan fer fram,
en hefur einnig góða aðstöðu í Skag-
en þar sem fyrirtækið framleiðir
flottroll. Auk þess er Cosmos Trawl
með söluskrifstofu í Uruguay. Hjá
fyrirtækinu starfa 55 starfsmenn.
Samkvæmt upplýsingum frá
Hampiðjunni mun yfirtaka reksturs-
ins fara þannig fram að stofnað verð-
ur nýtt fyrirtæki undir nafni Cosmos
Trawl sem kaupir eignir og rekstur
gamla fyrirtækisins. Hlutafé hins
nýja félags verður 165 milljónir ís-
lenskra króna. Gert er ráð fyrir að
Hampiðjan greiði allt að helming
síns framlags með eigin bréfum.
Stofnefnahagur verður um 550 millj-
ónir íslenskra króna og eiginfjár-
hlutfall því 30%.
Markmið Hampiðjunnar með
þessum kaupum er að treysta sig
enn frekar sem leiðandi fyrirtæki í
hönnun, framleiðslu og sölu togveið-
arfæra í Keiminum. „Við settum okk-
ur það markmið á síðasta ári að
verða öflugastir í sölu og framleiðslu
á togveiðarfærum í heiminum.
Kaupin á J. Hinrikssyni, Swan Net
og nú Cosmos Trawl eru mikils verð-
ir áfangar í þeirri þróun,“ segir
Hjörleifur Jakobsson, forstjóri
Hampiðjunnar.
Velta Hampiðjunnar á síðasta ári
var um 1.500 milljónir króna en
Hjörleifur segist vonast til að velta
þeirra fyrirtækja sem nú mynda
samstæðu Hampiðjunnar verði tvö-
föld sú upphæð á næsta ári miðað við
óbreytta stöðu.
NCI, félag á sviði fjarskipta
Tekur þátt í stofn-
un fyrirtækja
LÍNA.Net hf., Orkuveita Reykjavík-
ur og Íslandsbanki-FBA hf. hafa
stofnað fyrirtækið NCI ehf. (Nordic
Communication Infrastrueture), en
markmið þess er að taka þátt í stofn-
un fyrirtækja erlendis um uppbygg-
ingu á fjarskipta- og gagnaflutnings-
kerfum. NCI mun í þessu skyni nýta
sér sérþekkingu fyrirtækjanna og
tengsl þeirra erlendis auk þess sem
fyrirtækið stefnir jafnframt að sam-
starfi við önnur íslensk fjarskipta-
fyrirtæki.
Borgarráð Reykjavíkur sam-
þykkti stofnun fyrirtækisins með 4
samhljóða atkvæðum á fundi síðast-
liðinn þriðjudag.
ísland í fremstu röð í fjarskipta-
og gagnaflutningstækni
í tilkynningu frá fyrirtækjunum
þremur segir að ísland sé i dag í
fremstu röð í heiminum hvað varðar
hagnýtingu og þróun fjarskipta- og
gagnaflutningatækni. Sú staðreynd
og áhugi erlendra stórfyrirtækja á
að nýta ísland sem þróunarsvæði
fyrir nýjar afurðir geri það að
verkum að ísland sé skrefinu á
undan öðrum löndum í Evrópu á
þessu sviði. Það sé ætlun hins nýja
félags að nýta innlenda reynslu og
þekkingu með arðbærum hætti með
samstarfi við öfluga aðila erlendis.
Fram kemur í tilkynningunni að
Lína.Net hf. hafi frá stofnun 1999
byggt upp eitt tæknilega fullkomn-
asta fjarskipta- og gagnaflutnings-
kerfi í heiminum. Þá segir að hjá Is-
landsbanka-FBA hf. sé mikil
þekking á fjarskiptamarkaðnum
vegna umtalsverðra fjárfestinga og
lánveitinga á þeim markaði og að
Orkuveita Reykjavíkur sé sjálfstætt
þjónustufyrirtæki í eigu Reykjavík-
urborgar sem hafi haft forgöngu um
stofnun Línu.Nets hf.
Áhugl erlendis fyrir samstarfi
við íslensk fyrirtæki
Auðun Már Guðmundsson, stjórn-
arformaður NCI ehf., segir að hér á
landi sé þekking og góð reynsla í að
byggja upp fullkomið fjarskiptakerfi
á skömmum tíma. Lína.Net sé eitt
þeirra fyrirtækja sem séu mjög
framarlega á þessu sviði. „Erlendir
aðilar hafa verið að leita hingað til
lands, til að mynda í gegnum birgja,
til að sjá hvernig þessi fjarskipta- og
gagnaflutningskerfi hafa verið
byggð upp,“ segir Auðun. ,Áhugi er
fyrir því hjá mörgum þessara aðila
að fá íslensk fyrirtæki á þessu sviði í
samstarf á erlendum mörkuðum.
NCI er hugsað sem undirbúningsfé-
lag til að taka við þessari vinnu, með
tæknilega þekkingu frá Línu.Neti og
Orkuveitu Reykjavíkur og fjármála-
lega þekkingu frá íslandsbanka-
FBA.“
Auðun segir að nú þegar séu
komnar í gang viðræður NCI við
stór fyrirtæki á Norðurlöndunum,
sem muni skýrast á næstu mánuð-
um.