Morgunblaðið - 13.10.1985, Qupperneq 55

MORGUNBLAÐIÐ, SUNNUDAGUR13. OKTÓBER1985
55
landbúnaðarsérfræðingur í Káka-
sus þangað til að stjarna hans fór
að hækka á himni stjórnmálanna.
Gorbatsjov lét taka mynd af
Raissu við hlið sér skömmu áður
en hann var kjörinn leiðtogi
flokksins en það var mjög óvenju-
legt. Síðan hefur fjöldi mynda ver-
ið tekinn af þeim og þau eru alltaf
brosandi og virðast vel fyrir köll-
uð og leika hin fullkomnu sovézku
hjón fyrir umheiminn. Það er
löngu vitað í Moskvu að hjóna-
band þeirra gengur ekki allt of vel
og þau búa í sitthvorri íbúðinni.
En skilnaður kemur að sjálfsögðu
ekki til greina þar sem að fram-
kvæmdastjórn flokksins er
íhaldssöm og þau að gefa þjóðinni
gott fordæmi með siðsemi oggóðri
framkomu.
Það sást á ferð Gorbatsjov-
hjónanna til London að gott
hjónaband þeirra er fyrst og
fremst sett á svið fyrir vestræna
fjölmiðla. Michail . Gorbatsjov
gekk þá inn í flugvélina í Moskvu
að framanverðu og lét mynda sig í
bak og fyrir á meðan Raissa, kon-
an hans, laumaðist inn í vélina
baka til. Þau stigu saman út úr
vélinni í London og heilsuðu
Margaret Thatcher, forsætisráð-
herra, með bros á vör. Hin aðlað-
andi og vel klædda sovéska frú féll
heldur betur í „kramið" hjá vest-
rænum fréttamönnum. Þegar þau
sneru aftur til Moskvu endurtók
leikurinn sig. Þau stigu saman inn
í vélina í London en Raissa laum-
aðist út úr henni að aftan þegar til
Moskvu var komið en Michail not-
aði framdyrnar.
Raissa sýndi í London að tími
Babúskanna er liðinn. Hún var
nýmóðins klædd og talaði góða
ensku. Hún spjallaði lengi við
Thatcher eftir kvöldverð í einni
veislu og dáðist meðal annars að
eyrnalokkum forsætisráðherrans.
Járnfrúin sagði henni strax hvar
hún hafði fengið þá og bætti við að
hún gæti nefnt að hún hefði sent
hana og þá fengi hún kannski
betra verð. Raissa fór strax dag-
inn eftir í Cartier og keypti sér
svipaða eyrnalokka og Thatcher
var með fyrir 1500 pund og borg-
aði fyrir með American Express-
greiðslukorti. Síðan fór hún í
Gucci-verslun og keypti sér al-
mennilega leðurtösku.
Raissa er 52ja ára gömul, frísk-
leg og frálsleg í fasi. Hún getur vel
orðið leiðtogafrú Sovétríkjanna
fram yfir árið 2000. Michail maður
hennar er ekki nema 54 ára.
Kunningjar hennar telja að hún
muni bjóða framkvæmdastjórn
flokksins byrginn og ekki láta
koma fram við sig sem annars
flokks þjóðfélagsþegn af því að
hún er kona. Sjálfsöryggi hennar
hefur aukist mjög og það kemur
ekki lengur til greina að hún láti
bjóða sér að nota afturdyrnar á
flugvélum. Gömlu karlarnir í
Kreml og Babúskurnar þeirra
verða að hugsa ráð sitt á ný. Hún
á fátt sameiginlegt með þeim og
nýlega gerði hún grín að konu
Andrejs Gromyko, forseta lands-
ins, fyrir að hafa bara keypt sér
tvo ómerkilega en gagnlega hluti í
ósköp venjulegri verslun í New
York þegar hún var þar á ferð með
manni sínum. Raissa fer næst með
manni sínum til Parísar og Genf
og mun væntanlega þá fara sinna
eigin ferða. Hún mun líklega njóta
þess að komast í tískuhúsin í París
og í fínu búðirnar í Genf.
En hún hefur ekki bara áhuga á
búðarandi. Hún kann að nota fjöl-
miðla til að ota sínum tota og hún
reynir að auka áhrif sín í heima-
landi sínu með því að vekja at-
hygli á sér erlendis. Hún kann á
smáatriðin og passaði t.d. upp á að
hún sæist stanslaust á sjón-
varpsmyndum frá 1. maí hátíð-
arhöldunum í Moskvu í vor. Fyrir
nokkrum mánuðum hefði slíkt og
þvílíkt verið fullkomlega óhugs-
andi í Sovétríkjunum. Konur eru
annars flokks þjóðfélagsþegnar í
landinu og hafa yfirleitt sáralitla
möguleika á að hafa áhrif eða
komast til valda.
Talið er að Raissa eigi stóran
hlut í baráttu Gorbatsjovs gegn
drykkjusemi, þó sérstaklega á
vodka í Sovétríkjunum. Hún telur
sig talsmann sovéskra kvenna og
sem slík er hún mjög á móti óhóf-
legri drykkju. Hundruð þúsunda
kvenna eru barðar af eigin-
mönnum sínum þegar þeir hafa
fengið sér of mikið neðan í því.
Þeir sem berjast gegn drykkju-
skap geta verið vissir um stuðning
þessara kvenna.
Jafnréttisbarátta kvenna í Sov-
étríkjunum er á algjöru frumstigi.
Þær eru látnar vinna erfiðisvinnu
og störf sem erlendur vinnukraft-
ur vinnur oft í öðrum löndum.
Flestir götusóprar í Moskvu eru
konur. Þær sem komast til ein-
hverra valda halda þeim yfirleitt í
mjög stuttan tíma og gleymast
fljótt. Jekaterina Furtseva, sem
var menningarmálaráðherra
Kruschevs, var rægð svo hroða-
lega eftir að Kruschev var settur
af að hún framdi að lokum
sjálfsmorð. Alexandra Kollontai,
fv. sendiherra, hefur einnig horfið
af stjórnmálasviðinu og flestir
hafa alveg gleymt Valentínu Ter-
eskova, fyrsta kvengeimfara Sov-
étmanna.
Michail Gorbatsjov er ungur
maður í samanburði við gamlingj-
ana sem sitja með honum í stjórn
landsins og ekki er vitað til að
hann hafi neitt á móti jafnrétti
kynjanna. Hann er sagður vilja
stilla klukkurnar, sem hafa verið
stopp ansi lengi í Kreml, á réttan
tíma. Hann hefur góðan stuðning
af Raissu konu sinni. Hún hefur
mikil áhrif á hann þrátt fyrir að
þau búi ekki saman. En jafnrétt-
isbarátta hennar er væntanlega
bara fyrsta verkefnið sem hún
tekur sér fyrir hendur, líklegt
þykir að hún vilji komast í sögu-
bækurnar fyrir dugnað sinn en
ekki bara af því að hún er kona
leiðtoga landsins.
ab
NVTT FRA TOPS no 1.
Skinn/rúskinn.
St.30—34.
Kr. 1.380.
St.36—41.
Kr. 1.560.
Dömuskórúr
mjúkuskinni.
St: 36—41. Litir:
Blátt, rautt og
grátt.
Verðkr.
1.190.
2446 Mjúkt ekta skinn, lágir hælar (8mm).
Litir:Svart ogvínrautt.
Verö kr. 2.390.
Dömuskór úr kálf-
skinni.St.36—41.
Köflótt fóöur i öllum
litum, hægt aö
brettaniður.Litir:
Svart og brúnt.
Kr. 1.640.
Póstsendum.