Morgunblaðið - 13.03.1979, Síða 5
MORGUNBLAÐIÐ, ÞRIÐJUDAGUR 13. MARZ 1979
Lóðin nr. 12 við Aðalstræti til sölu:
Eigendunum allar
bjargir bannaðar
—segir Þorkell Valdimarsson
Eigendur lóðarinnar að Aðal-
stræti 12 hafa nú auglýst hana til
sölu, og er óskað eftir tilboðum í
lóðina, að því er Þorkeil Valdimars-
son, einn eigendanna sagði í sam-
tali við Mbl. í gær.
Að sögn Þorkels er lóðin nr. 12 við
Aðalstræti alls 266 fermetrar og
metin á 59 milljónir og 950 þúsund
kr, eða hver fermetri á 225.375
krónur. Þorkell nefndi til saman-
burðar að lóðin nr. 6 við Aðalstræti,
sem Morgunblaðshúsið stendur á, er
alls 926 fermetrar en matið 164
milljónir 939 þúsund eða 178.120 kr.
hver fermetri. A þeirri lóð hefði
hins vegar verið heimilað að byggja
7 hæða hús til tekjuöflunar en á
lóðinni nr. 12 hins vegar mætti
ekkert gera.
Þorkell upplýsti, að fasteigna-
skattar og eignaskattar af Aðal-
stræti 12 næmu nú 1 milljón 476
þúsund krónum en tekjur af þessari
lóð hefðu á hinn bóginn verið leiga á
8 bílastæðum á 6.500 kr. hvert stæði
eða samtals 624 þúsund krónur.
Rekstrartap á síðasta ári hefði því
numið 852 þúsundum króna.
þorkell nefndi einnig sem dæmi
matið á Fjalakettinum nr. 8 við
Aðalstræti. Lóðin væri þar alls 696
fermetrar og matið 131 milljón
króna eða 188.218 kr. hver fermetri.
Brunabótamat húsins er hins vegar
119 milljónir, þannig að heildarverð-
mæti þessarar eignar er þannig um
250 milljónir króna.
Fasteignaskattar af Fjalakettin-
um námu kr. 2.271.000, eignaskattar
1.766.454 kr. og 1,4% eignaskatts-
auki kr. 2.040.000 þannig að alls
námu opinber gjöld af eigninni
6.077.454 kr. en hins vegar kvað
Þorkell Valdimarsson tekjur af
þessari sömu eign hafa numið
3.476.000 og þess vegna væri
rekstrartapið af eigninni 2.601.454
krónur.
Að sögn Þorkels sótti hann um
leyfi til borgaryfirvalda um að fá að
rífa Fjalaköttinn en fékk synjun
fyrr í þessum mánuði og kom þar
fram að verið væri að vinna að
skipulagi þessa svæðiðs af hálfu
Þróunarstofnunar, en Þorkell
kvaðst ekki vita annað en stofnunin
væri forstöðumannslaus þessa
stundina og allt málið svifi í lausu
lofti af þeim sökum. Raunar kvaðst
Þorkell vilja fullyrða, að skipulags-
mál gamla miðbæjarins eða „kvos-
arinnar" hefðu verið meira og
minna í deiglunni síðustu hálfa
öldina og lagði hann fram bréf frá
því 23. febrúar 1944 þar sem Silli &
Valdi óska eftir því að skipulagi
Aðalstrætis verði hraðað, þar sem
þeir hyggi þar á byggingu stórhýsis,
sem aldrei varð þó úr vegna þess að
skipulag lá ekki fyrir. Nú undanfar-
in 6 ár hefði síðan Þróunarstofnunin
haft Kvosina og Grjótaþorpið til
meðferðar en ekkert miðaði.
Þorkell Valdimarsson gat þess
ennfremur varðandi Fjalaköttinn,
að hann hefði í júní í fyrra skrifað
slökkviliðsstjóranum í Reykjavík
bréf og óskað umsagnar hans um
brunahættu af völdum þessa gamla
húss ef ráðist yrði í að stórauka
starfssemina í því húsi, eins og
umræður voru uppi um, með tilliti
til nálægðarinnar við Morgunblaðs-
húsið. Slökkviliðsstjóri hefði vitnað
í skýrslu frá því um 1970 um
sambrunahættu húsanna nr. 6,8 og
10 við Aðalstræti en síðan kom fram
í umsögn slökkviliðsstjóra að hann
teldi ekki koma til greina að auka
starfssemina innan veggja hússins,
þrátt fyrir ailar endurbætur, í þeim
mæli sem þá voru til umræðu, m.a.
að breyta Fjalakettinum í æskulýðs-
höll.
Þorkell minnti í þessum sambandi
á, að hann hefði boðið þessa eign til
JWartJimblotdö
sölu í fyrra og óskað eftir tilboðum.
Nokkrir aðilar hefðu þá sýnt áhuga
á eigninni, en síðan fallið frá áform-
um í þessa veru þegar þeir höfðu
kynnt sér möguleikana á því að fá
byggingarleyfi á lóðinni. Þorkell
sagði því að niðurstaðan yrði alltaf
hin sama, eignin gæti ekki talizt
ráðstöfunarfær, þar sem eigendum
væru allar bjargir bannaðar og þeim
í reynd gert ókleift að selja þessar
eignir sínar á sama tíma og þeir
yrðu að greiða hæstu skatta og
skyldur af þessum eignum, sem
þekktust í Reykjavík, jafn óarðbær-
ar og þær væru.
Ekki bara okkar stolt. .
heldur líka þitt.
‘ Þegar þú býður gestum þínum í Þingholt.
Leitaðu upplýsinga hjá okkur, nœst þegar þú þarft á
húsnœði að halda fyrir brúðkaup, fermingu,
árshátíð eða hverskonar mannfagnað. Síminn er 2 10 50.
BERGSTAÐASTRÆTI 37
SlMI 21011
%
x
2
c>
og húsið er á grunninum!
. .. en kostir einingarhúsa frá
BYGGINGARIÐJUNNI HF eru fleiri:
Fleiri stæröir og geröir
grunnmynda
fygirliggjandi.
1) ÚTLIT
húsanna er stílhreinna og íburð-
armeira heldur en almennt gerist
hér á landi.
2) BYGGINGARTÍMI
styttist þar sem hægt er að vinna
við húsgrunninn samtímis því sem
einingarnar eru framleiddar og
síðan er húsið reist á 1—2 dögum.
3) BYGGINGARKOSTNAÐUR
lækkar ótvírætt samkvæmt feng-
inni reynslu af einingarhúsum.
Aflað verður hagstæðra tilboða í
sem flesta verkþætti og efnisliöi
(gler, glugga, ofna o.fl.) og kaup-
endum gefinn kostur á að ganga
inn í tilboðin
4) ÚTVEGGIR
eru steyptir í einingum í stálmótum
með sléttri eða mynstraðri áferð.
Þeir eru með innsteyptri 3"
einangrun og grófpússaðir undir
málningu að innanverðu. Þá eru
gluggakarmatr innsteyptir. Gerð
útveggja tryggir að steypusprung-
ur myndast ekki, enda hefur 10 ára
reynsla hér á landi sýnt, að út-
veggir af þessari gerð standast vel
íslenskt veðurfar.
5) ÞAKPLÖTUR
eru úr steinsteyptum einirtgum
sem hindrar að eldur geti komist i
þak og eru tilbúnar undir málningu
að neðanverðu
6) LAGNIR
Vatns- og hitarör úr eir svo og raf-
magnsrör eru felld inn í einangrun
útveggja. Eirrör hafa þann kost
fram yfir stálrör, að tæringarhætta
er litil sem engin.
7) FYRIRHÖFN
BYGGJANDANS
minnkar stórlega þar sem út-
veggja- og þakeiningarnar koma
tilþúnar. Það sem eftir er að lokinni
reisingu og frágangi þaks, er að-
gengileg innivinna óháð veðurfari.
8) EININGAR UR
STEINSTEYPU
er varanlegt og traust byggingar-
efni ef það er notað á réttan hátt.
Ath.:
Enn eru örfá hús til ráðstöfunar í fyrstu afgreiðslu.
Þeir lóðarhafar sem vilja komast Þar að hafi
sem fyrst samband við skrifstofuna.
Hagkvæmur byggingarmáti
— íslenskur iðnaður
BYGGINGARIÐJAN HF
BREIÐHÖFÐI 10 - 110 REYKJAVÍK
SIMI3 66 60
P.O.BOX 1223