Morgunblaðið - 08.12.2000, Blaðsíða 20
20 FÖSTUDAGUR 8. DESEMBER 2000
MORGUNBLAÐIÐ
LANDIÐ
Aðventuhátíð
Hrunaprestakalls
Hrunamannahreppi - Árleg að-
ventuhátíð í Hrunaprestakalli var
haldin að kvöldi fyrsta sunnudags í
aðventu, 3. desember, í Félags-
heimilinu á Flúðum. Séra Eiríkur
Jóhannsson, sóknarprestur í
Hruna, setti og stjórnaði samkom-
unni sem einkenndist af söng og
gleði. Fjórir kórar komu fram.
Yngribamakór Flúðaskóla, skóla-
kór Flúðaskóla, Karlakór Hreppa-
manna og kirkjukór Hranapresta-
kalls. Alls stigu um 130 manns á
svið og sungu en það verður að
teljast hátt hlutfall í rúmlega 700
manna sveitarfélagi.
Hallfríður Ólafsdóttir lék á
þverflautu og Miklós Dalmay á
píanó er þau fluttu hið fallega verk
Adagio og Allegro úr sónötu eftir
J.S. Bach. Þau léku einnig undir í
sumum lögum er kórarnir flultu
en stjórnandi þeirra er Edit Moln-
ár. Séra Eiríkur flutti hugvekju og
mælti einnig fram bæn og söfnuð-
urinn endurtók sömu orð og allir
viðstaddir fóru með faðirvorið.
Aðventuhátíðin er fjölmennasta
helgiathöfn sem fram fer hér í
sveitinni ár hvert. Sóknarnefndir
Hrunaprestakalls buðu upp á
kaffisopa áður en gengið var út í
hið fagra og milda vetrarveður
sem verið hefur að undanförnu.
Morgunblaðið/Elín Una
Jólasveinunum er sama um tennumar og gáfu bömunum gotterí.
Jólaljósin tendruð
Stekkjarstaur
kom fyrstur
Ólafsvík - Jólasveinarnir Stekkj-
arstaur, Giljagaur og Stúfur
brugðu sér á bæi á laugardaginn
var og komu til Ólafsvíkur þegar
tekið var að rökkva. Bæjarstjóri
Snæfellsbæjar, Kristinn Jónas-
son, hafði veður af komu þeirra og
boðaði bæjarbúa, unga sem aldna,
að Pakkhúsinu til að taka á móti
þeim heiðurssveinum. Þá voru
ljósin tendruð á grenitré bæjarins
og Samkór Snæfellsbæjar söng
nokkur jólalög.
Jólasveinamir voru reifir og há-
værir og svo sannarlega engin
kuldastrá enda hefur verið hiti og
logn á Snæfellsnesi undanfarna
daga.
Morgunblaðið/Sigurður Jónsson
Formaður Kvenfélags Selfoss, t.v., ásamt fulltrúum heimila og stofnana.
Kvenfélag Selfoss
afhendir j ólagj afir
Selfossi - Kvenfélag Selfoss kallaði
til sín fólk 5. desember á árlegan
jólafund sinn þar sem félagið af-
hendir styrktargjafir til stofnana.
Þeir sem fengu afhentar gjafir
að þessu sinni voru Vinnustofan við
Gagnheiði á Selfossi, heimili fatl-
aðra að Árvegi 8, Vallholti 9 og
Vallholti 12-14, Álftarima 2 og
Lambhaga á Selfossi fengu geisla-
diska að gjöf, hjúkrunarheimilið
Ljósheimar fékk gjafabréf fyrir
tækjum, Heilbrigðisstofnunin á
Selfossi fékk þrjú jólatré, Götu-
smiðjan Kjalarnesi fékk 20 þúsund
krónur og Kvennaathvarfið í
Reykjavík 50 þúsund krónur.
Að lokinni afhendingu voru
sungin jólalög og gestir gæddu sér
á gómsætum kökum.
Morgunblaðið/Sigurður Sigmundsson
Ungir og efnilegir drengir úr Flúðaskóla sungu með Karlakór Hreppamanna, stjórnandi er Edit Molnár.
Aðventuhátíð
Jólatré
skreytt
með kær-
leikanum
Ólafsvík - Á fyrsta sunnudagskvöldi
á aðventu var haldin árleg hátíðar-
stund í Ólafsvíkurkirkju á vegum
Kvenfélagsins. Samkomugestir
sungu saman jólalög og hlýddu á
ljúfa tóna nemenda úr Tónlistarskól-
anum og kirkjukórsins. Jólasaga um
litla mús sem bjó í orgeli var lesin og
hugvekja var í höndum Veronicu
Osterhammer sem sagði frá jólunum
í Bæjaralandi. Væntanleg ferming-
arbörn sögðu sögu jólatrésins og
skreyttu tréð með ýmsu táknrænu
skrauti, s.s. epli sem táknar Adam og
Evu og hjarta sem táknar kærleik-
ann.
íbúar Ólafsvíkur fjölmenntu á
samkomuna og gæddu sér að dag-
skrá lokinni á nýbökuðum vöfflum og
heitu súkkulaði í safnaðarheimilinu.
Aðventutón-
leikar kóra í
Fjarðabyggð
Neskaupstað - Aðventutónleikar
kórs Fjarðabyggðar og bamakóra í
Fjarðabyggð voru haldnir í öllum
hverfum sveitarfélagsins fyrstu
helgina í aðventu.
A laugardag var sungið í Nes-
kaupstað og á sunnudag var sungið
á Eskifirði og Reyðarfirði. Meðal
efnis var einsöngur Xu Wen sem
söng lög eftir Handel og einsöngur
Elínar Jónsdóttur sem einnig söng
Iag eftir Handel. Tónleikarnir vom
vel sóttir.
Morgunblaðið/Elín Una
Fermingarbömin í Ólafsvík sögðu sögu jólatrésins og skreyttu það.
Nú styttist í komu
jólasveinanna
Systkinin Björg Guðrún og Ólafur Þórir hittu
jólasveininn þegar hann kom við í Lionshúsinu.
Morgunblaðið/Gunnlaugur Amason
Stykkishólmi - Jóla-
sveinarnir eru enn
lifandi og verða
mikið á ferðinni fyr-
ir þessi jól sem hin
fyrri. Því fengu
börn í Stykkishólmi
að kynnast á laug-
ardaginn.
Þá heimsótti einn
þeirra Lionshúsið í
Stykkishólmi og gaf
krökkunum kost á
því að setjast hjá
sér og leyfa pabba
og mömmu að taka
myndir. Á meðan
sagði hann hvað á
daga jólasveinanna
hefði drifið frá því
að þeir voru hér á
ferð um jólin í
fyrra. Þessi jóla-
sveinn átti eftir að
láta snyrta á sér skeggið og það
mun hann gera áður en hann og
bræður hans koma til byggða á
nýjan leik til að færa stilltum og
prúðum börnum pakka í skóinn
eftir að þau eru farin að sofa.
Morgunblaðið/Kristín Agústsdóttir
Frá aðventutónleikunum í Neskaupstað.