Morgunblaðið - 08.12.2000, Blaðsíða 59
MORGUNBLAÐIÐ
FÖSTUDAGUR 8. DESEMBER 2000 59-
MINNINGAR
SIGURÐUR
KRISTJÁNSSON
Skagafirði ásamt foreldrum Dóru.
Þau voru rétt rúmlega tvítug að aldri
- full bjartsýni og áhuga fyrir búskap,
enda bæði nýútskrifaðir bú-
fræðingar. Þegar ég svo flutti á Eg-
ilsá árið 1986 kom ekkert annað til
. greina en að efla vináttuna við Sigga
og Dóru. Þá kynntist ég Sigga betur
og komst að því að hann var ekki að-
eins fallegur að utan heldur ekki síð-
ur að innan. En Siggi var maður
hæverskur og lítillátur og vildi ekki
standa í vegi fyrir neinum heldur
þvert á móti var hann ávallt tilbúinn
til að greiða götu vina sinna. Það
leyndi sér ekki að hér fór næmur
maður sem átti til viðkvæma strengi.
Það stafaði af honum hlýja, hann var
afar gestrisinn og fannst mjög
skemmtilegt að spjalla um lífíð og til-
veruna. í þeim samræðum naut hann
sín best þegar hrossarækt bai- á
góma en hana stundaði hann af kappi.
Á þessum ái-um var Siggi kátur og
bjartsýnn á að ná árangri í búskapn-
um enda hrossaræktin þegar farin að
skila sér í góðum hrossum. Ég og
sambýlisfólk mitt á Egilsá áttum
margar gleðistundir í samvistum við
Dóru, Sigga og börnin þeirra. Við
héldum matarboð, stunduðum saman
reiðtúra, spiluðum saman, veittum
hvert öðru aðstoð í tamningum og
öðru hestaati. Þá skulu ekki ótalin öll
góðu ráðin sem búfræðingamir áttu
fyrh’ okkur borgarbörnin. Við fórum
saman í ýmsar hestaferðir bæði lang-
ar og stuttar. Minnisstæðust er mér
ferðin sem ég fór ásamt Sigga, Dóru
og fleirum úr Víðivallafjölskyldunni,
bæði bömum og fullorðnum, í Aust-
urdalinn. Við komum við hjá Helga
heitnum á Merkigili, þáðum kaffi og
meðlæti og ákváðum að skilja eftir öll
úr og klukkur áður en haldið var á vit
náttúmnnar í dalnum fagra. Ferðin
var ævintýri frá upphafi til enda,
veðrið eins og best verður á kosið,
hestar og menn glaðir hverja mínútu.
Við svona aðstæður eflist vináttan og
minningamar verða dýrmætari en
orð fá lýst. Sigga sé ég fyrir mér, und-
ir heiðskírum himni Austurdalsins,
glaður, sólbrúnn og hraustlegur -
þeysast um á fallegum, léttum og
þýðum Víðvallagæðingi. Þannig
minnist ég Sigga fyrst og fremst og
þá minningu ætla ég að varðveita í
hjarta mér.
Elsku Gísli, Kristján og Lilja, ykk-
ur sendi ég mínar dýpstu samúðar-
kveðjur. Pabbi ykkar var stoltur af
ykkur og ykkm- elskaði hann mest af
öllum. Hann bar hag ykkar alltaf fyr-
ir bijósti þó að veildndi síðustu ára
hafi oft reynst honum erfið. Við þau
barðist hann eins og hetja og af því
getið þið verið stolt. Móður, systkin-
um og öðram ástvinum sendi ég mín-
ar dýpstu samúðarkveðjur. Genginn
er góður maður langt um aldur fram.
Bryndís S. Guðmundsdóttir.
Mig langar í örfáum orðum að
minnast hans Sigurðar bróður míns.
Sigurður var yngstur okkar systkin-
anna, en það var stór hópurinn sem
ólst upp á Reynivöllum.
Það hefur áreiðanlega haft sína
kosti jafnt sem galla að vera yngstur
af átta systkinum. Þau elstu höfðu oft
tíma til að sinna honum og hjálpa við
ýmislegt en hann þurfti kannski oft
að leika sér meira einn, en í sveit era
leikfélagar systkini og skepnur.
Ég man hvað Sigurður var hændur
að honum Bjama elsta bróður okkar
sem bam, Bjami þá uppkominn með
bíl og kærastu. Þau vora ófá skiptin
sem Sigurður fékk að fljóta með
Bjama þegar hann þurfti í einhverj-
um erindum á bæi eða til Reykjavík-
ur. Þetta vora hinar mestu skemmti-
ferðir hjá Sigurði og hentaði
ágætlega þar sem við Guðmundur,
sem komum næstir honum í systkina-
röðinni, lékum okkur meira saman.
Okkur fannst Sigurður stundum of
lítill til að hægt væri að leika almenni-
lega við hann.
Sigurður hafði ávallt gaman af
hestum og þegar hann ólst upp átti
hann oft góðan gripinn. Því til vitnis
er Morgunblaðsskeifan sem Sigurður
hreppti sem viðurkenningu fyrir
hestamennsku er hann útskrifaðist
sem búfræðingur frá Bændaskólan-
um á Hólum í Hjaltadal.
Sigurður kvæntist Halldóra Gísla-
dóttur frá Víðivöllum og eignuðust
þau þrjú böm, Gísla, Kristján og
Lilju. Sigurður og Dóra slitu síðai’
samvistir. Ég veit að Sigurður átti
mjög góða tíma í Skagafirðinum í
mörg ár og held ég að þetta hafi
lengst af verið einn ánægjulegasti
kaflinnílífiSigurðarbróður.
Stóran hluta af fullorðinsáranum
hef ég búið erlendis svo samvera-
stundimar hafa verið alltof fáar og oft
of langt á milli. Þó átti ég því láni að
fagna þegar við fjölskyldan bjuggum
um tveggja ára skeið á Akureyri að
geta eytt meiri tíma með Sigurði. Þá
var stundum rennt í Skagafjörðinn
um helgar og gist hjá Sigurði og
Dóra. Þá var oft glatt á hjalla, farið í
útreiðartúra, farið niður að vötnum
að draga fyrir silung og ómissandi var
að fara í fjósið. Ómar sonur minn var
þá einatt með í för og skemmti hann
sér ekki síður við leik með Kristjáni)
og Gísla.
Elsku Sigurður minn, guð gefi þér
frið í nýjum heimkynnum og er ég
þess fullviss að þér h'ður vel núna.
Gísli, Kristján og Lilja, guð gefi
ykkur styrk en tíminn læknar sárin.
Mamma, ég veit að þér þótti gott að
hafa Sigurð hjá þér eftir að þú varst
orðin ein en hann á nú kannski eftir
að hta inn hjá þér.
Hvíl í friði.
Valdimar.
1
TILK YNNHMGAR
BORGARSKIPULAG REYKJAVÍKUR
BORGARTÚN 3-105 REYKJAVlK • SlMI 563 2340 • MYNDSENDIR 562 3219
Auglýsing um tillögur til breytinga á Aðalskipulagi
Reykjavíkur 1996-2016 og tillögu að breytingu á
deiliskipulagi Foldaskóla.
í samræmi viö 21. og 25. gr. skipulags- og byggingarlaga nr. 73/1997, með síðari
breytingum, eru hér með auglýstar til kynningar eftirfarandi tillögur að breytingum á
Aðalskipulagi Reykjavíkur 1996-2016 og tillaga að breytingu á deiliskipulagi
Foldaskóla, Logafold 1, í Grafarvogi.
Aðalskipulag
Grafarholt - Kirkjustétt - Kristnibraut
Tillagan gerir ráð fyrir að hluti stofnanasvæðis efst á Grafarholti, austan Kirkjustéttar,
sunnan Kristnibrautar, breytist í íbúðasvæði.
Gatnamót Vesturlandsvegar, Reynisvatnsvegar og Víkurvegar
Tillagan gerir ráð fyrir að gatnamót Vesturlandsvegar, Reynisvatnsvegar og
Víkurvegar færist um 120m til norðausturs. Breytingin leiðir af sér nokkra hliðrun á
legu umræddra gatna auk breytinga á afmörkun helgunarsvæðis gatnamótanna og
aðliggjandi stofnana- og útivistarsvæða. Tengistígur er færist samhliða færslu
gatnamótanna.
Dalbraut, útivistarsvæði
Tillagan gerir ráð fyrir að um 1300 fm af útivistarsvæði til sérstakra nota, næst lóðinni
nr. 16 við Dalbraut, breytist í íbúðasvæði.
Deiliskipulag
Foldaskóli, Logafold 1
Tillagan gerir m.a. ráð fyrir að byggingararreitur vestan við skólann, þar sem gert var
ráð fyrir að reist yrði 1100 fm íþróttahús, falli niður en í stað þess verði heimilt að
byggja við skólann til suðurs og vesturs. Tillagan gerir ráð fyrir að nýbyggingin verði
1 hæð, allt að 1300 fm. Þak nýbyggingarinnar verður í svipaðri hæð og 1. hæð
núverandi bygginga og nýtt sem hluti skólalóðar (þ.e. leiksvæði). Bílastæðum er
fjölgað um 20 og gert er ráð fyrir byggingarreit fyrir færanlegar kennslustofur.
Tillögurnar verða til sýnis í sal Borgarskipulags og Byggingarfulltrúa í Borgartúni 3,1.
hæð, virka daga kl. 10.00 - 16.00 frá 8. desember til 5. janúar 2001.
Ábendingum og athugasemdum skal skila skriflega til Borgarskipulags Reykjavíkur
fyrir 20. janúar 2001.
Þeir sem eigi gera athugasemdir innan tilskilins frests, teljast samþykkja tillögurnar.
Reykjavík, 8. desember 2000.
Borgarskipulag Reykjavíkur.
TILBOÐ/ÚTBOÐ
Skipulagsstofnun
Efnisnám í Hlíðarhorni
við Máná á Tjörnesi
fyrir brimvarnargarð
við Húsavíkurhöfn
Mat á umhverfisáhrifum —
athugun Skipulagsstofnunar
Tillaga að ofangreindri framkvæmd og skýrsla
um mat á umhverfisáhrifum hennar liggur
frammi til kynningarfrá 8. desember 2000
til 19. janúar 2001 á eftirtöldum stöðum: Á
skrifstofu Tjörneshrepps og á bókasafni Suður-
Þingeyinga á Húsavík. Einnig liggur skýrslan
frammi í Þjóðarbókhlöðunni og hjá Skipulags-
stofnun í Reykjavík. Matsskýrslan eraðgengi-
leg á heimasíðu Siglingastofnunar:
http://www.sigling.is .
Allir hafa rétt til að kynna sér framkvæmdina
og leggja fram athugasemdir. Athugasemdir
skulu vera skriflegar og berast eigi síðar en
19. janúar 2001 til Skipulagsstofnunar, Lauga-
vegi 166,150 Reykjavík. Þarfást ennfremur nán-
ari upplýsingar um mat á umhverfisáhrifum.
Birt samkvæmt lögum um mat á umhverfisáhrifum, nr. 106/2000.
Skipulagsstofnun.
Stjörnuspá á Netinu
mbl.is