Morgunblaðið - 12.03.1991, Blaðsíða 20

20
MÖRGÚNBLAÐÍÐ ÞRIÐJUDAGUR 12. MARZ 1991
29. landsfundur Sjálfstæðisflokksins:
Davíð Oddsson í ávarpi eftir að hann var kjörinn formaður Sjálfstæðisflokksins:
Ég mim gera mitt ýtrasta til
að rísa undir þessu trausti
HÉR á eftir fer ávarp Davíðs Oddssonar eftir að úrslit í formanns-
kjöri á landsfundi Sjálfstæðisflokksins lágu fyrir.
Sigp-i Davíðs Oddssonar í formannskjörinu fagnað. Hjá honum standa
Þór Whitehead prófessor, Þorvaldur Garðar Kristjánsson alþingis-
maður og Ástríður Thorarensen eiginkona Davíðs.
Ágætu flokkssystkin, kæru
landsfundarfulltrúar.
Ég er afskaplega hrærður og
þakklátur fyrir þá niðurstöðu sem
nú er orðin, og jafnframt stoltur
yfir því trausti sem mér hefur verið
sýnt. Ég mun gera mitt ýtrasta til
að rísa undir því trausti.
Ég er ekki síður þakklátur fyrir
það, að landsfundurinn gat tekið á
því úrlausnarefni sem fyrir hann
var lagt, að kjósa á milli tveggja
samheija með þeim hætti, að menn
eru lítt móðir og alls ósárir. Það
leiðir af eðli vals af því tagi sem
hér fór fram, að annar hvor fram-
bjóðandinn híýtur færri atkvæði en
hinn. í því þarf ekki að felast tap
fyrir einn eða neinn. Því eins og
ég sagði í minni ræðu í gær: Menn
voru ekki að kjósa með neinum og
ekki á móti neinum. Ef vel er á
spilunum haldið getur niðurstaðan
falið í sér sigur fyrir alla.
Ég hef fundið það glöggt á þess-
um dögum, hvern hug landsfundar-
fulltrúar bera til okkar Þorsteins,
og við getum báðir verið stoltir yfir
því. Ekki síst hef ég fundið hvern
hug menn hafa borið til Þorsteins
Pálssonar, hvort setn menn hafa
greitt honum atkvæði sitt að þessu
sinni eða ekki. Ég hef fundið glöggt,
óháð því í hvern hóp menrf hafa
skipað sér á þessum fundi, að menn
meta störf og staðfestu Þorsteins
og þau góðu verk sem hann hefur
unnið í þágu okkar allra á þeim
dijúga tíma sem hann hefur leitt
Sjálfstæðisflokkinn. Og ég veit líka
-að sjálfstæðisfólki, jafnt því sem
situr þennan fund sem öðru fólki,
er mikið í mun eins og mér, að
kraftar, þekking og þroski Þor-
steins Pálssonar fái notið sín í Sjálf-
stæðisflokki framtíðarinnar. Þeir
hæfileikar, sem hann hefur til að
bera, leiða sjálfkrafa til þess, hvað
sem þessum úrslitum líður, að hann
verður jafnan í hópi fremstu for-
ustumanna flokksins.
Ég geri mér fulla grein fyrir því
að mörg ykkar voru sett í mikinn
vanda vegna þess vals sem þurfti
að koma á þessum fundi. Þið hafið
valdið þeim vanda og þess vegna
stendur flokkurinn sterkari á eftir.
Nú snúum við bökum saman,
göngum heilir hildar til, þeirrar
kosningabaráttu sem framundan
er, í þeirri fullvissu að fátt er mikil-
vægara en að sterkur og öflugur
Sjálfstæðisflokkur verði til eftir að
þeim kosningum lýkur. Það er heill-
andi verkefni fyrir okkur öll, að
hrinda oki vinstri stjórnar af íslend-
ingum. Það er verðugt viðfangsefni
og mér segir svo hugur um, að það
verði þakklátt viðfangsefni, svo
þreytt sem þjóðin er á vanmætti
ríkisstjórnarinnar og virðingarleysi
hennar fyrir loforðum og fyrirheit-
um. Menn vilja ekki una því leng-
ur, að í þessu eina ríki á vestur-
hveli jarðar skuli vera afturför og
stöðnun meðan öllum öðrum þjóðum
miðar fram í atlæti og kjörum.
Menn geta allt eins valið sér til
verks laglausan söngvara, litblind-
an málara eða áttavilltan leiðsögu-
mann, eins og ríkisstjórn Stein-
gríms Hermannssonar til að leiða
landið.
Þessi 29. landsfundur sjálfstæð-
ismanna hefur lagt grunninn að
nýjum tökum í stjórn landsmála.
Frá þessum fundi göngum við með
það veganesti sem þarf. Við vitum
að kosningabaráttan verður snögg
og snörp. Við vitum að kosninga-
vindar geta verið harðir og við skul-
um fagna þeim vindum með sama
hugarfari og Hannes Hafstein fagn-
aði storminum þegar hann sagði
um storminn:
Þú þenur út seglin og byrðinginn ber
og birtandi andhreinn um jörðina fer,
þú loftilla dáðlausa lognmollu hrekur
og lífsanda starfandi hvarvetna vekur.
Við skulum strengja þess heit á
þessum fundi, sjálfstæðismenn, að
hrekja loftilla dáðlausa lognmollu
úr stjórnarráðinu og vekja starfandi
lífsanda hvarvetna með þjóðinni.
Takist okkur það, sem okkur tekst,
þá erum við að ganga götuna til
góðs. Þakka ykkur kærlega fyrir.
Þorsteinn Pálsson eftir formannskjör Sjálfstæðisflokksins:
Hin nýja forusta fær
betra bú en áður við
umskipti af þessu tagi
HÉR á eftir fer ávarp Þorsteins Pálssonar á landsfundi Sjálfstæð-
isflokksins, eftir að úrslit lágu fyrir í formannskjörinu.
Agætu landsfundarfulltrúar.
í upphafi vil ég óska nýkjömum
formanni til hamingju með- kjörið
og óska honum allra heilla í störf-
um.
Auðvitað væri það óhreinskilni
af mér, ef ég segði ykkur ekki hreint
út að ég hef orðið fyrir svolitlum
vonbrigðum. En nú er þessum átök-
um lokið. Til þeirra var stofnað
óvænt og kannski með svolítið sér-
stökum hætti miðað við það sem
venja hefur verið í okkar flokki.
En nú eru úrslitin fengin. Ég vil
nota þetta tækifæri til að þakka
öllum þeim sem veitt hafa mér trún-
að og traust í þessi ár sem ég hef
gegnt formannsstarfinu og öllum
þeim sem veittu mér trúnað og
traust í þessu kjöri. Afstöðu þeirra
met ég mjög mikils og geymi í
hjarta mínu.
Ég er þeirrar skoðunar að við
höfum verið að efla og styrkja Sjálf-
stæðisflokkinn. Okkur hefur auðn-
ast að sigrast á mörgum vanda,
bæði málefnalegum úrlausnum og
innanflokksvandamálum, sem við
höfum glímt við, með þeim árangri
að við höfum siglt nú að undan-
förnu beggja skaut byr að meiri-
hluta á Alþingi íslendinga. Ég er
þeirrar skoðunar að akur sjálfstæð-
isstefnunnar sé nú fijórri en nokkru
sinni fyrr, og hin nýja forusta fær
þannig betra bú en áður við um-
skipti af þessu tagi. Nú er að hlúa
að þeim akri. Hann er viðkvæmur.
Hann þarfnast umhyggju. Við þau
störf þarf sjálfstæðisstefnan og
dýpstu gildi hennar að vera leiðar-
ljós þeirra sem með forustu fara
og þá mun uppskeran verða sú sem
til hefur verið sáð.
Þorsteinn Pálsson og Ingibjörg Rafnar kona hans kjósa í formanns-
kjörinu.
Ég segi fyrir minn hlut, og von-
andi allra þeirra sem stutt hafa
mig í þessari baráttu, að við förum
frá henni ósárir og ég vona að svo
sé einnig um hina sem meirihluta
hafa hrósað. Nú býður okkar allra
það verk að vinna áfram að fram-
gangi sjálstæðisstefnunnar og
heyja þá einu baráttu sem okkur
er ætlað, fyrir sigri þessarar hug-
sjónar sem við höfum lengi barist
fyrir og ein getur leitt íslenska.þjóð
til farsældar og framfara. Þá bar-
áttu munum við heyja með árangri
og sigri. Þakka ykkur fyrir.
Friðrik Sophusson eftir að hafa verið kosinn varaformaður Sjálfstæðisflokksins:
Ætlum okkur að verða forustu-
menn allra sjálfstæðismanna
HÉR á eftir fer ávarp Friðriks Sophussonar á landsfundi Sjálfstæðis-
flokksins eftir að hann hafði verið kjörinn varaformaður flokksins:
Ágætu samheijar.
Mér þykir gott að finna stuðning
ykkar í þessu varaformannskjöri og
er þakklátur fyrir að þið skulið
hafa veitt mér brautargengi með
þessum hætti. Ég skal viðurkenna
það fúslega að þetta var erfið
ákvörðun og alls ekki sjálfsögð, og
ég fínn fyrir því, þegar ég tek aftur
að mér þetta hlutverk, að það hvíl-
ir á mér mikil ábyrgð, svo mikii að
ég veit að ég þarf á ykkar aðstoð
að halda til að geta rækt þetta hlut-
verk eins og ber.
' 'Ég" fmir fyrir ‘því,- og-það Wjóttmi-
við að gera báðir, ég og formaður
flokksins, að við erum ekki einung-
is forustumenn sumra sjálfstæðis-
manna. Við ætlum okkur að verða
forustumenn allra sjálfstæðis-
manna hvar sem þeir búa á landinu.
Við höfum nú, sjálfstæðismenn,
fundað í nokkra daga, og ég hef
sem fundarstjóri stundum verið að
velta fyrir mér þessu merki, þessu
tákni regnbogans, sem við höfum
fundað hér undir. Regnboginn er
samspil regns og sólar. Regnboginn
minnir okkur á að það skiptast á
-skiir ogskúrir í -irfinu.'En-samsprl
regns og sólar er líka nauðsynlegt
vegna vaxtar og viðgangs alls lífs-
ins. Þess vegna getum við haldið
því fram að regnboginn sé tákn
gróandans í þjóðfélaginu.
Við höfum á þessum fundi sýnt
hvernig sjálfstæðisfólk kemur sam-
an, sýnir lýðræðisleg vinnubrögð,
kemst að lýðræðislegri niðurstöðu
og hvernig við öll erum staðráðin í
að virða þá niðurstöðu sem hér er
fengin. Nú þurfum við að leggjast
á eitt, og vera minnug þess að sam-
staðan er okkar sterkasta vopn.
Auðvitað eru foringjar mikilvægir,
auðvitað er málstaður mikilvægur,
en það' sem -skiptir þó-öHu-máii í -
þeirri baráttu sem framundan er,
er trúin á málstaðinn, sannfæringin
sem í okkur býr. Þess vegna hljótum
við, ágætu samheijar, að strengja
þess heit þegar við göngum út af
þessum fundi, að við ætlum okkur
að sýna öllum kjósendum hver okk-
ar sannfæring er, og hvernig þessi
flokkur, sem svo mikið afl býr í,
kemur til með að taka þátt í kosn-
ingabaráttunni, kemur til með að
beijast á þann veg að um verði að
ræða sleitulausa sókn til sigurs.
Þess vegna skulum við ganga út
af þessum fundi til þess að sigra í
kosningabaráttunni. Fram til sig-
-urs,- sjálfstæðisTnetmr——
Friðrik Sophusson ávarpar
landsfundinn þegar hann hafði
Sjaifstæðisflokksins.