Morgunblaðið - 26.11.1996, Blaðsíða 26

26 ÞRIÐJUDAGUR 26. NÓVEMBER 1996
MORGUNBLAÐIÐ
LISTIR
*
Otelló fær misjafna dóma
Glöð fyrir hönd ömmu
FRUMSÝNINGIN á óperu Verdis
Ótelló var stói-viðburður í ítölsku
menningarlífi og margt stórmennið
viðstatt m.a. Romano Prodi forsæt-
isráðherra ásamt fleirum úr ríkis-
stjórninni, borgarstjórinn í Bologna
og einnig sá ég tískuhönnuðinn
Giorgio Armani.
Þetta var í fyrsta skipti, sem ég
var viðstaddur frumsýningu í ít-
ölsku óperuhúsi. Ég fann, að áhorf-
endur fylgdust grannt með hverjum
tón, eins og þeir kynnu verkið utan
að, og í lok hvers þáttar var söngn-
um fagnað með hinum sígildu
bravóhrópum. Þó finnst mér eins
pg mörgum gagnrýnendum hér á
Ítalíu fínnist vinna leikstjórans
Hennings Brockhás og leikmynd
Kristján Jóhannsson
söng Otelló í fyrsta
skipti í Bologna á Ítalíu
á laugardaginn.
Randver Þorláksson
var á frumsýningunni.
hins aldna snillings Josefs Svobota
veikasti hlekkur sýningarinnar.
Hefur vinna þessara tveggja manna
auk sjálfs stjórnandans fengið held-
ur kaida gagnrýni hér á Ítalíu. Þrátt
fýrir að stjórnandinn ungi Christian
Thieleman sé dáður hér í Bologna,
KRISTJÁN í hlutverki Ótellós og Kallen Esperion sem Desdemóna.
tóku gagnrýnendur hann og hrein-
lega pökkuðu honum saman og
sumir taka það djúpt í árinni að
segja að hann hafi ekki hundsvit á
Verdi. Mér finnst ítalir taka útlend-
ingum heldur fálega og gagnrýni
þeirra óréttmæt.
Það hefur greinilega farið fyrir
brjóstið á gagnrýnendum að í aðal-
hlutverkunum skuli annars vegar
vera amerísk sópransöngkona,
Kallen Esperiano og hins vegar ís-
lenskur tenór, Kristján Jóhannsson.
Þau fá ansi misjafna dóma og
helst er fundið að því að rödd Krist-
jáns sé ekki enn tilbúin til að tak-
ast á við þetta vandasama hlutverk
og töluvert vanti enn á innri túlk-
un. Samt sem áður viðurkenna þeir
að Kristján sé líklega einn af örfá-
um sem hafi yfir að ráða rödd sem
hæfi þessu mikla hlutverki.
Sjálfum fannst mér aðalsöngvur-
um takast vel upp og áheyrendur
létu mikla hrifningu í ljós. Ég held,
að þegar upp er staðið, þá sé þetta
stór áfangi á söngferli Kristjáns.
BJÖRK Guðmunds-
dóttir hlýtur tónlist-
arverðlaun Norður-
landaráðs árið 1997,
en verðlaunin verða
afhent í Osló 3. mars
næstkomandi. Að
sögn dómnefndarinn-
ar sem valdi Björk
varð hún fyrir valinu
þar sem hún hafi þró-
að sinn eigin stíl og
ævinlega verið trú
hugsjónum sínum.
Henni hafi tekist að
þróa list sína í mörg
ár með „hámarks-
ástríðu" og vinsældir
hennar út um allan
heim væru miklum
tónlistarhæfileikum að þakka.
I samtali við Morgunblaðið seg-
ist Björk Guðmundsdóttir hafa
fátt að segja um verðlaunin annað
en það að hún sé harla glöð. „Af-
hendingin verður á afmælinu
hennar ömmu og við erum að
pæla í því að fara
saman að taka á móti
þeim,“ segir hún. „Ég
vissi ekki hvaða verð-
laun þetta voru þar
til Sjón hringdi í mig
og hélt langa ræðu
um þau og hversu
merkileg þau væru.
Ég er svo mikill pönk-
ari og bólusett fyrir
verðlaunum, tek yfir-
leitt ekki mark á svo-
leiðis. Ég er fyrst og
fremst glöð fyrir
hönd ömmu.
Ég vona að ég
hljómi ekkert van-
þakklát, en ég fer
ailtaf í varnarstöðu
þegar ég fæ verðlaun, finnst að
fólk eigi ekki að fá verðlaun fyrr
en það er orðið þreytt og gamalt
og þegar það er búið að gera allt
sem það getur, búið að kreista
úr því allt og ég er rétt að byrja,“
sagði Björk Guðmundsdóttir.
Björk
Guðmundsdóttir
Krislján Jóhannsson ánægður með frumsýninguna á Qtelló
„Viðtökumar vom glæsilegar“
„ÉG HELD að þetta hafi gengið
mjög vel og sýningin sé mjög vel
heppnuð. Viðtökurnar voru glæsi-
legar en við vorum kölluð sjö eða
átta sinnum fram fyrir tjaldið í
leikslok. Ég er því ánægður," seg-
ir Kristján Jóhannsson óperu-
söngvari en umræðuefnið er frum-
sýning á óperunni Ótelló eftir
Giuseppe Verdi í Teatro Comuna-
le í Bologna á Italíu á laugardag,
þar sem hann fór með titilhlut-
verkið.
Hvað söng- og tónlistarflutning
áhrærir segir Kristján að sýningin
sé á mjög háu plani. Skiptar skoð-
anir séu hins vegar um umgjörð-
ina, auk þess sem sýningin gangi
óvenju hratt fyrir sig. „Hún er um
það bil klukkutíma styttri en
venjuleg sýning á Ótelló en það
er einungis gert eitt hlé á henni.
Sýningin er hins vegar mjög
hreyfanleg og skemmtileg og fell-
ur ekki í þá gryfju að verða lang-
dregin."
Kristján kveðst ánægður með
eigin frammistöðu — nefnir hann
leikinn sérstaklega í því sam-
hengi. „Undanfarið ár hef ég lagt
höfuðáherslu á þann þátt og mér
skilst á leikhúsfólki sem ég treysti
að leikurinn hafi skilað sér mjög
vel. En eins og ég hef sagt áður
skekur þessi sýning sálartetrið og
reynir kannski meira á sálina en
líkamann."
Fjöldi fyrirmenna lagði leið sína
í leikhúsið á laugardag, má þar
nefna forsvarsmenn helstu leik-
og óperuhúsa heims í dag, forsæt-
isráðherra og menntamálaráð-
herra Ítalíu og borgarstjórann í
Bologna. „Þetta var því mikið
gala-kvöld,“ segir Kristján en þess
má geta að óperan var sýnd sam-
tímis á risastórum sjónvarpsskjá
á hátíðarsal háskólans í Bologna,
auk þess sem henni var útvarpað
beint á „ítölsku gufunni", svo sem
Krislján kemst að orði. _
Þá segir Kristján að ítalska rík-
issjónvarpið, RAI, muni sýna upp-
færsluna á gamlársdag, auk þess
sem sérstakur þáttur verði gerður
um hana. Óhætt sé þvi að fullyrða
að uppfærslan hafi vakið heimsat-
hygli. „Það væri því mjög óréttl-
átt ef ég væri ekki ánægður."
Algjört spennufall
Krislján hefur sagt að glíman
við Ótelió sé hápunkturinn á ferli
tenórsöngvarans — hin endanlega
áskorun. En hvað tekur þá við
þegar hann hefur þreytt frum-
raun sína í hlutverkinu? „Eftir
frumsýninguna fannst mér engu
líkara en ég hefði misst ættingja,
svo reyttur var ég. Það varð al-
gjört spennufall sem ég er að
vinna úr núna, þar sem ég er með
sýningu á morgun [í kvöld]. Ótelló
er hins vegar þannig úr garði
gerður að maður getur verið alla
ævi að vinna úr honum. Ég mun
því hafa nóg fyrir stafni í framtíð-
inni.“
Alls mun Kristján syngja í sjö
eða átta sýningum í Bologna. En
hvenær tekst hann hlutverk hins
þeldökka Márahöfðingja næst á
hendur? „Það er frágengið að ég
syngi Ótelló undir stjórn Claudios
Abbados í Vín árið 1998 og undir
sljórn Christians Thielemans, sem
stjórnar sýningunni í Bologna, í
Berlín ári síðar. Ef að líkum lætur
mun ég hins vegar taka þátt í
tveimur uppfærslum í millitíðinni,
annarri í Flórens."
Annars kveðst Kristján ekki
hafa hug á að syngja Ótelló nema
á fimmtán til tuttugu sýningum á
ári í framtíðinni. „Ég reyni að
syngja hlutverkið með minni rödd,
þó ég dekki hana annað rlagið
þegar mér finnst það þurfa, þar
sem ég vil halda áfram að syngja
II Trovatore og Aida og má því
ekki missa hæðina. Ef maður miss-
ir hana verður ekki aftur snúið —
það verður því að þræða hinn
gullna meðalveg."
, i " WffMM
, ' :•
ÁNÖXM NA! DI.IMJAU III . 15.11. ‘X,
VILTU HLUT í ÖFLUGUSTU FYRIRTÆKJUNUM ?
Þú fjárfestir í Auðlindarbréfum og eignast hlut í fjölmörgum
sterkum og vaxandi fyrirtækjum. Betri afkoma hefur þýtt
góða ávöxtun á Auðlindarbréfum. Ávaxtaðu fé þitt án
fyrirhafnar - og tryggðu þér skattaafslátt í leiðinni.
Til að fullnýta skattaafsláttinn má einstaklingur kaupa
hlutabréf fyrir u.þ.b. 130.000 kr. og fær þá rúmlega 43.000
kr. í afslátt. Iljón geta keypt tvöfalda þessa upphæð.
'Sií'Mt<*{

BS
£//WSf(/p

Á
Á árs- grundvelli Nafn- ávöxtun Raun- ávöxtun
Sl. 3 mán. 24,8% 20,4%
SI. 6 mán. 57,0% 52,3%
Sl. 12 mán. 51,7% 48,6%
SI. 2 ár 38,1% 35,2%
Sl. 3 ár 26,6% 24,4%
Sl. 4 ár 19,6% 17,1%
Sl. 5 ár 15,4% 13,2%
Engin útborgun • 1. greiðsla í febrúar • 12 mánaða greiðslur • Eitt símtal • Boðgreiðslur • Áskrift
KAUPÞING HF
Árinúla 13A
Sími 515 1500