Skírnir - 01.01.1911, Síða 90

90
Frá útlöndum.
En áður hafa Repúblikanar haft þar meiri hluta nú lengi, og ríkis-
forsetinn er úr þeirra flokki. í Senatinu eða öldungaráðinu, efri
málstofu þingsins, hafa Repúblikanar enn nokkurn meiri hluta, en
mistu þar þó einnig nokkur sæti nú.
Kosningar til fulltrúadeildar sambandsþingsins fara fram annað-
hvort ár, og er kosið í kjördæmum, sem skift er niður eftir fólks-
fjölda. En til Senatsins kjósa þing hinna einstöku 46 sambands-
ríkja, 2 menn hvert, og er annaðhvert ár kosinn einn þriðjungur
Senatsins. Bæði þessar kosningar, til sambandsþingsins, og eins
kosningar til löggjafarþinga hinna einstöku ríkja, og svo til ríkis-
stjóraembættanna þar, fara fram að haustinu.
I fulltrúadeild sambandsþingsins höfðu Repúblikanar áður um
220 atkv. og Demókratar um 170. Nú hafa Demókratar þar 227
atkv., en Repúblikanar 163. Við kosningar til þinga hinna ein-
stöku ríkja unnu Demókratar að sama skapi, og þar af leiðir at-
kvæðamissi þeirra í Senatinu. Þar hafa nú Repúblikanar um 50
atkv., en Demókratar um 40. Eftir þessu að dæma eru lítil lík-
indi til, að Repúblikanar haldi forsetaembættinu við næstu kosn-
ingar, að tveim árum liðnum.
Það er innbyrðis ósamkomulag og klofningur í Repúblikana-
flokknum, sem ósigrinum veldur, og svo almenn óánægja með
verndartollastefnuna og þá verðhækkun á vörum, sem henni fylgir_
En klofningurinn í flokknum hefir orðið út úr afstöðu löggjafar-
valdsins til auðvaldsins. Þeir, sem vilja hnekkja því með löggjöfinni
og myndað hafa nýja stefnu innan flokksins, eru kallaðii »Insur-
gentar«, og hefir Roosevelt fyrv. forseti farið víða um Bandaríkin
í sumar og talað þeirra máli; hefir jafnvel verið enn hvassari í
árásunum en andófsmenn Demókratarnir.
Margir gamlir Repúblikanar hafa orðið svo reiðir þessum nýja
klofningi úr flokknum, að þeir hafa heldur viljað styðja gamla
mótstöðumenn en þá, sem honum fylgja.
Konungaskifti í Síam.
23. október í haust andaðist Chulalongkorn konungur í Síam,
.57 ára gamall, og hefir setið þar að völdura síðan 1868, verið
merkur konungur og komið landi sínu mjög í viðskiftasambönd við
Norðurálfu. Til ríkis kom eftir hann Wajirawudk sonur hans, f. 1881.
Þ. G.