Morgunblaðið - 20.12.1991, Blaðsíða 66

66
MORGUNBLAÐIÐ IÞROTTIR FÖSTUDAGUR 20. DESEMBER 1991
KNATTSPYRIMA / EVROPUKEPPNI 21 ARS LANDSLIÐA
Sömu mótheijar og í HM
Knattspyrnusamband Evrópu,
UEFA, gekk frá niðurröðun í
riðla vegna næstu Evrópukeppni
U-21 árs landsliða (leikmenn fædd-
ir eftir l.ágúst 1971) í knattspyrnu.
Riðlarnir verða skipaðir sömu þjóð-
um og drógust saman í undan-
keppni Heimsmeistaramótsins með
þeirri undantekningu að Þýskaland
leikur í 3. riðli, en Eystrasaltsríkin
*og Norður:írland taka ekki átt. Það
þýðir að ísland er í 5. riðli með
Sovétríkjunum, Júgóslavíu, Ung-
veijalandi, Grikklandi og Lúxem-
borg.
Leikirnir eiga að fara fram á
næstu tveimur árum, en úrslita-
keppnin verður árið 1995. Sigur-
vegarar riðlanna leika í úrslitum
ásamt þeim tveimur liðum í 2. sæti,
sem ná besta árangri.
Semja verður um leikdaga fyrir
29. febrúar 1992, en gera má ráð
fyrir að fyrirkomulagið verði ámóta
og var í síðustu Evrópukeppni —
21 árs liðið leikur daginn fyrir leiki
a-liðsins í HM.
18 ára liðið gegn Belgíu
Forkeppni Evrópumóts U-18 ára
liða (leikmenn fæddir 1. ágúst 1974
eða síðar) verður leikin í níu tveggja
liða riðlum og fimm þriggja Iiða
riðlum. ísland er í 1. riðli ásamt
Belgíu og verður leikið heima og
að heiman. Sigurvegarinn leikur við
efsta liðið í 11. riðli, þar sem eru
Iriand, Norður-írland og Rúmenía,
um sæti í átta liða úrslitakeppninni
í Englandi í júlí 1993.
Leikirnir í forkeppninni eiga að
fara fram á tímabilinu frá 1. ágúst
1992 til 30.nóvember sama ár, en
leikjum um sæti í úrslitakeppninni
á að vera lokið fyrir 15. maí 1993.
Semja verður um leikdaga fyrir 1.
maí á næsta ári.
16 ára liðið gegn Danmörku
16 ára lið íslands (leikmenn
fæddir 1. ágúst 1976 eða síðar)
mætir Danmörku í riðlakeppni Evr-
ópumótsins. Þar eru 12 tveggja liða
riðlar og þrír þriggja liða riðlar og
fara sigurvegarar riðlanna í úrslita-
keppnina í Tyrklandi. Leikimir í
riðlakeppninni eiga að fara fram
fyrir 11. mars 1993.
Étám
FOLK
■ ADOLF Óskarsson, markvörð-
ur ÍBV í knattspyrnu, hefur ákveð-
ið að ganga til liðs við Selfyssinga
og leika með þeim næsta sumar.
■ HÖRÐUR Magnússon, marka-
kóngur FH-liðsins í knattspyrnu,
meiddist á hægri fæti á æfingu -
liðbönd tognuðu. Hann er nú í
þrýstiumbúðum.
■ HANS Guðmundsson, hand-
knattleiksmaður úr FH, er á sjúkra-
húsi. Botnlangi var tekinn.
■ KATRIN Krabbe var kjörin
besta íþróttakona ársins af íþróttaf-
réttamönnum í Þýskalandi í gær,
en hlaupadrottningin var einnig efst
í kjörinu í fyrra. Heike Henkel,
hástökkvari, og Steffi Graf, tennis-
leikari, komu næstar.
■ MICHAEL Stich, tennisleikari,
var efstur í kjöri karla, en næstir
voru helsti andstæðingur hans á
tennisvellinum, Boris Becker, og
sundmaðurinn Jörg Hoffmann.
FRJALSAR
KORFUKNATTLEIKUR / LANDSLIÐIÐ
„Tefli fram okkar sterkustu
mönnum gegn Pólverjum"
segirTorfi Magússon, landsliðsþjálfari. Þrírleikirgegn Pólverjum framundan
Pólveijar eru með eitt sterkasta
landslið Evrópu. Til að veita
þeim harða keppni verðum við að
tefla fram okkar öflugasta liði,“
sagði Torfí Magnússon, landsliðs-
þjálfari í körfuknattleik, en íslenska
liðið leikur þijá leiki við Pólveija á
milli jóla og nýárs.
Pólveijar, sem höfnuðu í sjöunda
sæti í Evrópukeppninni í Róm sl.
sumar, koma með alla sína sterkust
leikmenn og eru sex þeirra vel yfir
tvo metra. „Allir þeir leikmenn sem
eru nú í landsliðshópnum hafa skrif-
að undir skjal um að þeir séu tilbún-
ir að taka þátt í verkefnunum sem
Landslidshópurinn
Þeir leikmenn sem skipa landsliðshópinn, eru:
Pálmar Sigurðsson, UMFG............. 69
Axel Nikulásson, KR................. 52
Jón A. Ingvarsson, Haukum........... 19
Páll Kolbeinsson, KR................ 32
Jón Kr. Gíslason, ÍBK...............100
Valurlngimundarson, UMFT ...........116
Guðmundur Bragason, UMFG............ 51
Birgir Mikaelsson, UMFG............. 54
Sigurður Ingimundarson, ÍBK......... 23
Henning Henningsson, Haukum......... 11
Bárður Eyþórsson, Snæfelli........... 0
Nökkvi Már Jónsson, ÍBK.............. 4
Rúnar Ámason, UMFG.................. 13
Guðni Ó. Guðnason, KR............... 64
Magnús Matthíasson, Valur........... 25
TómasHolton, Val.................... 40
Teitur Örlygsson, UMFN.............. 35
Jón Kr. Gíslason,
fyrirliðið landsliðsins,
hefur leikið 100
landsleiki. Jón Kr. er
sá leikmaður sem er
líklegastur til að slá
landsleikjamet Torfa
Magnússonar, sem er
131 landsleikur.
Litháen kemur
Llandslið Litháen kemur til landsins í janúar og leikur hér tvo lands-
leiki. Þess má geta að landsliðum Litháen, Lettlands og Eystlands
hefur verið boðið að senda landslið á Norðurlandamótið í körfuknattleik,
sem fer fram í Osló í maí. Það verða því átta þjóðir sem taka þátt í NM.
framundan eru. Norðurlandamótinu
í Osló í Noregi í maí og undan-
keppni Ólympíuleikanna í Barce-
lona næsta sumar. Ég hef valið
sautján leikmenn, sem fá allir að
spreyta sig gegn Pólveijum," sagði
Torfi.
.Er Pétur Guðmundsson, sem get-
ur ekki leikið með gegn Pólveijum,
inni í þeirri mynd? „Já, þjálfari get-
ur ekki lokað á leikmann sem er
2,18 metra hár, ef hann er tilbúinn
að leika. Við erum ekki með það
marga leikmenn sem eru yfír tveir
metrar.“
ísland hefur leikið fjóra landsleiki
gegn Pólveijum og alltaf tapað
frekar stórt - 44:91, 43:68, 71:123
og 56:95.
Landsleikirnir gegn Pólveijum
fara fram í Keflavík, Reykjavík og
Borgernesi 27.-29. desember.
Midbæjarhlaup KR
Hið árlega Miðbæjarhlaup KR fer
fram á morgun, laugardaginn 21. des-
ember. Hlaupið hefst kl. 14 í Aðal-
stræti á móts við Miðbæjarmarkaðinn
og verður hlaupið um Suðurgötu, Hring-
braut, Sóleyjargötu, Fríkirkjuveg og
komið í mark í Vonarstræti við ráðhú-
sið. Vegalengdin er tæplega þrír km
og geta allir tekið þátt, en keppt verður
í karla-, kvenna-, drengja- og stúlkna-
flokki. Skráning verður við Miðbæjar-
markaðinn frá kl. 13.30.
Athugasemd frá IBV
Aíþróttasíðu Morgunblaðsins
miðvikudaginn 18. desem-
ber sl. birtist frétt undir fyrirsögn-
inni „Eyjamenn hafa sent inn
kæiu vegna leiksins gegn Fram“
og í undirfyrirsögn segir: segja
aukakastið sem Fram skoraði sig-
urmarkið úr, hafi ekki verið fram-
kvæmt á réttum stað. Framarar
afar óhressir með framkomu
Eyjamanna eftir leikinn, en þá
brutust út slagsmál."
Þessi frétt hlýtur að vera skóla-
bókardæmi um það hvernig frétt
á ekki að vera og er Morgunblað-
inu til skammar. Þarna er sagt
frá afar viðkvæmu máli, kæru
ÍBV vegna leiks á móti Fram, þar
sem aðeins sjónarmið annars aðil-
ans koma fram. Að vísu er haft
eftir Haraldi Óskarssyni, form-
anni handknattleiksráðs IBV, að
hann vilji ekkert um málið segja,
en í samtali við undirritaðan seg-
ist hann ekkert hafa viljað tjá sig
um kæruna við blaðamann Morg-
unblaðsins, en sagði álit sitt á
dómgæslu og framkomu áhorf-
enda í leik ÍBV og Fram í 1. deild
handboltans sem fram fór í Eyjum
föstudaginn 13. desember sl. en
ekkert af þessu kom fram í frétt-
inni. Aftur á móti fá formaður
handknattleiksdeildar Fram, sem
heldur því fram að Eyjamenn séu
búnir að tapa vitinu, og þjálfari
liðsins að koma sínum skoðunum
á framfæri.
Þeim láðist að segja alla sög-
una, hvers vegna ólætin brutust
út. Flest ef ekki öll 1. deildarliðin
í handbolta öfunda leikmenn ÍBV
af áhorfendum sínum. Þeir hafa
sýnt það gegnum árin að þeir
styðja sína menn í gegnum þykkt
og þunnt, lifa sig inn í leikinn,
fagna þegar vel gengur en þeir
kunna líka að taka ósigri sinna
manna þegar þeir láta í minni
pokann fyrir betra liði. Aftur á
móti eiga þeir bágt með að sætta
sig við að mistök dómara ráðí
úrslitum, eins og því miður hefur
gerst.
Blaðamaður Morgunblaðsins
sem skrifaði umrædda frétt hefur
ekki fyrir því að kanna hvað lá
að baki óánægju Eyjamanna í lok
leiks ÍBV og Fram. Sjónarmið
Fram fá að koma fram en ekki
Eyjamanna. Óánægjuna má rekja
til þess er markverði Fram var
vísað úr leiknum í fyrri hálfleik
fyrir mjög óíþróttamannslega
framkomu, er hann af ásettu ráði
sparkaði í einn áhorfandann utan
vallar. Það var upphafið, en upp
úr sauð þegar Framarar tóku
aukakast á ólöglegan hátt á síð-
ustu sekúndum leiksins_ og
tryggðu sér þar með sigur. í frétt
Morgunblaðsins er haft eftir þjálf-
ara Fram að komið hafi til slags-
mála að leik loknum og er á hon-
um að skilja að allir áhorfendur
hafi ráðist á menn hans. Hið rétta
er að einn eða tveir unglingar
áreittu varamarkvörð Fram sem
svaraði fyrir sig með því að sparka
til þeirra. Þetta var eins og olía
á eld og stuðningsmönnum Eyja-
manna hitnaði heldur betur í
hamsi. Var brugðist við þessu af
forsvarsmönnum handknattleiks-
ráðs ÍBV og komust leikmenn og
dómarar óáreittir til búningsklefa
sinna.
Kæra ÍBV er nú til meðferðar
hjá dómstóli HSÍ, sem er eðlilegur
farvegur og óháð frétt Morgun-
blaðsins og því sem gerðist eftir
leik. Það er trú mín að hjá dóm-
stólnum fái öll sjónarmið að koma
fram og hann gæti fyllsta hlut-
leysis. Þetta er prófmál sem verð-
ur stefnumarkandi í framtíðinni
og er ábyrgð dómstólsins mikil
og áríðandi að niðurstaða liggi
fyrir sem fyrst.
Morgunblaðið hefur með sinni
fréttamennsku kveðið upp dóm,
en hlutverk blaðamanns er að
segja frá en ekki dæma. Þetta er
í annað skipti á nokkrum dögum
sem blaðið veitist ómaklega að
okkur Eyjamönnum og okkur
hlýtur að vera spurn: Hvers eigum
við að gjalda hjá stærsta og út-
breiddasta blaði Iandins?
Ekki ætla ég að tjá mig um
dómgæsluna í vetur að þessu
sinni, en það hlýtur að vera krafa
liða á landsbyggðinni að dómarar
ferðist ekki með aðkomuliðum í
leik. Þetta hefur verið regla í
knattspyrnu í nokkur ár og ætti
líka að vera í handknattleik.
Með íþróttakveðju og von um
vandaðri vinnubrögð í framtíðinni,
Ómar Garðarsson, formað-
ur íþróttabandalags Vest-
mannaeyja.
Athugasemd ritslj.:
Blaðamaður Morgunblaðsins
ræddi góða stund við Harald
Óskarsson, formann handknatt-
leiksráðs IBV, sl. þriðjudag um
kæru ÍBV og það sem gerðist
eftir leikinn. I lok samtalsins ósk-
aði Haraldur eftir því að ekkert
yrði haft eftir sér um málið í heild
sinni. Að sjálfsögðu var farið að
ósk hans.
Höfundur ofangreindrar at-
hugasemdar er fréttaritari DV í
Vestmannaeyjum og taldi ekki
ástæðu til að fjalla um fyrrnefnd-
an leik í blaði sínu þótt hann segi
að hlutverk blaðamanna sé „að
segja frá,“ en sjálfur gerði hann
það ekki.
Morgunblaðið hefur ekki áhuga
á öðru en herma það sem rétt er
og harmar ef á það hefur skort í
frásögn af fyrrnefndum leik, enda
úr því bætt í blaðinu í gær með
samtali við þjálfara Eyjamanna.
En blaðið vísar algjörlega á bug
öllum fullyrðingum um að það
hafi veist að Eyjamönnum.
Morgunblaðið hefur sinnt Vest-
mannaeyjum um árabil eins vel
og frekast er kostur og mun halda
því áfram enda á blaðið trausta
og áhugasama lesendur og vel-
unnara í Eyjum.