Morgunblaðið - 20.12.1991, Blaðsíða 68

VÁTRYGGING mULUNIVADGéDllKVÖLDI
IE...IAR 41
SlÓyÁ^ALMENNAR IIIIÖA
MOKGUNBLADID, ADALSTRÆTI 6, 101 REYKJAVÍK
SÍMI 691100, FAX 691181, PÓSTHÓLF 1555 / AKUREYRI: IIAFNARSTRÆTI 85
FÖSTUDAGUR 20. DESEMBER 1991
VERÐ í LAUSASÖLU 110 KR.
Sátt sljórnarliða
•um breytingu á
sj ómannaafslætti
SAMKOMULAG náðist I gær innan þingliðs ríkisstjórnarinnar um út-
færslu á skerðingu sjómannaafsláttar. Ekkert samkomulag var hins
vegar í meirihluta efnahags- og viðskiptanefndar Alþingis um frum-
varp um tekju- og eignaskatt vegna andstöðu innan þingflokks sjálf-
stæðismanna. Þingstörf voru í uppnámi, þar sem ekkert samkomulag
hefur enn tekizt milli stjórnar og stjórnarandstöðu um afgreiðslu
mála fyrir jólaleyfi.
Samkomulagið um skerðingu sjó-
mannaafsláttar gerir ráð fyrir að það
markmið ríkisstjómarinnar að spara
180 milljónir króna með breytingu á
-afslættinum náist. Sjómenn, sem eru
260 lögskráða daga á sjó, fá afslátt
fyrir allt árið, eða sem svarar til 365
daga. Hlutaráðnir beitingamenn fá
sjómannaafslátt fyrir þá daga, sem
þeir eru ráðnir við slík störf. Sjómenn
á fiskiskipum undir tólf rúmlestum,
þar sem lögskráning er ekki skyld,
fá afslátt fyrir róðrardaga. Réttur
til afsláttar er þó háður því að sjó-
mennskutekjur þeirra séu a.m.k. 30%
af tekjuskattstofni.
Hefðbundnir samráðsfundir for-
manna þingflokka með forseta Al-
®%ingis eru ekki haldnir þessa dagana
vegna stirðleika í samskiptum stjóm-
ar og stjórnarandstöðu. „Spjallfund-
ur“ með forseta og forsætisráðherra
var haldinn í gær, en ekkert sam-
komulag hefur náðst milli stjómar
og andstöðu um framgang helztu
mála stjórnarinnar. Margrét Frí-
mannsdóttir, formaður þingflokks
Alþýðubandalagsins, sagði að verið
væri að skoða hvort flötur væri á
samningum með því að geyma fram
yfir áramót þau mál, sem ekki tengj-
ast ijárlögum beint.
Ekki var hægt að hefja þriðju
umræðu um fjárlagafrumvarpið í
gær eins og ríkisstjórnin hafði ætlazt
til. Þá var atkvæðagreiðslu um
fjáraukalög frestað. í gærkvöldi var
fram haldið umræðu um „bandorm-
inn“ svokallaða um ráðstafanir í rík-
isfjármálum. Búizt var við að °ú
umræða stæði fram á nótt og jafn-
vel daginn í dag, þar sem upp undir
tuttugu þingmenn voru á mælenda-
skrá og voru fæstir stuttorðir.
Sjá þingsíðu, bls. 38.
Morgunblaðið/RAX
JÓLAHÁTÍÐ í ÁRBÆJARKIRKJU
Fjárhagsáætlun Reykjavíkur:
Rúmur milljarður
til skólabygginga
Reykjavíkurborg áætlar að auka
framlög til nýbygginga skóla um
_22% á næsta ári og verja 780
iniHjónum króna til þeirra, ef
samningar takast um nýjan fjöl-
brautaskóla í Breiðholti. Þá er
gert ráð fyrir að verja 279 millj-
ónum króna til smíði barnaheim-
ila og framkvæmda á gæsluvöll-
um.
Þetta kom fram í ræðu Markúsar
Arnar Antonssonar borgarstjóra
Reykjavíkur þegar hann fylgdi fjár-
hagsáætlun borgarinnar fyrir næsta
ár úr hlaði. I ræðunni kom einnig
fram,. að til framkvæmda á sviði
íþrótta- og æskulýðsmála er áætlað
að veija 315 milljónum og fer mest
til sundlaugarinnar í Árbæjarhverfi.
Lögð verður 400 metra hlaupabraut
|*dð aðalleikvanginn í Laugardal og
er áætlaður heildarkoctnaður um 80
milljónir. Þá er áformað að veija 10
milljónum til að undirbúa nýjan golf-
völl, væntanlega í landi Keldna.
Hjá borgarstjóra kom fram, að
gert væri ráð fyrir að tekjur borgar-
innar hækkuðu um 5,6% á milli ára
og yrðu 12 milljarðar og 851 milljón
króna. Hins vegar er gert ráð fyrir
að rekstrargjöld borgarsjóðs lækki
samkvæmt frumvarpinu um tæplega
1,4% frá áætlaðri útkomu þessa árs
og verði 9 milljarðar króna, en sam-
anlögð útgjöld hækki um 5,6% og
verði 12.851 milljón.
Sjá miðopnu.
*
Island fyrsta vestræna ríkið sem viðurkennir Slóveníu og Króatíu:
Ljóst að EB hefur mistekist að
stöðva stríðsaðgerðir Serba
- segir Jón Baldvin Hannibalsson og telur brýnt að
Sameinuðu þjóðirnar taki sem fyrst að sér friðargæslu
RÍKISSTJÓRN íslands sendi í gær stjórnum Slóveníu og Króatíu skeyti
þar sem sagt var að ákveðið hefði verið að viðurkenna þau sem sjálf-
stæð og fullvalda ríki. I yfirlýsingu Jóns Baldvins Hannibalssonar
utanríkisráðherra segir jafnframt að íslensk stjórnvöld séu reiðubúin
að taka upp sljórnmálasamband við ríkin og verði tilhögun þeirra
mála ákveðin á næstu dögum. Island varð með þessu fyrsta vestræna
ríkið sem viðurkennir sjálfstæði ríkjanna tveggja en áður höfðu Lithá-
en og Úkraína riðið á vaðið.
Evrópubandalagið (EB) hefur
samþykkt að viðurkenna sjálfstæði
þeirra júgóslavnesku lýðvelda sem
þess óska 15. janúar ef þau upp-
fylli skilyrði um að halda í heiðri
lýðræði, tryggja réttindi minni-
hlutahópa og breyta ekki landa-
mærum.
Jón Baldvin Hannibalsson sagði
að ríkisstjórnin hefði tekið ákvörðun
í málinu sl. sunnudag. Ekki skipti
máli þótt EB biði fram í janúar,
bandalagið hefði annarra hags-
muna að gæta en við þar sem það
stæði fyrir friðarráðstefnu um mál-
efni Júgóslavíu í Haag. Klofningur
væri í bandalaginu í þessu máli,
vitað væri að Þjóðveijar vildu flýta
viðurkenningunni. Utanríkisráð-
herra var spurður hver hann teldi
að yrðu viðbrögð Serba. „Við höfum
auðvitað velt því mikið fyrir okkur
því að ástæðan fyrir þeim drætti
sem orðið hefur er fýrst og fremst
sú að menn hafa viljað vita með
meiri vissu hyort einhver von væri
til þess að Evrópubandalagið gæti
með friðarráðstefnunni knúið Serba
til að láta af styijaldaraðgerðum.
Nú hafa allir gefið upp von um
það. Viðurkenningin byggir á því
að Slóvenía og Króatía hafa með
formlegum hætti fullnægt þeim
skilmálum sem menn voru almennt
sammála um að setja og ríkin tvö
hafa tekið af tvímæli um það að
þau eru reiðubúin að virða réttindi
minnihlutahópa. Það hafa þau gert
með sérstakri löggjöf sem við met-
um gilda.
Nú skiptir mestu að þau ríki, sem
hafa markað sér þessa stefnu, haldi
sínu samstarfi áfram og þá ekki
síst innan Sameinuðu þjóðanna,
hins alþjóðlegá samfélags, til að
stöðva þessi vopnaviðskipti, koma
á raunverulegum friði og tryggja
hann með nærveru friðargæslu-
sveita." Jón Baldvin sagði það nú
fullreynt að Júgóslavía væri úr sög-
unni og færu önnur lýðveldi gamla
sambandsríkisins fram á viðurkenn-
ingu yrði það metið hvort þau full-
nægðu þeim skilmálum sem settir
væru.
Eyjólfur Konráð Jónsson, for-
maður utanríkismálanefndar Al-
þingis, sagði að þar hefði verið sam-
staða á mánudag um að sjálfstæði
ríkjanna tveggja yrði viðurkennt
þegar ríkisstjórnin teldi það tíma-
bært en þó ekki síðar en önnur ríki
hefðu ákveðið. Full samstaða væri
um málið í 'hefndinni.