Morgunblaðið - 05.09.1985, Side 14

14
MORGUNBLAÐIÐ, FIMMTUDAGUR 5. SEPTEMBER 1985
Veiðitakmarkanir smábáta:
Reglugerðin fyrir
neðan allar hellur
— segir Arthur Bogason formaður
bráðabirgðastjórnar Landssambands
smábátaeigenda
„MÉR finnst reglugerð sjávarút-
vegsráðuneytisins um veiðar smá-
báta fyrir neðan allar hellur og af-
hjúpa skilningsleysi þess á því hve
veiðarnar eru háðar veðri. Þeir
hefðu eiginlega þurft að gefa sam-
hliða út reglugerð fyrir veðurguðina
svo hægt verði að róa þá daga, sem
ráðuneytið skammtar raönnum,"
sagði Arthur Bogason, formaður
bráðabirgðastjórnar Landssan-
bands smábátaeigenda, í samtali við
Morgunblaðið.
„f frétt frá ráðuneytinu um
takmörkun veiðanna segir að hún
hafi verið unnin í samráði við
smábátaeigendur. Það er ekki rétt
nema að mjög litlum hluta. Það er
rétt, að samráð var haft við okkur,
þegar ákveðið var að falla frá að-
greiningu atvinnumanna og
áhugamanna á þessum veiðum.
Það kom reyndar sjálfkrafa, því
það var ekki framkvæmanlegt.
Ennfremur var samráð um það, að
ekki skyldi veitt á sunnudögum yf-
ir sumartimann.
Það var hins vegar ekkert sam-
ráð haft við okkur um stjórn veið-
anna nú í haust. Okkur var lofað
að fylgjast með þvi, hvernig reglu-
gerðin yrði og gefnir tveir kostir,
sem í raun voru nánast alveg eins.
Þeir færðu aðeins til þrjá bann-
daga í öðrum kostinum og skipti
það ekki nokkru máli. Við komum
með tvær breytingar, sem litið
mál hefði verið að fara eftir, en
það var ekki hlustaö á okkur.
Þetta var nú allt samráðið. Það
hefði átt að leyfa færaveiðar og
leyfa veiðar á þeim tegundum,
sem eru annaðhvort vannýttar eða
ekki innan kvóta og láta svo veð-
urguðina um að halda aftur af
sókninni," sagði Arthur.
Arthur sagði að afstaða manna
gagnvart veiðum smábáta væri oft
einkennileg. Kristján Ragnarsson,
framkvæmdastjóri LlU, hefði til
dæmis lýst því yfir, að stöðva bæri
veiðar smábátanna frá og með
haustinu. Það væri mjög athygli-
vert að hann veittist á þennan
hátt að útgerðarmönnum smá-
báta. Honum væri vel kunnugt um
það, að forsenda kvótakerfis smá-
bátanna stæöist ekki og yrði ekki
stuðzt við hana lengur. Þetta væri
athyglisvert, því LlU fengi fé frá
útgerð smábátanna eins og ann-
arra útgerðaraðilja innan Lands-
sambandsins í formi útflutn-
ingsgjalda.
Þrítugur maður
í gæsluvarðhaldi:
Sveik
fé út úr
versl-
unum
MAÐUR um þrítugt hefur játað
að hafa svikið fé út úr verslunum
um nokkurt skeið með því að
kaupa dýran varning, eins og sjón-
vörp og myndbönd, gegn vægri eða
engri útborgun, og selja síðan vör-
urnar án þess að hirða um að
greiða afborganirnar. Talið er víst
að maðurinn hafi staðið einn í
þessum svikum. Hann hefur verið
úrskurðaður í gæsluvarðhald til
13. september.
ÞAÐ ER ENGIN SPURMNG,
HJÓLIN FFÁ ERNINUM
SIANDA
UPPUR
^ Reiðhjóláverslunin
Spítalastíg 8 og vió Oóinstorg símar: 14661,26888
fp? SÉRVERSIJUN
^ ÍSEXTBJAR
Frá vinstri: Goömundnr Emilsson, söngstjóri Fflhnnnónín, Dóróthea Einarsdóttir, formaónr söngsveitarinnar, Bragi Jóhannesson, Sigrnn Andréodóttir,
raddþjálfari, Vilbelmína Ólafsdóttir, undirleikari, og fjórir stjérnarmenn söngsveitarinnar.
Söngsveitin FHharmónía:
Tvö fræg kórverk á
efnisskránni í vetur
SONGSVEITIN l ílhaimoma hefur nú sitt 26. starfsár. Tvö stór verkefni eru
á efnisskró vetrarins, Stabal Mater eftir Antonin Dvorak og Te Deum eftir
Anton Bruckner.
Að sögn Guðmundar Emiisson-
ar söngstjóra Fílharmóníu er
Stabat Mater stærsta verkefni
sem kórinn hefur ráðist í í mörg
ár. Verkið verður flutt með sin-
fóniuhljómsveitinni i aprii og taka
fjórir einsöngvarar þátt í flutn-
ingnum: Sylvia McNer, bandarísk
söngkona sem meðal annars hefur
unnið sér það til frægðar að verða
í fyrsta sæti i Metropolitan-
keppninni bandarisku, en það er
keppni einsöngvara frá öllum ríkj-
um Bandaríkjanna. Hún syngur
sópranrödd; Sigríður Ella Magn-
úsdóttir syngur altrödd; Guðbjörn
Guðbjörnsson, ungur og efnilegur
söngvari, syngur tenór og William
Sharp bassa. Griski hljómsveitar-
stjórinn Trikolidis stjórnar flutn-
ingnum á Te Deum eftir Bruckner
og taka einnig fjórir einsöngvarar
þátt í þeim flutningi. Hverjir það
verða er þó ekki víst ennþá.
Söngsveitin Filharmónía er
áhugamannakór og eru nýir félag-
ar teknir inn árlega. Endurnýjun-
in er talsverð, því af 80 til 90 kór-
félögum sem taka þátt í starfi
söngsveitarinnar eru venjulega
milli 20 og 30 nýir. Ekki er krafist
neinnar tónlistarmenntunar af
kórfélögum og af nýliðum er að-
eins ætlast til að þeir hafi lag og
sæmilega söngrödd. „Þó inntöku-
skilyrðin séu ekki hörð gengur
okkur stundum erfiðlega að fá
nýtt fólk, sérstaklega karla,“ sagði
Guðmundur Emilsson. „Ég er ekki
frá því að fólk haldi að vinnan sem
fylgir því að vera í kór sé miklu
meiri en raun ber vitni. Við reyn-
um að halda okkur við tvær æf-
ingar á viku og aukaæfingar eru
sjaldgæfar. Ég held að flestir ættu
að hafa tima til þess aö vera með
þegar betur er að gáð því kórsöng-
ur er ekki sá þrældómur sem
margir halda og auk þess fylgir
þessu mikil andleg upplyfting."
Auk þessara tveggja stóru verka
sem söngsveitin mun flytja verður
fengist við ýmis smærri verkefni.
Til stendur að fara í æfingabúðir
að Flúðum í Árnessýslu einhvern
fyrstu daganna í október. Enn-
fremur hefur það verið venja kórs-
ins að syngja jólalög á ýmsum
stofnunum fyrir jólin og verður
henni haldið.
Efnaverksmiöjan Sjöfn:
Framleiðsla
á dömubind-
um og bleyjum
EFNAVERKSMIÐJAN Sjöfn á Ak-
ureyri hefur haflð framleiðslu á
dömubindum og bleium.
Að sögn Aðalsteins Jónssonar
forstjóra Sjafnar hófst framleiðsl-
an um miðjan júlí síðastliðinn og
er hún nú komin í fullan gang.
Framleiddar eru tvær gerðir af
bleium, dagbleiur og náttbleiur,
undir vörumerkinu „Bamba-blei-
ur“. Þá eru framleiddar tvær
stærðir af dömubindum undir
vörumerkinu „Sjafnarbindi". Að
sögn Aðalsteins hafa fram til
þessa verið framleidd 25 tonn af
þessum vörum og sagði hann að
sala á þeim hefði gengið mjög vel,
enda væri verð á þeim 25—30%
lægra en á sambærilegum inn-
fluttum vörum. Sagöi hann að
framleiðslugeta vélanna væri þeg-
ar fullnýtt, en ekki yrði tekin
ákvörðun um hvort tækjakostur
verður aukinn fyrr en reynsla er
komin á hvernig markaðshlutdeild
framleiðslunnar verður. Vélarnar
afkasta um 300 bleium eða bind-
um á minútu og eru bindin og blei-
urnar framleiddar til skiptis,
þrjár vikur i senn.
Vélarnar sem notaðar eru við
framleiðsluna voru keyptar frá
Svíþjóð og kostuðu um 6 milljónir
króna. Fimm manns vinna við
þær. Að sögn Aðalsteins kemur til
greina, ef vel gengur, að auka fjöl-
breytni framleiðslunnar, en engar
ákvarðanir hafa verið teknar í því
efni.