Morgunblaðið - 12.03.1991, Blaðsíða 18

18
MORGUNBLAÐIÐ ÞRIÐJUDAGUR 12. MARZ 1991
29. landsfundur Sjálfstæðisflokksins:
Víðtæk samstaða í flest-
um málefnanefndum
Frá landsfundi Sjálfstæðisflokksins.
Á 29. landsfundi Sjálfstæðis-
flokksins voru samþykktar 19
ályktanir um hina ýmsu flokka
þjóðmála auk almennrar stjórn-
málaályktunar. Hér á eftir fara
helstu efnisatriði nokkurra þeirra.
Stefnt verði að 3-4% árlegri
kaupmáttaraukningu
Ályktun efnahags- og atvinnumál-
anefndar Sjálfstæðisflokksins var
einróma samþykkt án umræðu á
landsfundinum. Þar er lögð áhersla
á að ftjálslynd umbótastefna Sjálf-
stæðisflokksins leysi af hólmi gjald-
þrotastefnu ríkisstjórnarinnar. Taka
þurfi ríkisútgjöld föstum tökum og
beita'á öllum sviðum hans aðhalds-
semi í 'starfsmannahaldi og öðrum
kostnaði. Sjálfstæðisflokkurinn vill
að gengi íslensku krónunnar ráðist
af markaðsaðstæðum og að Seðla-
banki haldi stöðugleika með aðgerð-
um á peningamarkaði.
Lögð er áhersla á að skapa almenn
skilyrði fyrir almennan rekstur. Eng-
ir lánasjóðir starfi eftir geðþótta
valdhafa tii að reka valin fyrirtæki.
Búa þurfi íslenskum fyrirtækjum
sambærileg starfsskilyrði og evr-
ópskum fyrirtækjum, ekki síst í
skattalegu tilliti. Sjálfstæðisflokkur-
inn stefnir að því að útflutningur
aukist um 7-8% á mann á ári. Sjávar-
útvegur þurfi að haldast í fremstu
röð í alþjóðlegri samkeppni. Stefna
beri að þreföldun orkufreks iðnaðar.
Efla þurfi verslun sem útflutnings-
grein og skapa ferðaþjónustu vaxtar-
skilyrði eins og öðrum útflutnings-
greinum. Framfarir í atvinnulífinu
skapi skilyrði fyrir 3-4% árlega kaup-
máttaraukningu. Átak ve'rði gert í
sölu ríkisfyrirtækja og ríkisbanka.
Efnahagslega sterk og
sjálfstæð bændastétt
Ályktun um landbúnaðarmál var
samþykkt af yfirgnæfandi meirihluta
þeirra sem atkvæði greiddu án telj-
andi efnislegrar umræðu. Við af-
greiðslu ályktunarinnar kom aðeins
fram ein tillaga, sem á annan tug
ungra Sjálfstæðismanna greiddu at-
kvæði um, að ályktuninni í heild yrði
vísað til miðstjómar.
I ályktuninni segir að Sjálfstæðis-
flokkurinn vilji styrkja innviði land-
búnaðarins, standa vörð um sjálfs-
eignarstefnu þar sem og í öðrum
greinum og efla sjálfstæði og athafn-
afrelsi bænda. Flokkurinn vill stuðla
að gagnkvæmum skilningi mill
bænda og neytenda og telur sig eina
stjórnmálaaflið í landinu sem hafi
burði til að sætta sjónarmið mismun-
andi hagsmunaaðila. Minnt er á fyrri
stefnumörkun um að færa niður-
greiðslur af heildsölustigi og yfir í
beinar greiðslur til bænda, jafnframt
sem því hafi verið lýst yfir að land-
búnaðurinn skuli fá svigrúm til að
eflast án þess að mæta samkeppni
erlendis frá. Þá segir að stefna ríkis-
stjórnarinnar gangi þvert á markmið
Sjálfstæðisflokksins; hún hafi engar
raunhæfar ráðstafanir gert til að
bæta samkeppnisstöðu íslensks land-
búnaðar, en hafi engu að síður lagt
fram tilboð á alþjóðavettvangi um
aukinn innflutning búvara.
„Sjálfstæðisflokkurinn ítrekar
fyrri stefnumótun sína í landbúnað-
armálum. Aðild íslands að nýju
GATT-samkomulagi virðist meðal
annars krefjast þess að opinber
stuðningur vð landbúnaðinn verði
sem minnst framleiðslutengdúr, nið-
urgreiðslum á vöruverði verði hætt
en í stað þeirra komi beinar greislur
til bænda. Samhliða þessu verður að
gera kerfisbreytingar á framleiðslu
og vinnslu landbúnaðarafurða, svo
að byggja megi upp kraftmikinn og
samkeppnishæfan landbúnað. Á veg-
um Sjálfstæðisflokksins er unnið að
því að móta nýtt fyrirkomulag fyrir
sauðíjárframleiðsluna og aðra kjöt-
framleiðsiu, sem nái þessu markmið-
um, skapi bændum eðlileg afkomu-
skilyrði, stuðli að lægra vöruverði
og minni ríkisútgjöldum til landbún-
aðar,“ segir í ályktuninni.
Þá segir að þau markmið sem lögð
séu til grundvallar í tillögum sjö-
mannanefndar, séu á margan hátt í
samræmi við það sem Sjálfstæðis-
flokkurinn hafi unnið að, þær boði
áfanga á leið til frjálsará fyrirkomu-
lags í framleiðslu-, sölu og verðlags-
málum. Ljóst sé að mótun landbún-
aðarstefnunnar bíði næstu ríkis-
stjómar og Sjálfstæðisflokkurinn vilji
koma að því verki.
„Eftir átta ára langa samfellda
stjórn framsóknar- og alþýðubanda-
lagsmanna á landbúnaðarmálum rík-
ir stöðnun í sveitum landsins og staða
fjölda bænda er í sjálfheldu. Óhjá-
kvæmilegt er að breyta um stefnu
og taka málefni þessa atvinnuvegar
nýjum tökum. Sjálfstæðisflokkurinn
vill standa þannig að þeim breyting-
um að framþróun taki við af kyrr-
stöðu og skilyrði skapist að nýju fyr-
ir efnahagslega sterka og sjálfstæða
bændastétt," segir í lok ályktunar
um landbúnaðarmál.
Staðið verði við lögbundin
framlögtil
menningarstarfsemi
í umræðum um ályktun um menn-
ingarmál kom fram ágreiningur um
hvort álykta skyldi að skylduáskrift
að ríkisfjölmiðlum skuli þegar af-
numin, eins og nokkur fjöldi ungra
sjálfstæðismanna Iagði til. Inga Jóna
Þórðardóttir, framsögumaður menn-
ingarmálanefndar, lagði fram tillögu
um að þeirri tillögu yrði vísað til
miðstjórnar og menningarmála-
nefndar og var það samþykkt með
209 atkvæðum gegn 128. Síðan var
álytkunartillaga nefndarinnar sam-
þykkt með yfirgnæfandi meirihluta
atkvæða.
Þar segir á þá leið að þeir fjármun-
ir, sem varið sé til menningarmála,
séu fjárfesting í þeim verðmætum
sem séu öðru fremur forsenda sjálf-
stæðis okkar. Um leið og Sjálfstæðis-
flokkurinn leggi áherslu á að sífellt
þurfi að endurskoða framlög hins
opinbera til menningarmála krefjist
hann þess að ávallt sé staðið við lög-
bundin framlög til menningarstarf-
semi. Þá segir að augljóst sé að fram-
lag einkaaðila til menningarmála sé
ekki nægjanlegt í dag til að standa
straum af kostnaði við menningarlíf
heldur verði að koma til framlag
opinberra aðila. Hvetja beri einkaað-
ila til að auka framlag sitt til menn-
jngarmála, meðal annars með nýjum
reglum um skattaívilnanir fyrir-
tækja. Einnig beri að hvetja til þess
að einkafyrirtæki myndi sjóði sem
hafi það hlutverk að styrkja menn-
ingarstarfsemi, og dragist þá fram-
lag frá hagnaði.
Minnt er á að enn vanti í landinu
hús til tónleikahalds og óperuflutn-
ings. Höfuðáhersla er lögð á að bæta
starfsaðstöðu og kjör íslenskra lista-
manna og hlúa þannig að nýsköpun
menningarverðmæta. Líta beri á list-
menntun sem sjálfsagðan og æski-
legan hluta af menntun hvers ein-
staklings.
Þá segir að vert sé.að leggja aukna
áherslu á að gera íslenska menningu
aðgengilega þeim síaukna fjölda
ferðamanna sem leggja leið sína til
íslands og brýnt sé að alþjóðlegir
samningar til verndar listflytjendum
verði staðfestir sem fyrst.
Einkaaðilar reki Rás 2
Sjálfstæðisflokkurinn vill gæta
þess að menningarstofnanir ríkisins
verði ekki einokunaraðilar í menning-
arlífi þjóðarinnar. Stefna beri að ein-
földun og hagræðingu í rekstri þess-
ara stofnana. Þá segir að ríkið skuli
fela einkaaðilum rekstur Rásar 2 en
leggja þeim mun meiri áherslu á
menningarhlutverk Rásar 1. Fellt
verði á brott ákvæði útvarpslaga um
menningarsjóð útvarpsstöðva. Sjálf-
stæðisflokkurinn vill að ljósvakamiðl-
ar sitji við sama borð og aðrir fjöl-
miðlar í skattlagningu. Rikisstyrkir
til dagblaða og kaup ríkisins á þeim
falli niður. Sjálfstæðisflokkurinn vill
einskorða starfsemi Kvikmyndaeftir-
lits ríkisins við vernd barna og ung-
menna.
„íslensk tunga kemur við sögu á
öllum sviðum menningariífs okkar
Islendinga. Sjálfstæðismenn stefna
að því að styrkja alla viðleitni stofn-
ana og einstaklinga til að varðveita
islensku sem lifandi tungumál, sem
duga megi komandi kynslóðum til
að tjá sig bæði við uppbyggingu
menningar og athafnalífs. Sérstök
rækt verði lögð við móðurmáls-
kennslu í skólum.“
Gengisskráning miðist við
afkomu fleiri greina en
sjávarútvegs
Landsfundur samþykkti óbreytta
ályktunartillögu nefndar um iðnaðar-
mál og felldi með miklum meirihluta
atkvæða tvær breytingartillögur þar
sem lagt var til að felldar yrðu út
málsgreinar þar sem það er annars
vegar talið til mikilvægustu for-
sendna íslenskrar iðnþróunar að
gengi íslensku krónunnar sé skráð
miðað við jafnvægi í utanríkisvið-
skiptum og stöðu og afkomu fleiri
útflutnings- og samkeppnisgreina en
sjávarútvegs og hins vegar er sagt
að talsvert skorti á að íslenskur iðn-
aður búi við nægilega góð starfsskil-
yrði vegna hárra kostnaðarskatta,
mikilla sveiflna í þjóðarbúskapnum
og hás og síbreytilegs raungengis
krónunnar, sem fyrst og fremst ráð-
ist af sveiflukenndri afkomu sjávar-
útvegs og gengisskráningu sem mið-
ist við ókeypis afnot hans af fiskimið-
unum.
í ályktuninni segir einnig að búa
þurfi iðnaði góð. starfsskilyrði þar
sem þekking og hæfni hvers einstakl-
ings njóti sín sem best, honum sjálf-
um og samfélaginu til góðs. Meðal
mikilvægustu forsendna iðnþróunar
er talið að jöfnuð verði starfsskilyrði
á milli innlendra atvinnugreina; ís-
lenskur iðnaður njóti sambærilegra
starfsskilyrða og erlendir keppinaut-
ar; efnahagslegt jafnvægi þar sem
verðbólga sé í lágmarki og raun-
gengi krónunnar stöðugt; frjáls fjár-
magns- og hlutabréfamarkaður, sem
veiti iðnaði nauðsynlegan aðgang að
áhættu- og lánsfé. Skattlagning mið-
ist við afkomu en ekki framleiðslu-
kostnað eða veltu; skattlagning
hvetji fremur en letji til nýsköpunar
og fjárfestinga ; atvinnurekstri. ís-
lensk fyrirtæki, stjórnvöld og al-
menningur leggi metnað sinn í að
styðja innlenda atvinnustarfsemi
með kaupum á íslenskum iðnvarningi
og innlendri þjónustu.
Þá segir að iðnaðurinn þurfi heil-
brigt og stöðugt efnahagsumhverfi
þar sem verðbólgu sé haldið í skefjum
og athafnafrelsi og ábyrgð einstakl-
inganna haldist í hendur. Frjálslynd
og víðsýn umbótastefna Sjálfstæðis-
flokksins geti helst skapað iðnaðin-
um og öðrum atvinnurekstri þau
rekstrarskilyrði sem geri hann sam-
keppnisfæran við erlenda keppina-
uta.
„Evrópumarkaðurinn stendur ís-
lendingum næst,“ segir í iðnaðar-
málaályktuninni. „Þar sem öflugur
útflutningur og fijáis og hindrunar-
laus milliríkjaviðskipti eru undirstaða
góðra lífskjara á Islandi verður að
fylgjast vel með þeirri þróun sem nú
á sér stað innan Evrópubandalagsins
og í GATT-umræðunum. Nauðsyn-
legt er að viðskiptahagsmunum ís-
lendinga og samkeppnisaðstöðu inn-
lendra atvinnugreina verði sem best
borgið þegar Evrópubandalagsríkin
sameinast í einn markað eftir árið
1992. Mikilvægt er einnig að kanna
alla möguleika á fríverslun við önnur
markaðssvæði eins og lönd N-Amer-
íku.
Einnig er meðal annars hvatt til
frekari virkjunar fallvatna og upp-
byggingar í orkufrekum iðnaði og
til þess að hömlur á þjónustu við
erlend fiskiskip í íslenskum höfnum
og löndun erlends afla verði að fullu
afnumdar." .
Reglur um starfslok verði
sveigjanlegar
I ályktun um málefni aldraðra er
meðal annars hvatt til þess að reglui'
um starfslok verði sveigjanlegar og
taki mið af óskum hvers og eins.
Áfram verði efld heimaþjónustu bæði
heimilishjálp og heimahjúkrun. Hald-
ið verði áfram uppbyggingu hús-
næðis fyrir aldraða. Endurskoða
þurfi mennta- og launamál heilbrigð-
isstétta og annarra sem í öldrun-
arþjónustu starfa til að auðvelda að
fá fólk til starfa. Nauðsynlegt sé að
gera öldruðum kleift að búa sem
lengst í eigin húsnæði og að upp-
bygging taki mið af því að aldraðir
geti búið í sinni heimabyggð. Leið-
rétta þurfi ýmiss konar mismunun
sem nú viðgengst í lífeyris- og skatt-
amálum.
Fyrirgreiðsla við
húsbyggjendur í gegnum
bankakerfið
I ályktun um húsnæðismál, sem
samþykkt var samhljóða og án um-
ræðu, segir meðal annars að það sé
þjóðhagslega hagkvæmt að sem
flestir geti eignast þak yfir höfuðið
og það sé óbreytt stefna Sjálfstæðis-
flokksins að gera sem flestum kleift
að búa í eigin húsnæði. Hins vegar
þurfi fleiri kostir að vera fyrir hendi,
einkanlega fyrir aldraða, lágtekju-
fólk og þá sem höllum fæti standi í
lífsbaráttunni. Einnig þurfi að stuðla
að þróun eðlilegs markaðar fyrir al-
mennt leiguhúsnæði, meðal annars
með brejAingum á skattalögum.
Sjálfstæðisflokkurinn telur réttlæt-
anlegt að nota opinbera ljármuni til
að létta undir með fólki sem er að
koma undir sig fótunum í húsnæðis-
málum þótt óeðlilegt sé að menn
geti gengið að opinberri fyrirgreiðslu
vísri margoft á ævinni óháð aðstæð-
um og efnahag. Draga þurfi svo sem
auðið er úr skattheimtu á íbúðarhús-
næði og fella niður öll stimpilgjöld
af kaupsamningum, afsölum og veð-
skuldabréfum við íbúðarkaup.
Sjálfstæðisflokkurinn telur eðli-
legast að öll venjuleg lánafyrir-
greiðsla við húsbyggjendur og íbúða-
kaupendur fari fram á vegum við-
skiptabanka, sparisjóða og annarra
ijármálastofnana. Skoða þurfi sér-
staklega hvort greiðslubyrði og aðrir
skilmálar í húsbréfakerfinu séu al-
menningi viðráðanlegir. Gefa þurfi
kost á húsbréfum með sveigjanlegri
lánstíma en nú er og til greina komi
að endurskoða tryggingarskilmála
húsbréfalána á landsbyggðinni til að
greiða fyrir íbúðabyggingum þar.
Af flutningi lánastarfseminnar yfir í
bankakerfið leiði að milliganga Hús-
næðisstofnunar verði óþörf og eðli-
legast verði að leggja stofnunina nið-
ur í núverandi mynd, einnig verði
að hætta beinni niðurgreiðslu vaxta
til lántakenda en fyrirgreiðsla við
íbúðakaupendur og húsbyggjendur
verði látin renna í gegnum skatta-
kerfið. Eðlilegt sé að taka að nýju
upp húsnæðisbætur eða annan
skattaafslátt til þeirra sem kaupa eða
byggja í fyrsta sinn. Flokkurinn
mun, fái hann aðstöðu til þess eftir
kosningar, beita sér fyrir heildarend-
urskoðun laga og reglugerða um
húsnæðismál.
Aukna ábyrgð til sveitarfélaga
Sjálfstæðisflokkurinn Ieggur
áherslu á að efla sveitarfélög sem
grunneiningu íslensks stjórnkerfis.
Flokkurinn vill draga úr miðstýringu
ríkisvaldsins meðal annars með því
að dreifa valdi og ábyrgð í auknum
mæli til sveitarfélaganna. Mótmælt
er harðlega þeim auknu skattaálög-
um sem lagðar voru á sveitarfélög
með virðisaukaskatti. Uppgjöri á