Morgunblaðið - 23.10.1982, Blaðsíða 22

22
MORGUNBLAÐIÐ, LAUGARDAGUR 23. OKTÓBER 1982
Lentu samtímis
Tvær ('oncorde-þótur, önnur frá British Airways og hin frá Air France, lentu samtimis á Orlando-flugvéllí í
Florida í Bandaríkjunum sl. mánudag. Flugvélarnar lentu samtimis til þess aö auglýsa sýningu i Lake Buena
Vista, þar í nágrenninu.
Elizabeth Taylor:
Höfðar mál á hendur
sjónvarpstöðinni ABC
New Vork, 22. október. AF.
ELIZABETH Taylor höfðaði í gær mál á hendur bandarískri sjónvarpsstöð,
þar sem hún fór fram á það við dómstóla að þeir komi í veg fyrir upptökur á
mynd, sem sé augljóslega byggð á lífi hennar sjálfrar.
„Ferill minn er í veði... og ég er
reið,“ sagði Elizabeth Taylor, en
Tom Mackin, dagskrárgerðar-
stjóri sjónvarpsstöðvarinnar,
hafði ekkert um málið að segja.
Hann neitaði einnig að tjá sig um
það hvort sjónvarpsstöðin hefði
haft einhvern svona þátt í hyggju.
í málshöfðunarskjölum segir að
sjónvarpsstöðin ABC hafi í hyggju
að taka upp mynd, byggða á ævi
leikkonunnar, sem eigi annað
hvort að bera nafnið „Saga Eliza-
beth Taylor" eða „Liz“.
Lögfræðingar leikkonunnar
segja að ráðin hafi verið leikkona
sem greinilega líkist Elizabeth
Taylor, en í því sambandi sagði
hún sjálf: „Engri,
með að leika mig,
það.“
sem kæmi til
myndi takast
Er rétta persónan loks-
ins komin í leitirnar?
— Bandaríkjamaðurinn Charles hefur sýnt einkenni 27 persóna
haviona Itoarh. Hórída, 22. október. AF.
RÉTT EINS og blöð trjánna falla á haustin hafa hvorki fleiri né færri en 27
persónuleikar skotið upp kollinum
Charles.
Hann fannst ringlaður á þvæl-
ingi um verslunarmiðstöð í febrú-
ar síðastliðnum. Það voru sjúkra-
flutningsmenn sem tóku hann upp
í bíl sinn og töldu hann vera fatl-
aðan þar sem hann hagaði sér ein-
kennilega. Sagðist hann fyrst
heita Eric, en síðan breytti hann
nafni sínu i Charles.
Frá því í febrúar hafa átta
skýrmótaðar persónur komið fram
í Charles og margar aðrar óljós-
ari. Malcolm Graham, aðstoðar-
maður mannfræðirannsóknar-
stöðvarinnar í Daytona hefur
stjórnað rannsókninni á honum
frá upphafi.
Upphaflega voru það tvær per-
sónur sem hétu Eric. Önnur var
barn og hin kaupsýslumaður. Því
næst kom Mark upp á yfirborðið,
geðillur maður mjög. Hinn
spænskumælandi Pete kom þar á
eftir og Cye var á kafi í trúar-
dulspeki. Philip ræddi ekkert
nema lögfræðileg atriði enda voru
öll lagaleg mál hópsins í hans um-
sjá. Max var bókasafnsfræðingur
sem talaði þýsku og átti það til að
skipta um persónueinkenni er
hann sagði: „Þar féll ein bókin úr
hillunni."
Kvenpersónur skutu einnig upp
kollinum. María var húsmóðir á
miðjum aldri og ennfremur komu
hinum þrítuga Eric, sem nú er kallaður
hin kynæsandi Tina og Rakel hin
lesbíska við sögu.
Þegar Charles fannst þann 9.
febrúar var hann strákurinn Eric
á rölti að baki verslun einni. Hann
bar ekki nein persónuskilríki og
sagði lögreglunni, að stjúpfaðir
hans, sem stundaði eiturlyfja-
viðskipti, hefði skilið sig eftir um-
komulausan.
„Sú saga var svo sannfærandi
og þótti svo líkleg, að allir trúðu
henni," sagði Graham. Kvöld eitt
var Graham kallaður á mann-
fræðirannsóknarstöðina. í stað
þess að hitta þar fyrir hinn unga
Eric eins og hann bjóst við var þar
kominn maður er nefndi sig J.K.,
fullur hræsni og hinn ósamvinnu-
þýðasti.
Viku síðar „framdi J.K. sjálfs-
morð“ með því að svelgja einn bjór
og í hans stað var komin önnur
persóna, sem líður yfir um leið og
hún bragðar áfengi. Kunningi
Charles fann hann hálf-meðvit-
undarlausan í íbúð hans og lét
flytja hann á Halifax-sjúkrahúsið
í Daytona Beach.
Á gjörgæsludeildinni gaf Charl-
es loks upp raunverulegt nafn sitt
og með aðstoð bróður hans í Texas
var hægt að hafa upp á foreldrum
hans. Vondi stúpfaðirinn, sem
stundaði eiturlyfjasöluna, átti sér
enga stoð í raunveruleikanum.
Charles skýrði frá því að hann
væri kominn af miðstéttarfólki og
hefði verði fyrirliði sundliðsins og
íþróttaritstjóri skólablaðsins í
gagnfræðaskólanum, þar sem
hann stundaði nám. Hann fékk
taugaáfall á lokaári sínu í skóla er
honum mistókst að sannfæra
vinstúlku sína um að láta eyða
fóstri, að því er segir í nýjasta
hefti Time.
„Ég hef liðið vítiskvalir," segir
Charles í viðtali við tímaritið. „Eg
undrast mest, að ég skyldi ekki
missa vitglóruna." Charles býr nú
einn síns liðs. Hann er talinn fær
um að sjá um sín mál sjálfur og
KJF
Charles... eða einhver hinna 27
persóna sem í honum búa.
hefur fallist á að saga hans verði
birt.
Sálfræðingur hefur hins vegar
látið í ljósi efasemdir um að hinn
núverandi Charles sé hin eina
rétta persóna hans. Aðrar persón-
ur skjóta upp kollinum í honum
alltaf af og til.
1200 ára
biblíublað
fannst í
Dorset
London, AF.
FUNDIZT hefur blað úr biblíu
frá 8. öld í Dorset í Suður-
Englandi, sem er metin á
rösklega 100 þúsund sterl-
ingspund. Blaðið var vafið utan
um varning í húsi sem brezki
menningarverðmætasjóðurinn
festi kaup á vegna sögulegs
gildis þess. Hlutverk sjóðsins
er auk þess að festa kaup á
gömlum húsum sem hafa sögu-
legt eða menningarlegt gildi,
bjarga munum og bókum frá
glötun o.fl. Sagnfræðingurinn,
John Fuggles, ráðgjafi sjóðsins
kvaðst hafa verið að kanna
gamlan skjalabúnka, þegar
hann rakst á þetta blað. Hann
sagði að þetta væri hinn
merkasti fundur og væri án efa
eitt elzta biblíublað sem skrif-
að hefði verið á Englandi.
Fuggles sagði að blaðið væri úr
einni af þremur biblíum sem
hefðu verið skráðar í klaustr-
unum í Jarrow og Wearmouth
á árunum milli 690—716. Ein
þessara þriggja biblía er
óskemmd í Flórens, en úr hin-
um tveimur hafa aðeins 12 blöð
fundist.
Viðræður Kínverja og
Sovétmanna strönduðu
Neituðu að náða
þá hershöfðingja
— sem gerðu uppreisn er Alsír fékk sjálfstæöi
París, 22. október. AF.
ÞINGMENN jafnaðarmanna á franska þjóðþinginu snerust gegn stjórn
Francois Mitterand forseta í dag með því að greiða atkvæði gegn náðun
þeirra hershöfðingja, sem gerðu uppreisn er Alsír var veitt sjálfstæði
fyrir 20 árum. Þetta var i fyrsta sinn frá því að Mitterand var kjörinn
forseti í maí 1981, að þeir 263 þingmenn jafnaðarmanna, sem á þingi
sitja, snúast gegn frönsku ríkisstjórninni í atkvæðagreiðslu.
Þjóðþingið samþykkti hins
vegar með miklum meirihluta
frumvarp um náðun, sem var
eitt af loforðum Mitterands í
kosningabaráttunni, en felldi
eindregið samkvæmt framan-
sögðu að náða „hershöfðingja,
sem tóku til vopna gegn lýðveld-
inu“. Lægra settir foringjar í
hernum, sem þátt tóku í upp-
reisninni á sínum tíma, voru
hins vegar náðaðir nú.
Fjórir franskir hershöfðingjar
stóðu að uppreisnaraðgerðum er
Alsír var veitt sjálfstæði
skömmu eftir 1960. Þeir hlutu
ailir mismunandi langa fangels-
isdóma, en voru þó látnir lausir,
áður en þeir höfðu afplánað þá.
Tveir þeirra eru nú dánir.
Hefðu þessir hershöfðingjar
verið náðaðir, hefðu þeir — eða
ekkjur þeirra — fengið eftirlaun
nú fyrir störf í þágu lýðveldisins.
Feking, 22. okíóber. AF.
FYKSTU lotunni í fundahöldum
Kínverja og Sovétmanna um bætta
sambúð stórveldanna lauk í Peking í
gær og kom það nokkuð á óvart þar
sem reiknað var með að fundahöld
embættismanna myndu standa út
mánuðinn að minnsta kosti. Tals-
menn kínversku stjórnarinnar iétu
þó hafa eftir sér að næsta lota myndi
fara fram í Moskvu en dagsetningin
var látin liggja milli hluta. Hinn
skyndilegi endir ráðstefnunnar þyk-
ir benda til þess að árangur við-
ræðna hefði ekki verið sem skyldi.
Lmræður landanna um slökun voru
vel á veg komnar þegar Sovétmenn
sendu her sinn inn í Afganistan í
desember 1979, en þá slitnaði upp úr
þeim.
Árangur fundanna var ekki
gerður opinber, en talið er að tals-
vert hafi greint á milli. Talið er að
sovéska sendinefndin hafi lagt
ríka áherslu á að þjóðirnar kæmu
sér saman um samvinnu á sviðum
vísinda, viðskipta, tækni, mennta
og íþrótta svo eitthvað sé nefnt.
Kínverjar voru hins vegar taldir
ákveðnir að ræða ekkert um slíkt
á meðan Sovétmenn væru með
fjölmennt herlið á landamærum
landanna, í Afganistan og styddu
Víetnam með ráðum og dáð. Báðir
aðilar voru sammála um að gefa
ekki út opinberar yfirlýsingar um
viðræðurnar, sögðu aðeins að um
þreifingarviðræður hafi verið að
ræða. Búist er við samþykktum af
einhverju tagi í Moskvu.
Erlendir erindrekar lýstu and-
rúmsloftinu á fundunum þannig
að það hafi verið sérlega hlutlaust,
báðir aðilar hefðu hlustað þegj-
andi og þolinmóðir hvor á annan.
„Þetta verða langir fundir og erf-
iðir,“ var haft eftir einum þeirra.
Norðmenn ákveðn-
ir í að halda hval-
veiðum áfram
Osló, 22. október, frá Jan Krik Lauré, fréltaritara Mbl.
NORÐMENN ÁSKIIJA sér rétt til að vera andvígir samþykkt Alþjóöahval-
veiðiraðsins um algert hvalveiðibann. Þessar upplýsingar fékk Morgunblaðið
í norska sjávarútvegsráðuneytinu.
Önnur skýring á því að norska
stjórnin hefur dregið ákvörðun
sína er ennfremur sú, að hún vill
bíða þar til opinberri heimsókn
Ólafs Noregskonungs til Banda-
ríkjanna lýkur. Ef það fréttist að
Norðmenn ætluðu að halda hval-
veiðum áfram, gæti það orsakað
öflug mótmæli þar sem konungur-
inn fer um.
Enn eitt sem spilar inn í er sú
staðreynd, að kosningar til öld-
ungadeildarinnar í Bandaríkjun-
um verða í byrjun nóvember. Vilja
Norðmenn ekki að hvalveiðimálin
komist í brennidepil og geti e.t.v.
orðið baráttumál einstakra þing-
manna.
Þar með er augljóst, að Norð-
menn ætla að halda áfram hval-
veiðum. Hins vegar hefur það enn
ekki verið endanlega samþykkt í
ríkisstjórninni. Fresturinn til að
láta í ljósi andmæli gegn ákvörðun
Alþjóðahvalveiðiráðsins rennur út
þann 4. nóvember nk.
Norska stjórnin hefur beðið eins
lengi með ákvarðanatöku og hægt
er þar sem Bandaríkjamenn hafa
hótað að beita þær þjóðir, sem
ekki hætta hvalveiðum, efnahags-
þvingunum. Nokkrir þingmenn
hafa lagt til að Bandaríkjamenn
hætti við kaup á öllum fiskafurð-
um Norðmanna, haldi þeir áfram
hvalveiðum.