Morgunblaðið - 27.11.1987, Blaðsíða 58

58
MORGUNBLAÐIÐ, FÖSTUDAGUR 27. NÓVEMBER 1987
Við erum miklu
betri á tónleikum
Viðtal við Peter Kingsbery úr Cock Robin
Bandaríska hljómsveitin Cock Robin er væntanleg til íslands á laug-
ardag, og heldur hljómsveitin tónleika hór f Reiðhöllinni f Vfðidal
á sunnudag. Cock Robln þyklr ein efnilegasta popphljómsveit sem
frá Bandarfkjunum hefur komið í seinni tfð, en hljómsveitina skipa
þau Peter Kingsbery, sem leikur á hljómborð og syngur, og Anna
LaCazlo, sem leikur einnig á hljómborð og syngur.
Peter Kingsbery semur öll
lög og texta og útsetur,
en hann stofnaði hljóm-
sveitina með Önnu. Þau hafa
fengið til liðs við sig hina og
þessa tónlistarmenn, eftir því
sem við á, og með í för þeirra
hingað verður hljómsveit sem
fylgt hefur þeim ó Evrópuför sem
lýkur með tónleikunum hér á
landi. Blaðamaður náði tali af
Peter í síma að loknum tónleikum
í Strasbourg í Frakklandi, en þar
lék hljómsveitin fyrir fullu húsi á
miðvikudagskvöld.
Hvernig hefur Evrópuferðin
gengið?
Ég get talað um hana núna,
þar sem henni er eiginlega lokið.
Það hefur gengið betur en við
þorðum að vona. Það er greini-
legt að fólk þekkir síðustu plötu
okkar og það hefur verið mjög
góð aðsókn. Fyrsta Evrópuferðin
okkar var eins og kynningarferð,
en nú er greinilegt að við erum
orðin vel kynnt af tónlist okkar.
Þið eruð þá vel búin undir
Íslandsförina.
Já, við hlökkum mikið til að
koma tilfslands. Við höfum hagað
málum þannig fyrir að við komum
til fslands einum degi fyrr en en
við hefðum eðlilega gert, til þess
að fá að litast um á landinu, enda
er okkur sagt að það sé ógleym-
anlegt. Mér hefur einnig sagt að
íslenskir áheyrendur séu mjög
góðir.
Snúum okkur að hljómsveit-
inni Cock Robin. Nú er hljóm-
sveftin nokkuð öðruvfsi en
flestar aðrar bandarfskar hljóm-
sveitir, hvað er það sem gerir
ykkur öðruvísi?
Það kemur margt til og líklega
er helsta ástæðan fyrir því sú að
við erum ekki á neinni ákveðinni
línu tónlistarlega; við leikum ekki
rokkabilly, við leikum ekki breska
rokktónlist. f tónlistinni eru áhrif
úr mínu tónlistarlega uppeldi;
það er bandarísk sveitatónlist í
henni og klassísk tóniist meðal
annars. Sjálfsagt er best að lýsa
tónlistinni sem blöndu af öllu því
sem mér þykir skemmtilegt.
Hefur þá hið klassíska tónlist-
arnám þitt áhrif þar á?
Að vissu leyti, já, og þá sér-
staklega hvað varðar útsetningar
mínar. Þær eru mjög einfaldar
og ég reyni að hafa þær stílhrein-
ar. Sá hljómur sem einkennir
Cock Robin er einfaldur í sjálfum
sér og það er vegna þess að ég
forðast allar yfirdrifnar útsetning-
ar. Það gefur líka létt yfirbragð
að raddirnar eru einfaldar en ekki
margralaga ( upptöku.
Hvernig gengur að koma
þeim hljóm til skila á tónleikum?
Það gengur vel og í raun tekst
það miklu betur á tónleikum en
á plötu. Við höfum ekki gert nema
tvær plötur fram að þessu og
okkur finnst sem við höfum kom-
ist nálægt því sem vildum ná fram
á plötunum, en ekki alveg. Það
kemur hinsvegar á tónleikum. Á
sviði má segja að hljómsveitin
sé miklu rokkaðri, tónlistin verður
harðari.
Hvað með framlag Önnu?
Hún hefur unnið með mér frá
upphafi, í gegnum þykkt og þunnt
og hún er einskonar gæðaeftirlit.
Ég skrifa allt og útset en hún
hefur lokaorðið; segir ef henni
finnst eitthvað mega betur fara.
Við eigum okkur afar ólíkan
uppruna, en samt tekst okkur að
vinna vel saman Að vísu semur
okkur ekki alltaf sem best, en
samstarfið hefur alltaf verið
skemmtileg.
Hvað með meðleikarana?
Við höfum verið mjög heppin.
Á síðustu stundu gátu þeir hljóð-
færaleikarar sem unnu með
okkur plötuna ekki farið með okk-
ur í tónleikaförina svo ég þurfti
að finna mér nýja hljóðfæraleik-
ara með stuttum fyrirvara. Við
þurftum meðal annars að aflýsa
tónleikum á Spáni vegna þess,
en það hefur allt gengið ótrúlega
vel og hljómsveitin er orðin mjög
góð eins og hún er, þó kynni
okkar hafi borið brátt að.
Nú snúast flestir textarnir um
samskipti fólks og samskipta-
örðugleika. Ertu haldinn þrá-
hyggju?
Þú mátt kalla það þráhyggju
þegar fólk og samskipti þess er
annars vegar, en það eru margir
sem misskilja textana. Til dæmis
eru margir sem halda að textinn
Just Around the Corner snúist
um ástarævintýri. Textinn er í
raun byggður á grein sem ég las
í Rolling Stone. í greininni var
sagt frá ungum meðlimi bófa-
flokks í Kaliforníu sem var skotinn
til bana; sagt frá ævi hans og
samskiptum hans við foreldra
hans. Eg er að reyna að segja frá
því hvernig hann hélt alltaf að
það væri allt betra einhverstaðar
annarsstaðar og ég reyni að sýna
sjónarmið sextán ára stráks. Lag-
ið snýst um það að vera sáttur
við það sem þú hefur í hendi þér
í stað þess að halda alltaf að það
sé allt betra hinu meginn við
fjallið.
Eru íslandstónleikarnir
síðustu tónleikar ykkar í þessari
Evrópuför?
Já og að þeim loknum verður
haldin mikil veisla.
Er þá hvíld framundan?
Ég vildi að svo væri, en ég
verð að fara að vinna að næstu
plötu sem byrjað verður að taka
upp í apríl/maí. Ég er með nokkur
lög í pokahorninu en mér finnst
sem það vanti sex til sjö lög til
viðbótar til að platan verði góð.
Ég þarf einnig að fara að leggja
grunninn að því að fá að taka upp
næstu plötu í Evrópu og mig
grunar að það verði stapp. Það
má þó segja að eftir að hafa ver-
ið í eins langri tónleikaferð og
þeirri sem nú er að Ijúka þá er
það hvfld að semja lög.
Kanntu betur við þig í Evrópu
ar tónlistin er annars vegar?
g á erfitt með að gera mig
heimakominn í Evrópu, enda tala
ég ekkert mál reiprennandi nema
ensku. Þó finnst mér sem ég sé
frjálsari í Evrópu en í Bandaríkjun-
um. í Bandaríkjunum mætum við
litlum skilningi, þar er alltaf ein-
hver sem er að segja þér hvað
þú átt að gera og hvað ekki. Hér
í Evrópu segja menn aftur á
móti, þetta er gott hjá þér, gerðu
það sem þig langar. Það er erfitt
að vera tónlistarmaður í Banda-
ríkjunum, þér er sniðinn svo
þröngur stakkur. Plötufyrirtækin
eru einnig alltaf að reyna að fá
þig til að gera hitt og þetta sem
fellur ekki að þvíu sem þú ert að
gera, eða því sem þig langar til
að gera.
Er eitthvað sérstakt sem þig
langar til að segja íslenskum
áheyrendum?
Varið ykkur, Cock Robin er á
leiðinni.
Texti: Árni Matthíasson
Dansstuölð
•rfÁrtúnl
Hljómsveitin DANSSPORIÐ ásamt
söngvurunum Örnu Þorsteins og Grétari
VEITINGAHÚS
Vagnhöfða 11, Reykjavík. Simi 685090.
Skála
fell
JOHN WILSON OG BOBBY
HARRISON SPILA
jiyJlhll
Aðgangseyrir 200 kr.
Prufu-hitamælar
+ 50 til + 1000 C
í einu tæki meö elektrón-
*ÍGASABLANGA,
* DISCOTHEOUE
Qpið í kvöld til kl. 03
ðD pioivieeR
SJÓNVÖRP
ísku verki og Digital sýn-
ingu.
SfilUlirilmcg)lUlIi, uJ)(§)irDS®®ini
VESTURGOTU 16 - SÍMAR 14630 - 21480
Félagsvist
kl. 9.00
Gömlu dansarnir
kl. 10.30
Hljomsveitin
I itflur
★ Miáasala opnar kl. 8.30
Tk Góó kvöld verðla un
A’ Stuá og stemmning á Gúttógleái
S.G.T. ____________________
Templarahöllin
Eiriksgötu 5 - Simi 20010
Staáur allra sem vilja skemmta sér án áfengis.