Morgunblaðið - 20.11.1986, Blaðsíða 58

58
MORGUNBLAÐIÐ, FIMMTUDAGUR 20. NÓVEMBER 1986
Ný ástar-
saga eftir
Mary Stewart
^TJT ER komin ný bók eftir Mary
Stewart og nefnist hún Ast inn-
an myrkra múra. Bókaútgáfan
Iðunn gefur út. Elísa Björg
Þorsteinsdóttir þýddi.
Á bókarkápu segir: „Hin unga,
ríka og ofdekraða Christy Mansel
er í skemmtiferð í miðausturlönd-
um og notar tækifærið til þess að
heimsækja gamla sérvitra frænku
sína sem hefur sest að í fomri
höll, sem er að hruni komin, á
hásléttum Líbanon. Christy finnst
~>eins og hún sé komin í ævintýra-
heim þúsund og einnar nætur. En
ævintýraljóminn fer fljótlega
af... Maiy Stewart sleppir ekki
tökunum á lesendum sínum. Ástir
í dulúðugu umhverfi arabalanda,
eiturlyf, morð og mannrán. Úr
þessum efnivið spinnur Mary
Stewart sögu sem á eftir að njóta
sömu vinsælda hjá íslenskum
aðdáendum og fyrri bækur hennar
sem þýddar hafa verið á íslensku."
Bókarkápa er hönnuð á Auglýs-
ingastofunni Octavo. Bókin er
prentuð í Odda.
Ný saga
um Sval og
félaga
ÚT ER komin hjá Iðunni ný bók
í flokknum um Sval og félaga.
Nefnist hún í klandri hjá kúrek-
um og er eftir Jije & Franquin.
Er þetta tuttugasta og fyrsta
bókin sem þýdd er á íslensku í
þessum vinsæla bókaflokki. Blaða-
mennimir ráðagóðu Svalur og
Valur lenda hér sem fyrr í ýmsum
ævintýmm segir í fréttatilkynn-
ingu frá Iðunni.
SVALUR OG FÉLAGAR
í KLANDRi
HJA KÚREKUM
Jijt & Fmiujuiu
Bjami Fr. Karlsson þýddi. Bæk-
umar eru prentaðar í Belgíu.
Slátrun lokið hjá
Kaupfélagi Saurbæinga
Siáturhús Kaupfélags Saurbæinga að Eyrarlandi.
Hvoli, Saurbæ
NÝLEGA er lokið slátrun hjá
Kaupfélagi Saurbæinga. Slátrun
hófst upp úr miðjum september
og lauk að mestu í októberlok.
Þá hafði verið slátrað alls 11.659
fjár og er það nokkru meira en
í fyrra eða um 6,5% aukning.
Meðalþungi dilka var 14,7 kg og
var það aðeins minni meðalvigt en
í fyrra og stærsti sláturdilkurinn nú
var frá Sveinsstöðum, tæp 30 kg.
Hann var einnig sá verðmætasti, því
nú er ekki einhlítt lengur að tala
um þyngsta dilkinn, því eftir að far-
ið var að meta fjallalambið eftir
fítumagni og flokka í svokallaðan
o-flokk, þá er ekki þar með sagt,
að þyngsti dilkurinn sé sá verðmæt-
asti. Enda var það svo, að fyrir dilk,
sem var 5 kg. léttari fékkst svo til
sama verð, ef hann lenti ekki í þess-
um nýja flokki. Það þykir sem sé
ekki neitt keppikefli lengur að féð
safni utan á sig fitunni og fari svo
í þennan alræmda o-flokk, sem eng-
inn vill lengur, eða fáir, leggja sér
til munns. Það er af sem áður var,
er menn neituðu seint flotinu, ef það
var í boði — og tóku feitustu bitana
sem buðust. En heimurinn er breyti-
legur og þar með matarvenjumar
og hollustan, og það sem okkur er
sagt í dag að sé óhollt, getur verið
orðið hollara á morgun, og svo öfugt,
og við reynum að tolla í tískunni og
fylgjast með því sem fínt er og
hollt. Þetta var nú reyndar svolítill
útúrdúr, en þó í nánum tengslum
við málið. Því það dylst ekki bænd-
um, að breyttar neysluvenjur og
aukið framboð á alls konar mat verð-
ur þess valdandi, að hinar hefð-
bundnu landbúnaðargreinar eiga í
vök að verjast og þvf er settur harð-
ur framleiðslukvóti á bændur, sem
verður þess valdandi, að þeir verða
að framleiða minna en áður, og það
er erfítt fyrir stéttina að verða þann-
ig að takmarka framleiðslumögu-
leika sína og þar með tekjur og
afkomu. En þetta verður einhvem
vegfinn að leysa, og vonandi ganga
þessar raunir yfír á tiltölulega
skömmum tíma. En hitt er öllu
verra, að bændur skuli ekki fá að
vita um þesssa hluti fyrr en i lok
sláturtíðar, því ella hefðu þeir sjálf-
sagt fækkað fé sínu ennþá meir.
Og af þessum sökum verður e.t.v.
að slátra hér í einn dag í viðbót nú
á næstunni vegna kvótans. En nóg
um þetta að sinni.
Hjá Kaupfélagi Saurbæinga er
verið að stækka sláturhúsið nokkuð,
verið er að byggja nýtt hús til þess
að bæta aðstöðu við gærusöltun og
gera aðrar breytingar til þess að
koma til móts við auknar kröfur um
betri aðstöðu og frystihús slátur-
hússins, sem byggt var fyrir nokkr-
um ámm bíður nauðsynlegs
vélakosts til þess að geta farið að
gegna sínu hlutverki, sem vonandi
verður sem allra fyrst. Annars em
sláturhúsamál hér um slóðir í athug-
un, og álitamál hvemig þeim verði
best fyrir komið til þess að þjóna
sem best byggðum hér við vestan-
verðan Breiðafjörð. Bíða menn hér
um slóðir spenntir eftir því að eitt-
hvað gerist í samgöngumálum hér
hvað varðar brú yfir Gilsflörð, því
þá mundu blasa við hér ný viðhorf
í þessum málum sem öðmm í þessum
byggðarlögum og færa sveitimar
betur saman.
Nýlega urðu kaupfélagsstjóra-
skipti hjá Kaupfélagi Saurbæinga.
Margrét Jóhannsdóttir, sem hefur
gegnt starfinu undanfarin ár, hefur
nú horfíð til annarra starfa, en við
tók Guðjón Kristjánsson frá Akra-
nesi, en hann hefur undanfarin ár
starfað hjá Kaupfélagi Hvamms-
fjarðar í Búðardal. Er Guðjón boðinn
velkominn til starfa og hyggjum við
gott til um störf hans í framtíðinni.
IJH.
S
■
nú HJÓLA ALLIR í EVRÓPU
— fyrirtaks hugmynd
nú er Sinitta farin af landi brott,
en hún fékk frábærar viðtökur í
EVRÓPU um síðustu helgi. Sl.
laugardag sló aðsóknin öll met og
önnur eins stemmning hefur
hvorki sést fyrr né síðar.
f næstu viku, 27.-29. nóv.,
skemmta Hollendingarnir M.C.
Miker "Q" og D.J. Sven í EVRÓPU.
Þeir slógu í gegn í sumar með
laginu "Holiday Rap".
Hin geysivinsæla og huggulega
söngkona Hazel Dean verður í
EVRÖPU 4.-6. des. vinsælli en
nokkru sinni fyrr.
Og í kvöld verður sama Qörið og
alltaf. ívar og Stebbi verða í diskó-
tekinu með glimrandi tónlist og
risaskjárinn verður í fullum gangi.
Borgartúni 32
„Skuggar for-
tíðarinnar"
- ný ástarsaga eft-
ir Nettu Muskett
KOMIN er út hjá Hörpuútgáf-
unni á Akranesi ástarsagan
„Skuggar fortíðarinnar" eftir
ensku skáldkonuna Nettu Musk-
ett. Þetta er fimmta bókin sem
Hörpuútgáfan sendir frá sér eft-
ir þennan höfund.
Á bókarkápu segir m.a.:
„Júlía vár af fátæku fólki komin,
en þráði mannvirðingar. Hún giftist
Max Vining án þess að elska hann,
en hann gat veitt henni rétta þjóð-
félagsstöðu. Til endurgjalds þráði
hann að eignast böm. Júlía taldi
sig hafa uppfyllt þær óskir er hún
ól honum son. Samt sem áður fædd-
istþeim einnig dóttirin Maxine. Hún
er óvelkomin í heiminn og varð að
þola kulda og afskiptaleysi móður
sinnar. Hjónaband Maxine og Vict-
ors var algjörlega misheppnað. Á
brúðkaupsóttina varð hún fynr
lífsreynslu, sem gerði hana frábitna
samlífí við eiginmann sinn.“
Bókin er 168 bls. Prentuð og
bundin í Prentverki Akraness hfí
Þýðandi er Snjólaug Bragadóttir.
Þrjár bækur
fyrir yngstu
börnin
KOMNAR eru út hjá Iðunni þtjár
bækur fyrir yngstu börnin eftir
sænska listamanninn Ulf Löf-
gren, höfund bókanna um Albin.
Aðalpersóna þessara bóka er
kanínustrákurinn Lúlli.
í fréttatilkynningu frá Iðunni
segir m.a.: „Lúlli og öll dýrin segir
frá því þegar Lúlli sparkar í bolta
sem flýgur langar leiðir og alltaf
lendir hann á höfðinu á einhverju
dýri, svo Lúlli kynnist öllum dýrun-
um.
Lúlli og Bangsi prakkari segir
frá bangsanum hans Lúlla sem er
alltaf að gera einhver prakkara-
strik. En Lúlli fyrirgefur bangsa
alla hrekkina.
Lúlli og Gunna segir frá Gunnu
litlu systir sem vill fá að vera með
þegar Lúlli leikur sér. En Lúlli vill
ekki leyfa henni það því að hún er
of lítil. En Gunna fínnur upp gott
ráð og hvað gerir Lúlli þá?
Þórgunnur Skúladóttir þýddi.
Bækurnar eru prentaðar á Eng-
landi.