Morgunblaðið - 20.11.1986, Blaðsíða 49

49
MORGUNBLAÐIÐ, FIMMTUDAGUR 20. NÓVEMBER 1986
Finnsk farandsýning- á Kjarvalsstöðum:
Þessi sýning hefur
hvergi sómt sér betur
- sagðiPekka
Nevalainen
FARANDSÝNINGIN „Finnsk nú-
tímalist" var opnuð á Kjarvalsstöð-
um sl. laugardag. Sýningin hefur
farið um öll Norðurlönd. Á henni
gefur að líta þau rúmiega áttatíu
verk sem Samband finnskra mynd-
listarmanna (Könstn&rgillet) telur
gefa bestan þverskurð af þvi nýj-
asta og markverðasta í finnskri
nútimalist. Einn þeirra tólf lista-
manna sem leggja verk til sýning-
arinnar, Pekka Nevalainen, var
viðstaddur opnunina, og af hálfu
sambandsins kom Riita Salmi, sýn-
ingarstjóri, hingað til Iands.
Blaðamaður hitti þau að máli dag-
inn fyrir opnunina. í samtali hans
við Nevalainen kom fram að hann
telur að sýningin hafi hvergi sómt
sér betur en á Kjarvalsstöðum.
„Síðasti viðkomustaður sýningar-
innar á ferð hennar um Norðurlönd
var listamiðstöð Álaborgar sem Alvar
Aalto teiknaði. Þrátt fyrir skemmti-
legan arkitektúr hans var þröngt um
um verkin og þau nutu sín ekki. Hér
er gott pláss og andrúmsloft," sagði
Nevalainen sem var upptekin við að
„mynda" eitt verka sinna og dreifði
í því skyni sandi yfir stórt svæði á
gólfrnu fyrir framan vestursal Kjar-
valsstaða. „Verk mín eru svokölluð
„installations“, því þarf ég að fara
með sýningunni á alla viðkomustaði
hennar og koma þeim sjálfur fyrir.
Hér sýni ég gömul verk, í dag vinn
ég fyrirferðarmeiri verk, úr þyngri
og harðari efnum. Það sem ég sýni
hér var unnið á tímabili er ég bjó úti
í sveit. Þessi dvöl hafði sterk áhrif á
mig og því sótti ég efniviðin í náttúr-
una og efni hennar."
Nevalainen gekk með viðmælanda
um sýningarsalinn en lýsti því yfír að
í raun hefði hann ekki mikið álit á
samsýningum af þessu tagi. „Þegar
öllu er á botninn hvolft hafa þær lítið
gildi. Hér er allt slétt og fellt, öll
verkin hafa farið í gegnum nefnd og
eru valin með því augnamiði að venju-
legur borgaralegur sýningargestur
geti fellt sig við þau,“ sagði hann og
bandaði til raðar af flennistórum olíu-
málverkum eftir eina listakvennanna.
„í finnskri list eru miklar hræringar
í dag og ungir, óhefðbundnir lista-
menn sem skapa mun áleitnari og
að mínu mati merkilegri list, eiga
ekki fulltrúa hér. En það er nú annað
mál, og auðvitað hlýtur val á svona
samsýningu alltaf að vera umdeilt."
Salmi greip inní og sagðist geta
tekið undir með Nevalainen í því að
val verka á yfirlitsýningu væri alltaf
umdeilanlegt. Á hinn bógin hefði sýn-
ingin gildi fyrir þá sem vildu fá
einhveija innsýn í finnska nútímalist.
„Við kusum að nefna sýninguna: Við-
horf - tólf einstaklinga, og teljum að
hún standi undir nafni," sagði hún.'
„Það er erfítt að sjá skýrar línur f
verkum þessara listamanna, sem eru
innbyrðis mjög ólíkir. Hér gefur að
líta málverk, grafík, skúlptúra og
umhverfísverk. Höfundamir eiga í
raun ekki annað sameiginlegt en að
vera fæddir á sjötta áratugnum, hver
þeirra lýsir því sem gerist innra með
honum, og þótt þeir sækji allir efni-
viðinn í fínnska hefð er sjónarhom
hvers þeirra einstakt. Þannig von-
umst við til þess að áhorfandinn geti
betur gert sér grein fyrir því sem
gerir fínnska nútímalist sérstaka, og
tengi um leið þessi sýnishom þeim
hræringum sem em í gangi í listinni
á alþjóðavettvangi“
Morgunblaðið/Einar Falur
Riitta Salmi (t.v.) og Pekka Nevalainen við oliumálverk Leena Luostarin-
en. Þeir listmálarar sem eiga málverk á sýningunni „Finnsk nútímalist
- Viðhorf 12 einstaklinga" eru allir konur.
REDOXON
Mundir þú eftir JH
C-vítamíninu í mongnn',
HAMBORGARHRYGGUR
aðeins kr. 490
með beini.
Frábært verð.
Opið laugardaga
kl. 07.00 - 16.00.
JHrJr1 Laugalaek 2,- sími 686511.
Afgreiðslustaðir Hraöbankans eru á eftirtöldum stöðum:
• Borgarspltalanum • Landsbankanum Breiðholti • Landsbankanum Akureyri • Landspítalanum
• Búnaðarbankanum, aðalbanka • Búnaðarbankánum við Hlemm • Búnaðarbankanum Garðabæ
• Sparisjóði Vélstjóra Samvinnubankanum Háaleitisbraut • Útvegsbankanum Hafnarfirði
• Sparisjóöi Reykjavíkur og nágrennis, Skólavörðustíg • Sparisjóði Keflavíkur
• Landsbankanum, aðalbanka.
Ekkert eyðublað
í tékkheftinu
og öll helgin
framundan
„Blessaöur vertu, - kveiktu á perunni. Faröu í næsta Hraöbanka og taktu reiðufé út af
tékkareikningnum þínum, þú getur tekiö út allt aö 10 þúsund krónum. Ekkert mál.
NOTADU SKYNSEMINA - NOTADU HRADBANKANN!
Leiðbeiningabæklingar liggja frammi hjá öllum aðildarbönkunum