Morgunblaðið - 13.12.1986, Side 24

24
MORGUNBLAÐIÐ, LAUGARDAGUR 13. DESEMBER 1986
i
BMW í sjöunda himni
Nissan á nýjum slóðum:
Snarfarar
___________Bílar____________
Þórhallur Jósepsson
Hvers konar bíll er nú þessi eigin-
lega? Sportbíll? Hann fer langt með
það, ef 113 hestafla sextán ventla
vélin er valin. Pjölskyldubfll? Varla
— eða hvað? Jú, reyndar er hægt,
með örfáum handtökum, að breyta
honum í fjölskylduvagn, það má
nefnilega taka afturhlutann af og
skipta um! Þ.e.a.s. afturgluggann
og skottlokið, síðan er hægt að setja
í staðinn hús í fullri hæð — og sjá!
Skutbfll! Nú — allt eins má líka
hafa hann galopinn, ef veður leyfír,
taka afturlokið af og T-toppinn líka
og láta síðan vindinn leika um hár-
ið og langa trefilinn.
Rally-reynslan notuð
Nissan-bflar hafa lengi verið
framarlega í rally-keppnum um víða
veröld og hefur margt lærst af þeim
ævintýrum. Eitt það nytsamlegasta
fyrir venjulega bílaframleiðslu er
um flöðrunina. Vafalaust hafa
margir veitt því athygli, hve bflar
dagsins í dag hegða sér betur á
misjöfnum vegum en fyrirrennarar
þeirra frá síðasta áratug. Það er
ekki hvað síst að þakka þeirri
reynslu sem fengist hefur í keppn-
um. Nú nýta þeir hjá Nissan sína
reynslu í þessum Pulsar NX-bflum
og gerir það sitt að verkum til að
þeir búa yfir allnokkrum sportbíla-
eiginleikum.
Tvær gerðir
Pulsar NX XE eða Pulsar NX
SE. Litli eða Stóri! Að vísu er eng-
inn stærðarmunur á vögnunum, en
öðru máli gegnir um vélamar. XE
hefur litla og saklausa 70 hestafla
vél og er ósköp venjulegur sportleg-
ur bfll, snar í snúningum en svo sem
engin raketta. Þó er rafstýrð bein
innspýting og ofanáliggjandi knast-
ás og eyðslan mun vera í minna
lagi. Gíramir em fimm og drifið
að framan. Stýrið er með hjálpar-
afli og hjólið stillanlegt á hæðina.
SE er aftur á móti ekki allur þar
sem hann er séður. Það gerir 16
ventla vélin með sín 113 hestöfl,
sem gerir hann að hinum mesta
vegavargi. Þar er kominn bfll fyrir
þá sem vilja finna fjörtökin umsvifa-
laust. Markmiðið með hönnun slíks
bfls er að snarakstur sé auðveldur
og hættulaus (að þvi er varðar bflinn
sjálfan), við allar venjulegar að-
stæður.
Með þessum bílum er Nissan að
stíga skref inn í tískuheim þeirra
sem ekki hafa efni á að veita sér
hina dýrari og meiri sportbfla, en
þar hefur Nissan lengi verið í farar-
broddi með Z-bflunum, nú síðast
300 ZX. Pulsar NX hefur, að því
er virðist, alla burði til að berjast
um hylli unglinga á öllum aldri,
þeirra sem vilja nýtískulegan og
sportlegan snarfara, ólíkan öllum
öðrum bflum.
Pulsar NX er fáanlegur hér á
landi, sérpantaður, en ekki er verð-
ið ennþá ljóst.
Að Bayerische Motoren Werke
eru staðarhaldarar í sjöunda himni
um þessar mundir. Nýi bíllinn
þeirra, 7-línan svonefnda, virðist
ætla að gera lukku meðal gagnrýn-
enda sem og kaupenda. Þó er ekki
svo augljóst að um einhverja bylt-
ingu sé að ræða, breytingamar eru
fínlegar hið ytra, en þeim mun
gagngerri hið innra. Sex strokka
vélin er ný og með endurbættum
tölvubúnaði til stýringar, öryggis-
málin eru djúphugsuð niður í kjölinn
og tryggja BMW áframhaldandi
sess í forystusveitinni á þeim vett-
vangi. Loftkleyfni er endurbætt og
þess vandlega gætt að líta til allra
homa, t.d. að gleyma ekki áhrifum
hliðarvinds. Þá er í boði lengri gerð
öflugri bílsins, 735L, hann hefur
u.þ.b. 11 sm meira pláss á milli
fram- og aftursæta.
V 12
BMW 7-línan er glæsivagn fyrir
þá sem ekki eru á flæðiskeri stadd-
ir fjárhagslega og keppir um
markað við dýrari Bensana og
Jagúarinn. Vélaraflið er við hæfí,
minni vélin í 730i er 175 hestöfl,
sú stærri í 735i og 735ÍL er heil
220 hestöfl. Stærri maskínan lætur
sig ekki muna um að vippa bflnum
upp í hundraðið á 7,9 sekúndum
og hámarkshraðinn er 233 km/klst!
Þetta þykir þó ekki nægja og til
að seðja orkuhungur kröfuharðra
kaupendanna er ný vél í burðarliðn-
um: VI2! Hún mun verða nálægt 5
lítrum að rúmtaki og skila 272
hestöflum. Ekki var farin einfald-
asta og ódýrasta leiðin við hönnun
þeirrar vélar. Bannað var að sam-
eina tvær sexur, þetta átti að vera
algjörlega ný vél frá grunni og sú
mun verða raunin á. Alblöndur eru
efniviðurinn og nýjasta hátækni
nýtt til hins ýtrasta við hönnun og
smíði. 750i mun bíllinn heita með
V12-vélinni og er hans að vænta á
markað síðla árs 1987.
E.t.v. verða einhveijir bflar af
7-gerðinni fluttir til íslands, hver
veit, en ekki treysti ég mér til að
giska á verð að sinni, sérstaklega
er erfitt að hugsa nægilega hátt
upp til að ná í tölur yfir 750i.! En
— hvað sem hann nú kostar, örugg-
lega mun eigandinn vera í sjöunda
himni, akandi slíku konunglegu fari!
Útlitshönnun hins nýja BMW 730/735Í fylgir nýjustu tísku meðal
evrópskra bílaframleiðenda: Línur mýkjast, framendinn stingur sér
meira niður og skottið er hækkað. Öll vindföng eru útilokuð og til
að undirstrika það, að enginn aukvisi er á ferð, eru dekkin lágveggj-
uð og breið.
Því SS-búðirnar eru sniðnar að þörfum þeirra sem
gera miklar kröfur. Jólin eru á næsta leiti og í SS-
búðunum er þér nú boðið glæsilegt úrval af
girnilegum kjötvörum með öllu tilheyrandi, úrvals
ávexti, óviðjafnanlegt sælgæti og allt sem þú
hugsanlega þarft I jólabaksturinn.

J*eir sem forðast
þjónustu ættu
ekki að versla
í SSbúðunum
fyrir þessi jól.
gott
alls
• •