Morgunblaðið - 27.11.1987, Blaðsíða 12

12
MORGUNBLAÐIÐ, FÖSTUDAGUR 27. NÓVEMBER 1987
Úr námum íslensku hljómsveitarínnar:
Fyrstu tónleikamir í Hall-
grímskirkju 5. desember
SENN hefst ný og umfangsmikil
tónleikaröð íslensku Hljómsveit-
arinnar er nefnd hefur verið
„Námur“. Tónleikaröðin fjallar
um tiltekin brot úr íslandssög-
unni, ýmist stóratburði eða
daglegt líf, söguhetjur eða al-
múgafólk. Innlend ljóðskáld,
tónskáld og myndlistarmenn,
nema þjóðararfinn líkt og málm
úr jörðu og beina sjónum að hon-
um á öld sterkra erlendra
menningaráhrifa. Listaverkum
þeirra er ætlað að túlka óblíða
náttúru landsins, og glímu
mannsins við hana og sjálfan sig.
Um fyrstu tónleikana
Fyrstu tónleikamir úr „Námum"
íslensku Hljómsveitarinnar verða
haldnir í Hallgrímskirkju laugar-
daginn 5. desember og hefjast kl.
16.00 síðdegis. Þá frumflytur
Krisiján Jóhannsson, óperusöngv-
ari, og íslenska Hljómsveitin, undir
stjóm Guðmundar Emilssonar, tón-
verk eftir Þorkel Sigurbjömsson,
tónskáld, við frumort ljóð Sigurðar
Pálssonar, skálds. Verk Sigurðar
og Þorkels em gagngert samin fyr-
ir Kristján Jóhannsson að frum-
kvæði hljómsveitarinnar.
Ennfremur verður frumsýnt nýtt
myndverk eftir Gunnar Öm Gunn-
arsson, myndlistarmann. Listaverk-
in þijú fjalla hvert á sinn hátt um
landnámstímabil íslandssögunnar.
Vinna að gerð þeirra hófst í vor.
Forsala aðgöngumiða á tónleik-
ana er hafín, og njóta fyrrum
áskrifendur og ýmsir aðrir tónlistar-
unnendur forkaupsréttar að þeim
til 2. desember nk. og miðast for-
kaupsrétturinn við heimsenda
gíróseðla. Fimmtudaginn 3. desem-
ber hefst almenn sala aðgöngumiða
kl. 9.00 árdegis við verslunina Hag-
kaup í Kringlunni, og verða miðar
seldir þar til hádegis laugardaginn
5. desember. Miðasölu verður fram
haldið í anddyri Hallgrfmskirkju frá
kl. 13.00 þann dag fram að tónleik-
um kl. 16.00.
Ljóð Sigurðar Pálssonar
Ljóð Sigurðar Pálssonar nefnist
Landnámsljóð og lýsir uppruna
landnemans, siglingu hans yfír haf-
ið, landtöku og lífsbaráttu í nýju
og harðbýlu landi. Sigurður Pálsson
er þjóðkunnur þótt ungur sé og
hefur skipað sér á bekk meðal
fremstu skálda sinnar kynslóðar.
Hér kveður jafnt við angurværan
tón og eftirvæntingarfullan í ljóði
sem gagngert er ort til söngs.
Skáldið sjálft flytur ljóð sitt á tón-
leikunum.
Áskell Másson
Þorkell Sigurbjörnsson
Tónverk Þorkels
Sigurbj örnssonar
Tónverk Þorkels Sigurbjömsson-
ar er samið fyrir tenórsöngvara og
kammerhljómsveit skipaða sex
blásturshljóðfærum, slaghljóðfær-
um og strengjum, og er verkið í
einum þætti. Tónmálið er í anda
ljóðsins, bæði litríkt og skýrt, og
fylgir framvindu þess og frásögn,
auk stuttra milliþátta, er ýmist
leggja út af hughrifum frásagnar-
innar eða lýsa fram á veg. Þorkell
er eitt mikilvirkasta tónskáld þjóð-
arinnar og hefur samið margvísleg
verk, ekki síst söngverk, sem njóta
hylli alþjóðar.
Kristján Jóhannsson
óperusöngvari
Ljóð Sigurðar Pálssonar og tón-
verk Þorkels Sigurbjömssonar voru
Laufey Sigurðardóttir
Sigurður Pálsson
Hilmar Þórðarson
Kristján Jóhannsson
Gunnar Órn Gunnarsson Guðmundur Emilsson
gagngert samin fyrir Kristján Jó-
hannsson, ópemsöngvara, sem
frumflytur tónverkið ásamt ís-
lensku Hljómsveitinni á tónleikun-
um í Hallgrímskirkju. Söngur
Kristjáns hefur ávallt vakið aðdáun
og eftirvæntingu og ekki. síst nú
þegar hann á merkum tímamótum
á söngferli sínum glímir við þessar
íslensku nýsmíðar. Landnámsljóð
er fyrsta tónverkið sem sérstaklega
er samið með rödd Kristjáns í huga.
Kristján hefur boðað að hann muni
syngja endurgjaldslaust á tónleik-
unum til styrktar málstað íslensku
Hljómsveitarinnar.
Málverk Gunnars
Arnar Gunnarssonar
Málverk Gunnars Amar Gunn-
arssonar verður afhjúpað á undan
flutningi tónverksins. Myndin ber
hið sérstæða heiti „Sjáðu jökulinn
maður" og lýsir óttablandinni hrifn-
ingu landnemans er hann stígur úr
flæðarmál á fjörukamb og við hon-
um og föruneyti blasir landið
ósnortið. Myndmálið er fomeskju-
legt og táknrænt í senn og litir
bjartir. Gunnar Öm á að baki glæst-
an myndferil og hafa verk hans
hvarvetna hlotið bestu dóma, nú
síðast í Japan á kynningardögum
Norrænna lista.
••
Onnur tónverk á efnis-
skrá tónleikanna
Tvö tónverk að auki prýða tón-
leikana. Fmmfluttur verður Kon-
sert fyrir fíðlu og litla hljómsveit
eftir Hilmar Þórðarson, saminn á
ámnum 1985—87, og endurflutt
tónverkið Októ-nóvember eftir
Áskel Másson, frá árinu 1982.
Fiðlukonsertinn er fyrsta hljóm-
sveitarverk Hilmars, en hann
stundar nám í tónsmíðum við Cali-
fomia Institute of the Arts.
Frumflutnings verksins er beðið
með eftirvæntingu enda gerist
hvort tveggja í senn, að ungt tón-
skáld kveður sér hljóðs og frum-
fluttur er annar tveggja fíðlukon-
serta íslenskra tónbókmennta.
Áskell Másson hefur að undanfömu
tekið hvert stórskrefíð á fætur öðm
á starfsbraut sinni, og er skemmst
að minnast frumflutnings á píanó-
konsert eftir hann. Tónverk
Hilmars og Áskels em bæði samin
að tilhlutan Islensku Hljómsveitar-
innar.
Ljósmyndir Guðmund-
ar Kr. Jóhannessonar
Guðmundi Kr. Jóhannessyni,
ljósmyndara, hefur verið falið að
mynda alla listamennina er koma
við sögu hinnar nýju tónleikaraðar,
og birtast fyrstu verk hans með
fréttatilkynningu þessari (að frátal-
inni myndinni af Kristjáni Jóhanns-
syni). Guðmundur hlaut fyrstu
verðlaun fyrir svarthvítar manna-
myndir (portrett) á hátíðarsýningu
í tilefni 60 ára afmælis Ljósmynd-
arafélags íslands.
(Fréttatilkynning)
Leitín að gnllskipinu
eftir Armann Kr.
VAKA-HELGAFELL hefur
gefið út bókina Leitín að gull-
skipinu eftir barnabókahöf-
unriinn Armann Kr. Einarsson
og er þetta sjötta bókin i útg-
áfuröð Vöku-Helgafells,
Ævintýraheimur Ármanns.
Leitin að gullskipinu Qallar um
þá félaga Óla og Magga sem halda
í leiðangur með gullleitarmönnum
á Skeiðarársandi í leit að hollenska
kaupfarinu Het Wapen van Amst-
erdam sem strandaði á Skeiðarár-
sandi aðfaranótt 19. september
1667 hlaðið dýrmætum farmi frá
Austur-Indíum.
Á kynngjmögnuðum sandinum
bíða ókunnir heimar og leyndar-
dómar sem Ármanni einum er
lagið að segja frá.
Bókin er endurgerð á bókinni
Óli og Maggi með gullleitarmönn-
um sem kom út árið 1966.
Prentstofa G. Benediktssonar í
Kópavogi annaðist prentvinnslu
og var bókin bundin hjá Bókfelli
hf. í Kópavo^i. Bókin er 143 blað-
síður og er skreytt myndum eftir
Halldór Pétursson, en Brian Pilk-
ington teiknaði kápumynd.
Ármann Kr. Einarsson
Jarðarvitund í
TRYGGVI Gunnar Hansen og
Sigriður Eyþórsdóttir opna sýn-
ingu í Ásmundarsal laugardag-
inn 28. nóvember kl. 14.00.
Sýninguna nefna þau Jarðarvit-
und, en Tryggvi og Sigríður hafa
undanfarin ár unnið úr efni jarð-
arinnar, m.a. skúlptúr og hús úr
torfi og grjóti.
Tryggvi og Sigríður voru með
námskeið og sýningu í Vatnsmýr-
inni í fyrrahaust sem þau nefndu
Fold. A sýningunni Jarðarvitund
sýna þau torfskúlptúr, skúlptúrljós-
myndir, olíumálverk og pastel-
myndir. Einnig nokkrar torfarki-
tektúrmyndir og rúnatrommur.
Tryggvi og Sigríður eru bæði
menntuð S Myndlista- og handíða-
skóla íslands.
Sýningin í Ásmundarsal er opin
kl. 18-22 virka daga og kl. 14-22
Asmundarsal
um helgar og stendur til 7. desem-
ber.