Morgunblaðið - 12.03.1991, Blaðsíða 58
58
MORGUNBLAÐIÐ ÞRIÐJUDAGUR 12. MARZ 1991
Morgunblaöiö/Sígurdur Jónsson
Sigrún Elsa Smáradóttir, ungfrú Suðurland 1991 ásamt örum stúlkum, sem þátt tóku í keppninni..
Ungfrú Suðurland valin á Hótel Örk:
Sigrúnu var vel fagnað eftir
kjörið.
unarstjóra og Smára Grímssonar
rafvirkja í Eyjum og er borin og
barnfædd Vestmanneyingur.
Fannst erfiðast að fara
á milli með Herjólfi
Selfossi.
„MÉR fannst nú erfiðast að
fara á milli með Herjólfi í öllum
þessum undirbúningi," sagði
Sigrún Elsa Smáradóttir, 18
ára, frá Vestmannaeyjum, sem
var valin ungfrú Suðurland á
Hótel Örk á föstudagskvöldið.
Sigrún var einnig valin ljós-
niyndafyrirsa'ta Suðurlands en
Margrét Yrr Sigurgeirsdóttir
frá Hellu var valin vinsælasta
stúlkan í hópnum.
Það var Dís Sigurgeirsdóttir,
ungfrú Suðurland 1990, sem
krýndi Sigrúnu Smáradóttur á
föstudagskvöldið en húsfyllir var
á Örkinni og góð stemmning með-
al gesta. Sigrún hlaut góðar jgjaf-
ir, þriggja vikna ferð til Italíu
með Samvinnuferðum-Landsýn
og módelsmíðaðan gullhring frá
Halldóri gullsmið.
Sigrún er dóttir hjónanna
Ragnheiðar Brynjólfsdóttur versl-
Sigrún stundar nám í Fram-
haldsskóianum í Vestmannaeyj-
um, á náttúrufræðibraut. Hún
sagðist stefna að gullsmíðanámi
svo fremi sem hún kæmist að hjá
einhveijum sem nemi. Hún sagði
að einstaklega góður andi hefði
verið í hópnum sem tók þátt í
keppninni og gaf Jóni hótelstjóra
á Órkinni fyrstu einkunn, hann
hefði verið alveg einstaklega lið-
legur.
Fjölbreylt dagskrá var á Hótel
Örk, Hermann Gunnnarsson var
kynnir ásamt Dengsa vini sínum
úr sjónvarpinu. Stúlkurnar komu
fram í pelsum, á sundbolum og í
kvöldkjólum. Eyjólfur Kristjáns-
son söng nokkur lög milli þess sem
stúlkurnar komu fram og sýndur
var tískufatnaður sem borinn er
innstur klæða. Loks var stiginn
dans við undirleik Stjórnarinnar.
Stúlkurnar fóru síðan heim hlaðn-
ar gjöfum.
— Sig. Jóns.
Háskólatónleikar
í Norræna húsinu
Á Háskólatónleikum 13. mars
koma fram Þórarinn Stefánsson
píanóleikar og Emil Friðfinnsson
hornleikari.
Á efnisskránni eru: Sónata fyrir
píanó og horn í F dúr op. 17 eftir
Beethoven. Ballade í g-moll op. 23
eftir Chopin og Villanelle fyrir horn
og píanó eftir Dukas.
Þórarinn Stefánsson hóf ungur
pínaónám á Akureyri. Að loknu
stúdentsprófi frá MA hóf hann nám
í Tónlistarskóla Reykjavíkur þar
sem aðalkennari hans var Halldór
Haraldsson. Hann lauk kennara-
og einleikaraprófi vorið 1987. Sam-
hliða náminu vann hann sem dag-
skrárgerðarmaður á tónlistardeild
Ríkisútvarpsins.
Þórarinn stundar nú framhalds-
nám hjá prófessor Eriku Haase í
Hannover.
Emil Friðfinnsson stundaði nám
við tónlistarskólana á Akureyri og
í Reykjavík og lauk einleikaraprófi
frá þeim síðarnefnda vorið 1987.
Eftir að hafa starfað sem hornleik-
ari í Sinfóníuhljómsveit íslands í
eitt ár hélt Emil til Þýskalands þar
sem hann stundar nú framhaldsnám
hjá prófessor Hermann Baumann,
við Tónlistarskólann í Essen. Emil
hefur nýlega verið ráðinn hornleik-
ari við Öperuhljómsveitina í Braun-
schweig.
(Fréttatilkynning)
„Stríð og,friður“ á
,, maraþ onsýningu ‘ ‘
Sovéska stórmyndin „Stríð og
friður“ sem gerð var á árunum
1966 og 1967 eftir samnefndri
skáldsögu Lévs Tolstojs verður
sýnd í heild í bíósal MIR, Vatns-
stíg 10, laugardaginn 16. mars.
Leikstjóri myndarinnar er Ser-
gei Bondartsjúk og leikur hann
jafnframt eitt aðalhlutverkið (Pi-
erre Bézúkhov), en aðrir helstu
leikendur eru V. Tikhonov (An-
drei Bolkonsky), L. Savelyéva
(Natasha Rostova) og Boris Zak-
hava (Kútuzov hershöfðingi). Allt
að 30 þús. aukaleikarar tóku
þátt í stærstu fjöldaatriðum
myndarinnar, t.d. orrustunni við
Borodino.
Kvikmyndin „Stríð og friður" er
í fjórum hlutum og verða þeir allir
sýndir á laugardaginn. Sýningin
verður því löng, hefst kl. 10 að
morgni og lýkur á sjöunda tímanum
um kvöldið. Kaffi- og matarhlé
verða gerð milli einstakra hluta
kvikmyndarinnar og þá bornar fram
veitingar, m.a. þjóðlegir rússneskir
réttir eins og borsj og pelmeni.
Kvikmyndin er talsett á ensku.
Aðgangur að sýningunni er tak-
markaður og aðeins gegn framvísun
aðgöngumiða sem seldir verða fyr-
irfram á Vatnsstíg 10. Uppselt hef-
ur jafnan verið á fyrri „maraþon-
sýningar“ MÍR á „Stríði og friði“.
(Fréttatilkynning)
--------^-4-4--------
Listi Framsókn-
ar á Reykjanesi
Kjördæmissamband Framsókn-
arfélaganna í Reykjaneskjördæmi
hefur ákveðið framboðslista
flokksins við alþingiskosningarn-
ar, sem fram eiga að fara 20.
apríl 1991. í 10 efstu sætunum
eru:
1. Steingrímur Hermannsson,
forsætisráðherra, Garðabæ.
2. Jóhann Einvarðsson, alþingis-
maður, Keflavík.
3. Níels Árni Lund, deildarstjóri,
Hafnarfirði.
4. Guðrún Alda Harðardóttir,
fóstra, Kópavogi.
5. Guðrún Hjörleifsdóttir, deild-
arstjóri, Keflavík.
6. Sveinbjörn Eyjólfsson, deild-
arstjóri, Mosfellsbæ.
7. Siv Friðleifsdóttir, sjúkraþjálf-
ari og form. SUF, Seltjarnarnesi.
8. Elín Jóhannsdóttir, kennari,
Bessastaðahr.
9. Róbert Tómasson, rafvirki,
Grindavík.
10. Óskar Guðjónsson, verkstjóri,
Sandgerði.
Athug’asemd um byggingarkostnað ráðhúss
Forsvarsmenn Samtakanna
Tjörnin lifi vilja koma eftirfar-
andi athugasemd á framfæri
vegna umræðna um byggingar-
kostnað ráðhúss.
Við umræðu um fjárhagsáætlun
Reykjavíkur fyrir skömmu fullyrti
Davíð Oddsson borgarstjóri að
byggingarkostnaður ráðhúss fari
aðeins um 20% fram úr upphaflegri
áætlun (sjá Mbl. 22.2. ’91 bls. 16).
í blöðum og útvarpi síðustu daga
hefur margoft verið sýnt fram á
•^að þetta er rangt: Upphafleg áætlun
var 750 milljónir króna og sú tala
var margítrekuð jafnvel eftir að
framkvæmdir vegna ráðhússins
voru hafnar. Nú hefur kostnaðurinn
hækkað um meira en 100% að raun-
gildi, en ekki um 20% eins og borg-
arstjóri heldur fram.
Framreiknuð nemur áætlunin 1,3
milljörðum en kostnaðurinn 2,7
milljörðum. Hækkunin nemur því
eitt þúsund og fjögur hundruð millj-
ónum króna. Ein og sér jafngildir
hún verði 200 meðalstórra íbúða í
Reykjavík. Samkvæmt þeim áætl-
Leiðrétting
I frétt í blaðinu á laugardag, þar
sem greint var frá nýjum leikskóla
í Garðabæ, misrituðust föðurnöfn
hönnuða hússins. Þeir eru arkitekt-
arnir Pálmar Ólason og Einar Ingi-
^marsson og er beðist velvirðingar á
mistökunum.
unum yfirvalda að þriðjungur
kostnaðar fari í kjallara ráðþússins
mun hvert bílastæði þar kosta
skattgreiðendur í Reykjavík 7 millj-
ónir króna.
Það vekur furðu, að þrátt fyrir
ítrekuð tilmæli í fjölmiðlum undan-
farna daga virðir Davíð Oddsson
borgarbúa ekki svars um það mikla
misræmi sem hefur komið í ljós
milli staðhæfinga hans og stað-
reynda í þessu máli.
Fréttatilkynning
-------4-4-4----
Þrettándakvöld
í Menntaskói-
anum við Sund
THALÍA, leiklistarfélag Mennta-
skólans við Sund, frumsýndi á
sunnudag leikritið Þrettánda-
kvöld eftir William Shakespeare í
leikgerð Hávars Sigurjónssonar.
Sett er upp í húsnæði Menntaskól-
ans við Sund.
Leikritið fjaliar um hinar ýmsu
myndir ástarinnar; sjálfselsku, vina-
ást, systkinaást, líkamlega ást, fórn-
fúsa ást, eigingjarna ást o.s.frv.
Uppsetningin er fremur óhefð-
bundin. Ekkert tímabil er tiltekið þar
eð sögusviðið er ævintýralandið Illyr-
ía þar sem söguþráðurinn getur tek-
ið óvænta stefnu þegar minnst varir.
Thalía hefir unnið að þessari sýn-
ingu af krafti síðastliðna tvo mánuði.
-------t-M------
Leiðrétting
Mistök urðu við frágang myndatexta
með frétt um nemendatónleika Tón-
listarskólans í Grundarfirði en fréttin
birtist á bls._12 í blaðinu síðastliðinn
laugardag. Á myndinni voru Friðrik
Vignir Stefánsson skólastjóri Tón-
listarskólans við píanóið og Elísabet
Lára Svcinsdóttir flautuleikari, en
ekki Bjarki Alexandersson og Guð-
rún Sólveig Ríkharðsdóttir. Morg-
unblaðið biðst velvirðingar á mistök-
unum.
ÚR DAGBÓK
LÖGREGLUNNAR í REYKJAVÍK:
8.-11. mars 1991
Nokkur ölvun var í borginni að-
faranótt iaugardags og sunnudags.
Lögrlegan þurfti að hafa afskipti
af á annað hundrað einstaklingum
beinlínis vegna þessa. Tæplega 70
þurfti að vista í fangageymslunum.
16 voru færðir fyrir dómara að
morgni vegna þeirrar ölvunarhátt-
semi, sem þeir höfðu sýnt af sér.
Þeim var gert að greiða 6-15 þús-
und krónur.
Fremur rólegt var í miðborginni,
fátt fólk og lítið drukkið. Alls var
tilkynnt um fjórar líkamsmeiðingar
um helgina; tvær á skemmtistöðum
og tvær utan dyra. Veist var að
Dana á Suðurgötu aðfaranótt laug-
ardags. Hann meiddist og þurfti
að flytja hann á slysadeild. Þrennt
var handtekið vegna þessa máls.
Þá var ráðist að pilti í Austur-
stræti sömu nótt. Hann var fluttur
á slysadeild. í báðum tilvikunum
var um minniháttar meiðsli að
ræða.
Ekkert umferðarslys var um
helgina og telst það í sjálfu sér til
tíðinda. Hins vegár var tilkynnt um
33 umferðaróhöpp og varð af mik-
ið eignatjón.
Hátt á annað hundrað ökumenn
voru kærðir vegna umferðarlaga-
brota. Flestir voru kærðir fyrir of
hraðan akstur og akstur á móti
rauðu Ijósi. Sex ökumenn voru
sviptir ökuréttindum „á staðnum".
Sá sem hraðast fór ók á 144 km
hraða á Sæbraut við Holtaveg að-
faranótt mánudags. Þá voru 19
ökumenn kærðir vegna gruns um
ölvun við akstur. Enginn þeirra
hafði áður Ient í óhöppum.
Tilkynnt var um 13 innbrot, 6
þjófnaði, 9 rúðubrot og 4 skemmd-
arverk. Nokkrum sinnum var brot-
ist inn í bifreiðir og úr þeim stolið
verðmætum.
Á sunnudag voru tveir menn um
tvítugt staðnir að því að rífa fram-
hjól og hemladælur af númerslaus-
um bíl þar sem hann stóð við Bílds-
höfða, en þeir höfðu ekki haft fjár-
muni til þess að afla sér þessara
hluta, en skráningarnúmer höfðu
verið tekin af bíl þeirra þar sem
öryggisbúnaði, s.s. hemlabúnaði,
þótti mjög ábótavant.
Fjögur ungmenni, þrír drengir
og ein stúlka, voru staðin að því
að stela bensíni af bíl á bensínstöð
aðfaranótt mánudags. Drengirnir
hafa oft áður komið við sögu af-
brotamála. Þeir voru vistaðir í
fangageymslunum, en stúlkunni
var ekið heim. Skráningarnúmerin
voru tekin af bíl þeirra þar sem
ekki hafði verið staðið skil á lög-
bundnum gjöldum.
íbúi við Laugaveg kom í veg
fyrir að bíl þar við götuna yrði sto-
lið snemma á laugardagsmorgun.
Honum fannst grunsamlegar ferðir
manns við bílinn og tilkynnti það
til lögreglunnar, sem mætti þegar
í stað á vettvang og handtók mann-
inn.
Ástæða er til að vekja athygli á
orðum lögreglustjóra í sjónvarpi
fyrir helgi þar sem hann hvetur
fólk til hóflegrar drykkju áfengis.
Lögreglan hvetur fólk til þess að
sýna hvert öðru tillitssemi og hlýju.