Morgunblaðið - 23.11.1995, Síða 6

6 FIMMTUDAGUR 23. NÓVEMBER 1995
MORGUNBLAÐIÐ
FRÉTTIR
Forsvarsmenn nýju sjónvarpsstöðvanna segja almenning bregðast vel við samkeppni þeirra
Mikill kippur í
sölu sjónvarpstækja
MIKILL kippur hefur orðið í sölu
á sjónvarpstælquni. Verslunar-
stjórar hjá sjónvarpstækjaversl-
unum tengja góða sölu við til-
komu nýju sjónvarpsstöðvanna.
Sérstaklega mikið hefur selst af
litlum sjónvarpstækjum I fríhöfn-
inni í Keflavík. Páll Magnússon
sjónvarpsstjóri Sýnar segir að
viðbrögð við tilboði Stöðvar 2 og
Sýnar hafi verið sterk og nú
þegar hafi um 1.000 manns pant-
að áskrift. Úlfar Steindórsson
sjónvarpsstjóri Stöðvar 3 segir
að áskrifendur séu orðnir hátt í
tvö þúsund og ekki hafi dregið
úr fyrirspumum eftir að Stöð 2
og Sýn kynntu sitt tilboð í fyrra-
dag.
Veigar Oskarsson verslunar-
stjóri hjá Heimilistækjum segir
að aukin sjónvarpstækjasala eigi
sér einnig þær skýringar að
margir sem ætli sér að nýta út-
sendingar Stöðvar 3 og Sýnar
þurfi að endurnýja tækjakostinn
því gömul sjónvarpstæki, 6-7 ára
gömul, séu fæst með S-tíðnisvið
til móttöku á örbylgjusending-
um.
„Það er alltaf söluaukning í
nóvember og desember en okkur
finnst meira spurt um sjónvörp
nú en venja er á þessum árs-
tíma,“ sagði Veigar.
Hallgrímur Halldórsson versl-
unarstjóri Japis tók í sama
streng. „Eg geri ráð fyrir meiri
söluaukningu um jólin en vant
er um þetta leyti árs. Það hefur
líka selst meira af myndbands-
tækjum, því það segir sig sjálft
að menn komast ekki yfir að
horfa á allt það efni sem á boð-
stólum er og þar kemur mynd-
bandstækið í góðar þarfir," segir
Hallgrímur.
Meira hefur selst af sjónvarps-
tækjum með 14 tommu skjá í
fríhöfninni í Keflavík að undan-
förnu en dæmi eru um. Heimilt
er að flylja tollfijálst inn í landið
tæki sem kostar allt að 18 þúsund
kr. 14 tommu tæki kosta út úr
verslun í Reyly'avík um 25-30
þúsund kr.
Eitt loftnet nægir í
fjölbýlishúsum
Úlfar Steindórsson sjónvarps-
stjóri Stöðvar 3 segir að mynd-
lykill sá sem Sýn bjóði afrugli
aðeins eina rás af níu í einu.
Myndlykill Stöðvar 3 afrugli all-
ar rásirnar fimm sem þar eru í
boði og því sé hægt að horfa á
fleiri en eina rás í einu séu sjón-
varpstækin á heimilinu fleiri en
eitt. Af þeim sökum m.a. dragi
tilboð Sýnar ekki úr eftirspum
eftir Stöð 3.
Góð viðbrögð hjá Sýn
Sé um það að ræða að íbúar í
fjölbýlishúsi ætli að gerast
áskrífendur að hvorri stöðinni
sem er, Stöð 3 eða Sýn, nægir
að setja upp eitt örbylgjuloftnet
en hver áskrifandi verður að
hafa sinn myndlykil. I mörgum
fjölbýlishúsum voru settir upp
magnarar þegar Stöð 2 hóf út-
sendingar á sínum tíma. í sumum
tilfellum má þó búast við að setja
þurfi upp magnara eða bæta
þann sem fyrir er. Tengist tólf
eða fleiri áskrifendur Stöðvar 3
inn á eitt loftnet sér sjónvarps-
stöðin um uppsetningu á loftnet-
inu og tengingu inn á magnara.
Páll Magnússon sjónvarps-
stjóri Sýnar segir að viðbrögðin
hafi verið góð við auglýsingu
Sýnar. Klukkan 17 í gær vora
áskrifendur Sýnar orðnir yfir
eitt þúsund, þ.e. áskrífendur sém
tóku annan hvorn pakkann sem
boðið var upp á. Boðið er upp á
útsendingar Stöðvar 2, Sýnar og
níu erlendra sjónvarpsstöðva
fyrir 3.031 kr. eða útsendingar
Sýnar og níu erlendra sjónvarps-
stöðva fyrir 1.899 kr., hvort
tveggja miðað við boðgreiðslur.
Askrift að fimm rásum Stöðvar
3 kostar 1.995 kr. miðað við boð-
greiðslur.
Páll segir að þjófheldir mynd-
lyklar afrugli aðeins eina rás í
einu. Þess vegna hafi stærstu
framleiðendur myndlykla, eins
og Nokia og Philips, ekki fram-
leitt fjölrása myndlykil.
„Þeir fjölrása myndlyklar sem
eru á markaðnum núna og hafa
fengist til þessa, þar með talinn
myndlykill Stöðvar 3, uppfylla
einfaldlega ekki tæknilegar
kröfur sem við höfum gert til
myndlykla," sagði Páll.
Örbylgjulohnet nýju stöðv-
anna tveggja eru mjög svipuð
þannig að loftnet sem Stöð 3
dreifir nýtast til mótttöku á Fjöl-
varpinu og loftnet sem Sýn dreif-
ir nýtast til mótttöku á Stöð 3.
Ríkisstjómin
Flótta-
mannaráð
skipað
RÍKISSTJÓRNIN samþykkti á
fundi í gær að skipa nýtt flótta-
mannaráð til næstu fjögurra ára.
Að sögn Páls Péturssonar féiags-
málaráðherra verður hlutverk þess
að leggja til við ríkisstjórn heildar-
stefnu er varðar móttöku á flótta-
mönnum, hafa yfirumsjón með
framkvæmd á móttöku þeirra og
veita stjórnvöldum umsögn um ein-
stök tilvik eftir því sem óskað verð-
ur.
Páll sagði í samtali við Morgun-
blaðið að flóttamannaráð hefði til
þessa verið nokkuð í lausu lofti og
í ljósi reynslunnar hefði þótt nauð-
synlegt að koma því í fastara form.
Því hafí fyrst og fremst verið ætl-
að að skila tillögum um móttöku
á flóttamönnum, en engin lagastoð
hefði verið fyrir starfsemi þess.
Nýtt flóttamannaráð verður skipað
fulltrúum dómsmála-, heilbrigðis-,
menntamála- og utanríkisráðu-
neyta en formaður ráðsins verður
skipaður af félagsmálaráðherra og
ritari þess kemur úr félagsmála-
ráðuneyti. Þá mun Rauði krossinn
eiga áheyrnarfulltrúa í ráðinu.
„Það sem rekur sérstaklega á
eftir þessu eru flóttamennirnir sem
eru væntanlegir frá Bosníu. Við
þurfum að hafa stjóm á því og
geta haft ábyrgan aðila til að ann-
ast það verkefni frá ríkisstjórnar-
innar hálfu,“ sagði Páll.
Kallar ekki
á lagabreytingar
Hann sagði lagabreytingu ekki
þurfa að koma til vegna nýja flótta-
mannaráðsins, en hins vegar mætti
hugsa sér að það tengdist útlend-
ingaeftirlitinu í breytingum á lög-
um er það varðar. Hann sagði að
óskað yrði eftir tilnefningum í
flóttamannaráð en mjög fljótlega
þyrfti að skipa fulltrúa í það þar
sem undirbúningur vegna Bosníu-
mannanna væri kominn í gang, en
þeir eru væntanlegir til landsins
fyrri hluta janúar næstkomandi.
Morgunblaðið/Kristinn
Á MYNDINNI til vinstrí er loftnet af þeirri gerð sem áskrifendur Sýnar fá í hendur en til hægri er loftnet frá Stöð 3.
Horfur á að sjúkraflug á Vestfjörðum leggist niður
Samgönguráðherra hyggst reyna
að halda sjúkravél á ísafirði
Umræður á Alþingi veg-na frétta
af flutningi Flugfélagsins Ernis
Fóstureyðmganefnd
Ekki
valda-
barátta
NEFND, sem skipuð er af
heilbrigðisráðherra um fóstur-
eyðingar og ófijósemisaðgerð-
ir, aftekur að valdabarátta eigi
þátt í því að nefndin hefur
lagt fram kæru til ríkissak-
sóknara á hendur landlækni
vegna meintra brota á fóstur-
eyðingalöggjöf og almennum
hegningarlögum. Slíkt megi
skilja af yfirlýsingum land-
læknis í fjölmiðlm.
Nefndin segir kæruna lagða
fram að höfðu fullu samráði
við heilbrigðisráðuneyti. í
fréttatilkynningu nefndarinn-
ar segir að hún starfi á grund-
velli laga sem fjalli um þetta
viðkvæma og vandmeðfama
réttarsvið og sé það eitt af
hlutverkum nefndarinnar að
sjá til þess að lögunum sé
framfylgt í hvívetna. „Berist
nefndinni vitneskja um brot á
lögunum hlýtur hún að bregð-
ast við því samkvæmt starfs-
skyldum sínum. Fóstureyð-
ingalöggjöfin fjallar ekki ein-
vörðungu um rétt kvenna til
fóstureyðingar, heldur er það
jafnframt tilgangur laganna
að vemda líf.“
HALLDÓR Blöndal samgönguráð-
herra lýsti yfír þvi í gær að hann
hygðistræða við Ingibjörgu Pálma-
dóttur heilbrigðisráðherra um að
sjúkraflug héldist á Vestfjörðum í
ljósi frétta um að starfsemi Flugfé-
lagsins Emis á ísafirði flyttist til
Reykjavíkur. Þetta kom fram í ut-
andagskrárumræðum, sem efnt var
til að frumkvæði Ólafs Hannibals-
sonar, varaþingmanns Sjálfstæðis-
flokks á Vestfjörðum, um samgöng-
ur á Vestfjörðum.
Ólafur sagði að tilefni umræðn-
anna væri það „að í þremur nýleg-
um tilvikum hafa stjórnvöld sent
kolröng skilaboð“ til Vestfírðinga.
Þar væri um að ræða lokun þver-
brautar á flugvellinum á Patreks-
firði, horfur á að ekkert sjúkraflug
yrði frá ísafirði og töf brúar yfír
Gilsfjörð.
Flugbraut á Patreksfirði
opin til neyðarflugs
Ólafur sagði að ákvörðun um
þverbrautina hefði verið tekin án
vitundar samgönguráðherra og
Flugmálastjórnar, en skilaboðin
væru röng, sama hvaða embættis-
maður hefði sent þau og finna
bæri „þann þorpara".
Halldór kvað flugbrautina hafa
verið lokaða í sex ár, en klossar
hefðu verið settir á hana í vikunni.
Leyft yrði að nota brautina til
sjúkraflugs og þannig komið til
móts við kröfur heimamanna.
Nauðsyn að hafa
eina sjúkravél
Sjúkraflug á Vestfjörðum hefur
verið í höndum Flugfélagsins Ernis,
en ákveðið hefur verið að hætta
rekstri þess, meðal annars vegna
þess að Póstur og sími hefur sagt
upp öllum póstflutningum félagsins
og fyrirhugaðra breytinga á sjúkra-
flutningum, að sögn eins eigend-
anna, Harðar Guðmundssonar, í
samtali annars staðar í blaðinu í
dag.
Ólafur sagði nauðsynlegt að
minnst ein sjúkraflugvél yrði á
ísafírði í öryggisskyni fyrir íbúana.
Það kostaði eina milljón á mánuði
að reka slíka vél, en rekstur sjúkra-
bíls kostaði að minnsta kosti þriðj-
ungi meira og gæti orðið allt að
því helmingi hærri. Ólafur sagði að
Hörður og starfsmenn hans hefðu
ekki fengið greitt fyrir bakvaktir í
26 ár.
Halldór Blöndal kvaðst hafa
„rætt við Hörð þegar fréttist að
hann ætlaði að flytja suður“. Sam-
gönguráðherra sagði að hann
myndi taka málið upp í ríkisstjórn-
inni og ræða við heilbrigðisráðherra
um hvað til bragðs væri vegna þess
ástands, sem skapast hefði í sjúkra-
flugi fyrir vestan.
Halldór sagði ekki rétt að reyna
að bjarga þessu máli með „ástæðu-
lausu póstflugi", heldur bæri að
leysa það „með heilbrigðum hætti“.
Dráttur Gilsfjarðarbrúar
Brú yfir Gilsfjörð hefur lengi
verið á dagskrá. Ölafur Hannibals-
son sagði að fyrir síðustu kosningar
hefði stjórnmálamönnum þótt
óhætt að lofa því að brúarsmíðinni
yrði lokið fyrir 1977 og útboð hæf-
ust síðasta sumar. Hann bað ríkis-
stjórnina að koma þeim skilaboðum
til Reykhólahrepps nú að gangskör
yrði gerð í brúarmálinu.
Össur Skarphéðinsson, þingmað-
ur Alþýðuflokks í Reykjavík, var
einna harðorðastur í utandagskrár-
umræðunum. Hann spurði hve
langt menn kæmust yfir Gilsfjörð
á góðum vilja samgönguráðherra
og kvaðst þora að fullyrða að hann
„hefði ekki dregið á eftir sér lapp-
irnar ef Gilsfjörður væri í hans kjör-
dæmi“.
„Þegar hefur verið gefin út heim-
ild fyrir því að Gilsfjarðarbrú verði
boðin út og það er hægt að fá upp-
lýsingar um það með einu símtali,"
sagði Halldór. „Ég skil ekki tilefni
þessara utandagskrárumræðna.“
r

)
\
x
i
i
I
i
i