Morgunblaðið - 27.11.1987, Side 57

MORGUNBLAÐIÐ, FÖSTUDAGUR 27. NÓVEMBER 1987
57
ÞRÖSTUR ÞÓRHALLSSON
Égtefli mér til ánægju
Aalþjóðlega skákmótinu sem
haldið var í Keflavík í síðustu
viku, náði Þröstur Þórhallsson al-
þjóðlegum meistaratitli og er hann
yngsti íslenski skákmaðurinn sem
náð hefur þessum titli, en hann
er aðeins 18 ára.
Það er mikið teflt heima hjá
honum, systir hans, sem er 11 ára
er íslandsmeistari kvenna, 14 ára
ogyngri. Hann lærði mannganginn
af vini sínum 6 ára gamall en þeg-
ar Þröstur fór að vinna hann, vildi
sá ekki tefla lengur. Þröstur fór
ekki að tefla af fullum krafti fyrr
en um 11 ára aldur hjá Taflfélagi
Reykjavíkur. Hann segist eiga góð-
an árangur sinn einum manni að
þakka en það er Ólafur H. Ólafs-
son, sem sér um unglingastarfíð
hjá Taflfélaginu. „Það hefði enginn
af jmgri skákmönnunum orðið eins
góður skákmaður og raun ber vitni
ef hann hefði ekki komið til. Hann
heldur okkur saman og sér til þess
að við fáum að tefla á mótum hér
og erlendis," segir Þröstur. „Eftir
að maður nær fimmtán ára aldri
minnkar Taflfélagið afskipti sín
af okkur og við verðum að standa
á eigin fótum, það er erfítt í fyrstu,
en lagast fljótt."
Hvenær fór góð frammistaða þín
á mótum að koma í ljós?
„Ég varð Norðurlandameistari í
mínum aldursflokki 1982 í Noregi,
það var reyndar fyrsta mótið sem
ég keppti á erlendis. Núna er ég
Norðurlandameistari unglinga
fæddra ’66—’69, náði þeim áfanga
í Noregi nú í febrúar. Það hefur
stundum munað litlu að ég næði
áfanga að alþjóðlegum titli, ef til
vill ekki nema hálfum vinningi en
svo hef ég verið svo stressaður í
síðustu skákinni að ég misst af
áfanganum. Ég náði þeim fyrsta
loks í Gausdal í Noregi í febrúar,
þaðan fór ég beint til London og
náði öðrum áfanga á Lloyds Bank
mótinu og þeim þriðja í Keflavík
í síðustu viku. Þá er ég fyrrver-
andi unglingameistari lslands en
mótið í Keflavík var haldið á sama
tíma og Unglingameistaramótið,
svo ég gat ekki varið titilinn."
Skiptir það þig miklu máli að
vinna?
„Já það gerir það, þá fær maður
mun fleiri keppnisboð. Það getur
tekið á taugamar að ná áföngum
og þá er gott að vita hvar maður
stendur."
Samkvæmt stigatölu er Þröstur
besti íslenski skákmaðurinn á þess-
um aldri, en hver er staða hans
gagnvart jafnöldrum erlendis?
„Ég varð í 20. sæti af 60 á
Heimsmeistaramóti unglinga á
Filipseyjum og náði 7. sæti á
Evrópumeistaramóti unglinga í
Hollandi en þá voru keppendur um
50 talsins."
Hvað með önnur áhugamál en
skákina?
„Ég æfði handbolta og fótbolta
með Víkingi en varð að gefa það
upp á bátinn því keppnimar rákust
á við skákina og ég valdi hana
fremur. Astæðan er fyrst og fremst
sú að í skákinni er meiri framtíð
og meira um að vera.“
Núna stundar Þröstur nám á
félagsfræðibraut við Fjölbrauta-
skólann Ármúla, hann viðurkennir
skákin komi niður á náminu „ég
mætti alveg standa mig betur þar,“
segir hann.
En hvað er erfiðasta mótið sem
þú hefur keppt á?
„íslandsmeistaramótið í Grund-
arfírði í fyrra, þar kepptu íslensku
stórmeistaramir og mig vantaði
ekki nema hálfan vinning til að
ná áfanga að meistaratitli."
En það eftirminnilegasta?
„Mótið á Filippseyjum, aðallega
vegna þess að aðstæður voru svo
hræðilegar. Ég hef farið um 20
sinnum erlendis til að keppa og
þá sér maður ekki mikið annað en
staðinn sem maður býr á og kepp-
ir á. Það skiptir því miklu að
aðstæður séu góðar. I þessum ferð-
um sér maður ekki mikið af landinu
en það eru þó alltaf einhveijir
frídagar."
Þröstur um það leyti er hann
varð Norðurlandameistari
11—12 ára.
Hver er galdurinn við að vera góð-
ur skákmaður?
„Að hafa áhuga og æfa sig, það
hefur verið sagt að til að verða
stórmeistari þurfí 99 % vinnu og
1 % hæfileika, ég held að það þurfi
meiri hæfíleika til þó vinnan skipti
miklu máli.“
Að lokum, setur þú stefnuna á ein-
hvem sérstakan titil, einhver
sérstök mót?
„Eg steftii ekki á neinn sér-
stakan titil, ég tefli mér til ánægju.
Núna einbeiti ég mér að Evrópu-
meistaramóti unglinga sem verður
haldið í Amheim í Hollandi i des-
ember. Eftir það ætla ég að hvíla
mig.“
COSPER
— Aumingja Gísli, hann hefur ekki efni á að kaupa sér
skíði.
GERDU
VERÐ-
SAMANBURD
Valsa súkkul íkið
er aldeilis tilvalið
í baksturinn.
Það fæst
bæði Ijóst og dökkt
í 400 gramma
hagkvæmum
sparnaðarpakkningum.
Kynntu þér verðið!