Morgunblaðið - 14.04.1988, Page 1
80 SIÐUR B
84. tbl. 76. árg.
FIMMTUDAGUR 14. APRÍL 1988
Prentsmiðja Morgunblaðsins
Innanrikisráðherra Alsír ræðir við flugræningjana:
Viðræður um gíslana
sýnast bera árangur
Bræður Abdallahs El-Khale-
dis, annars gíslanna sem flug-
ræningjarnir myrtu á Kýpur,
taka á móti jarðneskum leyf-
um hans í gær. Á innfelldu
myndinni sést einn flugræn-
ingjanna breiða fána yfir
glugga vélarinnar á flugvell-
inum í Algeirsborg.
Algeirsborg, Reuter.
ÚTVARP Alsír skýrði frá því um klukkan niu í gærkvðldi, að allt benti
til þess að friðsamleg lausn væri á næsta leiti í viðræðum við ræn-
ingja kúvæsku flugvélarinnar, sem kom til Algeirsborgar í fyrrinótt.
Útvarpsstöðin hafði þetta eftir heimildarmönnum, sem höfðu fylgst
náið með viðræðum El-Hadi Khediri, innanríkisráðherra Alsír, við flug-
ræningjana í gær. Var alls rætt þrisvar sinnum við menn inni í flugvél-
inni í gær, en talið er að ræningjamir séu átta og haldi þeir 32 mönnum
I gislingu. Eru nú níu dagar síðan vélinni var rænt og voru tveir far-
þega hennar myrtir á Lamaka-flugvelli á Kýpur um helgina, en 12
sleppt í fyrrakvöld áður en vélin hélt til Alsír með samþykki stjóm-
valda þar. ROdsstjóra Alsír er kunn fyrir farsæl afskipti sin af viðkvæm-
nm deilumálum í arabaheiminum.
Eftir fund sinn með ræningjunum,
sem stóð í 48 mínútur, sagði Khediri
innanríkisráðherra: „Þeir sögðu mér
að þeir myndu reyna að halda still-
ingu sinni og beita ekki ofbeldi."
Ráðherrann sagði jafnframt að ræn-
ingjamir væru staðráðnir í að láta
ekki af kröfum sínum um að 17 fé-
lagar þeirra, sem afþlána fangelsis-
dóma fyrir sprengiárás í Kuwait,
verði látnir lausir. Stjómvöld f Kuw-
ait hafa þráfaldlega neitað að verða
við kröfum ræningjanna.
Taugaspennu þótti gæta meðal
ræningjanna sfðdegis f gær í fyrsta
sinn sfðan þeir tóku vélina á sitt
vald á flugi milli Bangkok og Kuw-
ait á þriðjudaginn í síðustu viku.
Gátu menn sér þess til, að hitinn inni
f vélinni væri orðinn næsta óbærileg-
ur, enda var glampandi sólskin á
flugvellinum við Algeirsborg og loft-
hiti um 25 gráður á Celcíus. Omuð-
ust ræningjamir við bílaumferð við
flugvöllinn og mæltust stjómendur
hans til þess að menn hefðu hægt
um sig í nágrenni vélarinnar. Einn
ræningjanna stakk höfðinu út um
glugga á flugstjómarklefa vélarinnar
og breiddi fána yfir hann, líklega til
að byrgja fyrir sólu.
Gíslamir sem fengu frelsi á Lam-
aka-flugvelli á þriðjudagskvöldið
komu heim til Kuwait í gær ásamt
líkum þeirra tveggja, sem ræningj-
amir myrtu til að herða á kröfum
sínum um að fá eldsneyti á vélina
til að komast frá Kýpur. Var hópnum
innilega fagnað í Kuwait, en þar er
þeirri skoðun haldið á loft að íranir
standi að baki flugráninu og hefur
Yasser Arafat, leiðtogi PLO, einnig
lýst þeirri skoðun sinni. Lýsa gíslam-
ir nú dvöl sinni í vélinni sem martröð
en áður höfðu þær fréttir borist, að
ræningjamir hefðu sýnt föngum
sínum vinsemd.
Átta manna sendinefnd frá Kuw-
ait, undir forsæti utanríkisráðherra
landsins, Saud Mohammed al-Osa-
imi, kom til Algeirsborgar í gær og
var bifreið hennar lagt 400 metra
frá Boeing 747-þotunni. „Markmið
mitt er að leiða þetta mál til lykta.
Ég vil leyfa mér að færa Alsír-búum
þakkir fyrir það vináttubragð að
leyfa vélinni að lenda hér. Vonandi
fer þetta vel,“ sagði Osaimi við
fréttamenn við komuna til Alsír.
Sendiherra Alsír í Kuwait, El-Hasna-
oui Khaldi, sagði að stjómvöld í Alsír
hefðu sett það sem skilyrði fyrir því
að vélin fengi að lenda þar að gíslam-
ir yrðu látnir lausir. „Það er útilokað
að vélin fari frá Alsír með gíslana
innanborðs," sagði sendiherrann.
Sjá einnig fréttír af flugráninu
á bls. 28-29.
Reuter
Lundúnir:
Deilt um eftirlit með kjarnorkuvopnum í Danmörku:
Málamiðlunartillögu
Pouls Schliiters hafnað
Kaupmannahgfn, frá Nils Jörgen Bruun,
ENN hefur ekki fundist lausn á
deilu stjórnarandstæðinga og
minnihlutastjómar Pouls Schliit-
ers, forsætísráðherra Danmerk-
ur, um hvort herða beri eftirlit
með banni við kjamorkuvopnum
i Danmörku. Stjórnarandstöðu-
flokkamir hafa hafnað mála-
miðlunartillögu forsœtísráð-
herrans til lausnar deilunni.
SchlUter ræddi i gær við Svend
Auken, formann danskn Jafnað-
armannaflokksins, en þau
fundahöld reyndust árangurs-
laus. Lagt hefur verið fram
frumvarp á danska Þjóðþinginu
þar sem lagt er tíl að i hvert
skiptí sem herskip frá NATO-
ríki tílkynni komu til danskrar
hafnar fái skipstjóri þess skrif-
lega orðsendingu þar sem minnt
verði á þá stefnu að kjamorku-
vopn em bönnuð i Danmörku á
friðartímum.
Stjóm Pouls Schluters er andvíg
fréttaritara Morgunblaðsíns.
frumvarpinu og telur það ógna
vamarsamvinnu rílqa Atlantshafs-
bandalagsins. Yfírvöld í Danmörku
hafa hingað til gengið að því sem
visu að önnur NATO-ríki virði
stefnu landsins um kjamorkuvopn
á dönsku yfirráðasvæði. Banda-
ríkjamenn, Bretar og Frakkar hafa
hins vegar löngum haldið fast við
þá stefnu að játa því hvorki né
neita að kjamorkuvopn séu um
borð í skipum sínum.
Svend Auken sagði á blaða-
mannafundi í gær að ekkert nýtt
hefði komið fram á fundi hans og
Schluters. Jafnaðarmenn krefðust
þess enn að afstaða Dana til kjam-
orkuvopna yrði skýrð og skilgreind
svo nákvæmlega sem auðið væri.
Auken gaf í skyn að stjómarand-
stöðuflokkamir hefðu frekar en
hitt herst í afstöðu sinni til máls-
ins. Þannig hefði verið rætt um að
stjómvöldum yrði veittur ákveðinn
frestur til að ganga frá orðalagi
orðsendingarinnar sem senda bæri
skipstjórum herskipanna.
Deilan snýst í raun um það hvort
nefna beri orðið „kjamorkuvopn"
í orðsendingum þessum. Schluter
hefur lagt fram málamiðlunartil-
lögu þar sem gert er ráð fyrir því
að skipstjóramir verði hvattir „til
að virða dönsk lög“. Vill Schluter
á þennan hátt fylgja fordæmi Norð-
manna í þessu efni en stjómarand-
stæðingar hafa vísað því á bug.
Schlúter segir frumvarp stjóm-
arandstæðinga hafa vakið mikla
athygli í öðrum NATO-ríkjum.
Dagblaðið Politiken segir viðbrögð
við frumvarpinu hafi þegar borist
frá stjómvöldum í Bandaríkjunum,
Bretlandi og Noregi.
FVumvarpið og stefna Dana í
utanríkis- og öryggismálum verður
tekin til umræðu á þingi í dag,
fimmtudag. Poul Schluter hefur
ekki viljað útiloka að boðað verði
til þingkosninga verði frumvarpið
samþykkt.
Miðborgin tæmd
vegna gaslyktar
Mikil brennisteinslykt þjakar Parísarbúa
Lundúnum, Reuter.
ÞÚSUNDIR manna vom fiuttar
frá miðborg Lundúna i gær vegna
gruns um gasleka en mikil gaslykt
var i grennd við stærstu verslunar-
götur í miðborginni. Þetta em
viðtækustu fólksflutningar í Lund-
únum frá því I siðari heimsstyrj-
öldinni. Götur nálægt Oxford-
strætí vom mannlausar í um tvær
klukkustundir.
Talsmaður slökkviliðs í Lundúnum
sagði að tugir þúsunda hafi verið
fluttir á brott af stóru svæði í mið-
borginni í grennd við Oxford-stræti
og götur voru lokaðar allri umferð.
Tveim neðanjarðarlestarstöðvum var
einnig lokað. Olli þetta umferðaröng-
þveiti á háannatímanum í gærdag.
Umferð var leyfð á ný eftir að
verkfræðingar á vegum borgarinnar
höfðu reynt, án árangurs, að finna
upptök gaslekans, þrátt fyrir að lykt-
in af gasinu hafi ekki leynt sér.
Vatnsveitan kannaði ræsi í borginni
ef ske kynni að iðnaðarúrgangur
hefði lekið út. Lögregla taldi að bilað-
ur strætisvagn hefði getað orsakað
fnykinn, en talsmaður strætisvagna
borgarinnar sagði að málið væri í
athugun. Talsmaður slökkviliðsins
taldi litla hættu vera á íkveikju af
völdum gaslekans þar sem gasið læki
út í andrúmsloftið og dreifðist.
Parísarbúar hafa einnig orðið varir
við torkennilega lykt undanfarið og
í gær fór símakerfi borgarinnar úr
lagi þegar klígjugjamir íbúar reyndu
að ná tali af slökkviliði borgarinnar
til að kanna orsakir brennisteinsfnyks
sem lagði yfir borgina. Talið er að
ólyktin f París stafi af mengun í
Signu.
Undirrita Afg-
anistan samn-
inginn í dag
Genf, Reuter.
EDÚARD Shevardnadze, ut-
anríkisráðherra Sovétríkjanna,
og George Shultz, utanríkisráð-
herra Bandaríkjanna, vom báðir
á leið tíl Genfar í gær til þess
að undirrita samkomulagið nm
brottflutning herliðs Sovét-
manna frá Afganistan.
Pakistanar sögðu í gær að þeir
myndu taka þátt í athöfninni þegar
samningurinn um brottflutning sov-
ésks herliðs verður undirritaður í
dag og verður þetta í fyrsta sinn
sem sendinefnd þeirra og Afgana
eru í sama herbergi eftir sex ára
stöðugar samningaviðræður
Bandaríkjamanna, Sovétmanna,
Afgana og Pakistana um frið í Afg-
anistan.
Sjá Hugsanlegt fall á bls. 30.