Morgunblaðið - 26.11.1996, Blaðsíða 22

22 ÞRIÐJUDAGUR 26. NÓVEMBER 1996
ERLENT
MORGUNBLAÐIÐ
^IEMISISrEMC
HILLUKERFI
ÓDÝRARI LAUSN
FYRIR LAGERINN
OQ GEYMSLUNA
Nýtt öflugt og ódýrara hillukerfi,
auövelt í uppsetningu, engar skrúfur.
Fagleg ráögjöf - leitiö tilboöa
ísold ehf[
Umboðs-& heildverslun
Faxafen 10-108 Reykjavík Sími 581 1091 - Fax 553 0170
Fundur APEC, Efnahagsráðs Asíu- og Kyrrahafsríkja
Stefnt að einu fríversl-
unarsvæði fyrir 2020
Subic Bay. Reuter.
LEIÐTOGAR Asíu- og Kyrrahafs-
ríkja ákváðu á fundi sínum á Filipps-
eyjum um helgina að koma á fót
heimsins stærsta fríverslunarsvæði
og í gær lýstu þeir yfir stuðningi
við tillögur Bandaríkjastjórnar um
algert frelsi í viðskiptum með upp-
iýsingatækni. Bill Clinton, forseti
Bandaríkjanna, fagnaði niðurstöðu
fundarins og sagði hana mundu ýta
undir bandarískan útflutning og at-
vinnusköpun og talsmenn atvinnu-
lífsins í Japan sögðu hana marka
tímamót og stuðla að frjálsum við-
skiptum og stöðugleika í þessum
heimshluta.
Ríkin 18, sem eiga aðild að Efna-
hagsráði Asíu- og Kyrrahafsríkja,
APEC, samþykktu að kom á sam-
ræmdu efnahagskerfi við Kyrrahaf
fyrir árið 2020 en íbúar í APEC-ríkj-
unum eru helmingur jarðarbúa. Þau
standa nú undir 56% heimsfram-
leiðslunnar og meira en helmingi
heimsviðskiptanna. Voru samtökin
stofnuð fyrir aðeins sjö árum í
Ástralíu en á fundi þeirra í Osaka
í Japan í fyrra voru lögð fyrstu drög-
in að áætlunum um að afnema alla
tolla af viðskiptum og fjárfestingum
fyrir 2020.
Stórmál fyrir
Bandaríkin
Clinton Bandaríkjaforseti sagði í
Manila á Filippseyjum í gær, að sam-
þykkt APEC-ríkjanna um algert
frelsi í viðskiptum með upplýsinga-
Vilja algert við-
skiptafrelsi á sviði
upplýsing-atækni
tækni boðaði mikil tíðindi og ekki
síst jyrir Bandaríkjamenn.
„Árleg sala upplýsingaiðnaðarins
í Bandaríkjunum er meira en 6.600
milljarðar kr. og hann veitir nærri
tveimur milljónum manna atvinnu.
Það er því auðvelt að gera sér í
hugarlund hvað það þýddi fyrir okk-
ur ef allir tollar í þessum viðskiptum
yrðu afnumdir um heim allan,“ sagði
Clinton á fundi með starfsmönnum
bandaríska sendiráðsins í Manila.
Á sunnudag átti Clinton fund með
Jiang Zemin, forseta Kína, og urðu
þeir ásáttir um að bæta samskipti
ríkjanna, sem hafa verið heldur stirð
í áratug. Var ákveðið, að Jiang
kæmi til Washington á næsta ári
og 1998 ætlar síðan Clinton að verða
fyrstur bandarískra forseta til að
heimsækja Kína eftir morðin á Tian-
anmen-torgi 1989.
Leiðtogar APEC-ríkjanna voru
mjög ánægðir með fund þeirra Clint-
ons og Jiangs en eftir sem áður
greinir Kínveija og Bandaríkjamenn
á um margt. Eitt af ágreiningsmál-
unum er til dæmis ósk Kínveija um
aðild að Alþjóðaviðskiptastofnun-
inni, WTO, og Clinton lagði á það
áherslu við Jiang, að Bandaríkja-
stjórn gæti ekki stutt hana fyrr en
Kínveijar hefðu opnað markaði sína
miklu meir en nú væri raunin á.
Telja samþykktina
oftúlkaða
Talsmaður Keidanren-hópsins í
Japan, sem öll stórfyrirtækin í land-
inu eiga aðild að, fagnaði í gær
niðurstöðu APEC-fundarins og sagði
hana marka tímamót. Ýmsir hag-
fræðingar í Suðaustur-Asíu telja þó,
að of mikið sé úr henni gert. Benda
þeir á, að í fyrsta lagi sé verið að
tala um dálítið fjarlæga framtíð, í
öðru séu APEC-ríkin misjafnlega vel
á vegi stödd efnahagslega og í þriðja
lagi sé þróunin almennt í átt til
fijálsari viðskipta hvað sem líði
APEC. Sumir hagfræðingar á Vest-
urlöndum hafa einnig tekið undir
þetta og telja, að hætta sé á, að
þróunin muni ráðast mikið af þeim
ríkjum, sem hægast fara.
Nokkuð var um, að vinstrisinnar
á Filippseyjum efndu til mótmæla
vegna APEC-fundarins, sem þeir
sögðu vinna gegn hagsmunum fá-
tæks fólks, en ekki kom til neinna
verulegra átaka.
Ný aðildarríki
Mahathir Mohamad, forsætisráð-
herra Malasíu, tilkynnti í gær, að
Víetnam og Perú fengju aðild að
APEC 1998 eða fyrr en búist hafði
verið við. Hafa engin ný ríki verið
tekin inn í þijú ár og liggja nú fyrir
aðildarumsóknir frá 11 ríkjum.
Reuter
LEIÐTOGAR APEC-ríkjanna brugðu sér allir í filippeyska Barong-skyrtu þegar þeir sátu fyrir hjá
ljósmyndurum að fundinum loknum. Clinton Bandaríkjaforseti er hér með hægri höndina á öxl Koo
Chen-Fu, formanns tævönsku sendinefndarinnar, en fyrir framan þá takast í hendur þeir Goh Chok
Tong, forsætisráðherra Singapore, og Banharn Silpa-Archa, forsætisráðherra Tælands.
40 prestum og nunn-
um hleypt til Kúbu
Havana. Reuter.
ÁHEYRN Fidels Castros, forseta
Kúbu, hjá Jóhannesi Páli páfa
II. fyrir viku er þegar farin að
hafa áhrif. Yfirvöld á Kúbu til-
kynntu á sunnudag að leyfa ætti
40 rómversk-katólskum prestum
og nunnum að koma til starfa á
eyjunni, að því er haft var eftir
heimildum innan kirkjunnar.
Mesti fjöldi
I þrjá áratugi
Fleiri erlendum prestum og
nunnum hefur ekki verið leyft
að koma til Kúbu í þijá ára-
tugi. 80 prestar og nunnur voru
á biðlista um að fá að komast
til starfa á Kúbu og hefur listinn
því styst um helming. Á listan-
um er meðal annars prestur,
sem fór frá Kúbu þegar hann
var barn að aldri og hefur beðið
þess í 20 ár að fá að snúa aftur
Jóhannes Páll II Fidel Castro
og boða Guðs orð í heimaland-
inu.
Páfagarður hefur gagnrýnt
seinagang í afgreiðslu umsókna
kirkjunnar manna um að fá að
koma til Kúbu.
Á fundi Castros og páfa var
ákveðið að sá síðarnefndi heim-
sækti Kúbu á næsta ári. Castro
lofaði páfa og sagði að honum
yrðu veittar höfðinglegar viðtök-
ur.
Skipasmíðastöðin
í Gdansk
--------- i
Krefjast
ríkisaðstoðar
Gdansk. Reuter.
UM 300 starfsmenn skipasmíða-
stöðvarinnar í Gdansk, sem var
vagga andófshreyfingarnnar Sam-
stöðu, lögðu í gær undir sig skrif-
stofu héraðsstjórans til að leggja
áherslu á kröfur um að vinnustað
þeirra verið bjargað frá hruni með
ríkisábyrgð á lánum.
Talsmenn starfsmanna sögðu I
eftir árangurslausar viðræður við
héraðsstjórann að 70 þeirra myndu
vera yfir nóttina á skrifstofunni.
Stöðin varð gjaldþrota í júní og
hefur ekki tekist að fá erlenda fjár-
festa til að koma til aðstoðar, Bent
hefur verið á að stjórnvöld hafi
komið öðrum, illa stöddum stórfyr-
irtækjum til hjálpar. Ráðamenn í |
Varsjá segja að stjórnendur skipa-
smíðastöðvarinnar hafi ekki lagt
fram raunhæfa áætlun um endur- '
reisn.