Morgunblaðið - 05.09.1985, Qupperneq 47

MORGUNBLAÐIÐ, FIMMTUDAGUR 5. SEPTEMBER 1985
47
Gömlu góðu
tímarnir
rifjaðir upp
Hreggviður, Kristján og Benedikt
meðal keppenda. Upphaflega áttu
tíu efstu að fara í úrslit en var
breytt að beiðni íslendinga þannig
að allir þeir sem næðu 20 stigum
eða meira færu í úrslit þar sem
keppt var í frjálsum hlýðniæfing-
um (KUR). Þetta breytti því að
Benedikt komst í úrslitin en hann
varð 11. Kristján náði einnig í úr-
slitin en tók ekki þátt í þeim þar
sem hann hafði ekki búið sig undir
þátttöku í frjálsum æfingum sem
eru nokkuð frábrugðnar B-hlýðni-
keppninni. Benedikt varð í 10. sæti,
Kristján því í 11. sæti, Hreggviður
í 30. sæti og Sigurbjörn dæmdur úr
leik þar sem hestur hans Neisti
stökk út af vellinum.
Á föstudag byrjaði keppnin fyrir
alvöru og byrjað á fimmgangi sem
verið hefur sérgrein íslendinga.
Miklar tröllasögur höfðu borist af
getu nokkurra hesta erlendis frá
og þar á meðal voru Prati frá
Hlöðutúni, sem Walter Feldmann
sat, og Fjölnir frá Kvíabekk, sem
Johannes Hoyos var með. Þessir
hestar höfðu náð mjög góðum
tímum í skeiði fyrr um sumarið
auk þess sem vitað var að þetta
væru geysisterkir hestar í fimm-
gangi. Einnig var vitað um fleiri
góða hesta sem gætu sett strik í
reikninginn svo að ekki var búist
við miklu af okkar mönnum og
hestum. Eftir forkeppnina voru
þeir Sigurbjörn á Neista í 6. sæti,
Aðalsteinn og Rúbín i 20. sæti,
Eiríkur og Hildingur í 22. sæti en
þess má geta að stökksýningin
mistókst og fengu þeir enga ein-
kunn fyrir stökkið. Að öðru leyti
tókst sýningin hjá þeim vel. En
það sem gladdi landann mest var
frammistaða Benedikts og Styrmis
en þeir voru í fyrsta sæti ásamt
Johannes Hoyos á Fjölni. Var út-
færsla Benedikts á sýningunni
hreint frábær og greinilegt var að
Styrmir hafði bætt sig stórlega
frá því í úrtökunni hér heima.
Stóðu íslendingarnir með öndina
í hálsinum meðan Benedikt var í
hringnum og þegar einkunnir voru
lesnar upp brutust út mikil fagn-
aðarlæti. Islendingar höfðu fengið
sjálfstraustið á nýjan leik. Aðal-
steinn og Sigurbjörn fóru í úrslit
um 6.-10. sætið og héldu þeir sínum
sætum þar, en þegar að úrslitum
um 1.-5. sætið kom myndaðist
sama spenna og jafnvel enn magn-
aðri en þegar Benedikt var í dóm
forkeppninnar. Þegar öll atriði
höfðu verið dæmd í úrslitunum
voru tveir keppendur kallaðir inn
á völlinn þeir Hoyos á Fjölni og
Leif Arne Ellingseter, Noregi, á
hestinum Andvara sem sagður er
frá Nautheu á íslandi hver sem
það er nú. Rifjuðust þá upp úrslitin
í fimmgangi í Roderath '83 þegar
Tómas Ragnarsson og Aðalsteinn
Aðalsteinsson voru látnir keppa
aukalega um 1. sætið og hvarflaði
fyrst að manni að þeir Hoyos og
Leif væru að gera hið sama og
Benedikt þar með búinn að missa
af titlinum. Þegar svo röðin var
lesin upp var fyrst nefndur Peter
Schröder á Ástu frá Austurríki,
síðan kom í fjórða sæti Hoyos á
Fjölni og þá var ljóst að Benedikt
var ennþá inni í myndinni varð-
andi EM-titilinn. Síðan kom svo
sá norski í þriðja sæti og þá voru
eftir Benedikt og Austurríkismað-
urinn Piet Hoyos, bróðir Johannes,
á Sóta frá Kirkjubæ sem varð
annar og EM-titill Benedikts þar
með kominn í höfn.
Þótt Austurríkismönnum tækist
ekki að vinna fimmganginn var
frammistaða þeirra mjög góð, þrir
í A-úrslitum og sá fjórði, Klaus
Zwins á Hrannari frá Sauðárkróki,
í 11. sæti. Walter Feldmann sem
áður var minnst á var dæmdur úr
leik er hann missti Prata út úr
hringnum eftir fyrri sprettinn í
skeiði og voru menn sammála um
ef þetta hefði ekki komið fyrir
hefði hann verið í einu af þrem
efstu sætunum eftir forkeppnina.
Er þetta ekki í fysta skiptið sem
slíkt hendir þennan mikla keppnis-
mann en Prati hefur reynst mjög
erfiður keppnishestur. Um árang-
ur okkar manna má mjög vel við
una því enginn átti von á sigri.
Hljómplötur
Sigurður Sverrisson
Jeff Beck & Co
Bestof 1967—1969
Fame/Fálkinn
Mikiö rosalega hef ég gaman
af þessari plötu. Jafnvel þótt
upptökurnar séu 16—18 ára
gamlar og sumar hverjar nánast
hreinasta hörmung. Hvað er þá
svona gaman? Tónlistin ein og
sér er stórskemmtileg, ekki síst
vegna þess að hún endurspeglar
einkar vel þær hræringar sem
voru að gerast i þungu rokki á
síðari hluta sjöunda áratugarins.
Hér er grunntónninn að þvi
þungarokki, sem við þekkjum í
dag.
Á þessum árum, þ.e. 1967—69,
var Jeff Beck ýmist búinn að
skapa sér nafn sem gítar-„virtú-
ós“ eða þá um þaö bil að gera
það. Á þessari safnplötu má
reyndar heyra strax þau ein-
kenni hans sem gítarleikara, sem
áttu eftir að fylgja honum langt
fram á áttunda áratuginn, allt
þar til hann sneri sér að bræð-
ingspælingum. Þar með varð
hann að þróa upp nýjan stíl.
Á þessu safni Beck og félaga
er að finna 14 lög og það merki-
lega við þetta allt saman er aö
Beck er aðeins skráður fyrir einu
lagi sjálfur og það er Rice Pudd-
ing, ísl. hrísgrjónavellingur, þar
sem sveinarnir í sveitinni
„djamma“ saman í nokkrar
mínútur, meira eða minna
stefnulaust. Beck á ekki einu
sinni lagið Beck’s Bolero, það er
skráð á Jimmy nokkurn Page.
Hér er að finna lög á borð við
Presley-standardana All Shook
Up og Jailhouse Rock, það síðar-
nefnda þó fremur kraftlitið, hið
fallega Love Is Blue eftir þá Popp
og Ck)ur, lag, sem kom mér feiki-
lega á óvart að finna í þessu
safni, Shapes of Things, sem
Gary Moore hefur endurvakið
svo rækilega á síðari árum, You
Shook Me, gamlan blússtandard
eftir Willie Dixon sem og Ain’t
Superstitious eftir þann sama.
Áuk Beck leikur Rod Stewart
lykilhlutverk á plötunni, hann
syngur svo til allt, en einnig eru
þarna Ron Wood (nú i Rolling
Stones) auk Nicky Hopkins, sem
lengi lék á píanó á plötum Stones
og svo trommaranna tveggja,
sem skipta hlutverki sinu á milii
sín, Mick Waller og Tony New-
man.
Þetta safn með Jeff Beck og
félögum er virkilega skemmtileg
upprifjun á liðnum timum.
Þungarokkarar nútímans ættu
að huga að henni þessari, hérna
er kveikjan að þessu öllu saman.
VW VIUUM.
MINNA MC A...
aö viö höfum skóiavörur T úrvali
Merktu við þennan lista svo þú gleymir engu
□ Skólatöskur
□ Skjalatöskur
□ Leikskólatöskur
□ Pennaveski
□ Skrifundirlegg
□ Stílabœkur
□ Reikningsbœkur
□ Glósubœkur
□ Hringbœkur
□ Laus blöö
□ Fönablöö
□ Skýrslublokkir
□ Millimetrablokkir
□ Vélritunarpappír
□ Skrifblokkir
□ Minnisblokkir
□ Klemmuspjöld
□ Plastmöppur
□ Plastumslög
□ Blekpennar
□ Kúlupennar
□ Kúlutússpennar
□ Filttússpennar
□ Glœrupennar
□ Áherslupennar
□ Reglustikur
'□ Horn
□ Skœri
□ Bókaplast
□ Trélitir
□ Tússlitir
□ Vatnslitir
□ Vaxlitir
□ Blýantar
□ Teikniblýantar
□ Fallblýantar
□ Yddarar
□ Strokleöur
Með nýjungarnar og nœg bílastœði
Síöumúla 35 — Síml 36811
Fyrir menntafólk frá fimm ára aldri
Geröu aóð kauo hjá Griffli
f